Джюз элде джюз ёгюзюм болгъандан эсе, джюз джууугъум болсун.
Эркишиге тары кебек танг кёрюнюр.
Халкъны джырын джырласанг, халкъ санга эжиу этер.
Таукелге нюр джауар.
Телиге от эт десенг, юйюнге от салыр.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Хар зат кесини орнуна иги.
Юреннген ауруу къалмаз.
Джаным-тиним – окъуу, билим.
Чакъырылгъанны аты, чакъырылмагъанны багъасы болур.
Ата – баланы уясы.
Ёгюзню мюйюзюнден тутадыла, адамны сёзюнден тутадыла.
Аман адамны тепсинге олтуртсанг, къызынгы тилер.
Керек ташны ауурлугъу джокъ.
Бал ашаргъа сюе эсенг, чибин ургъаннга тёз.
Борчунг бар эсе, хурджунунга ойлаб узал.
Гугук кесини атын айтыб къычыргъанча, мен, мен деб нек тураса?
Аджалсыз ёлюм болмаз.
Кёзюнде тереги болгъан, чёбю болгъаннга кюле эди.
Мал ёлсе, сюек къалыр, адам ёлсе, иши къалыр.
Ёнгкюч къууана барыр, джылай келир.
Къобан да къуру да къобханлай турмайды, адам да къуру да патчахлай турмайды.
Джолунга кёре – джюрюшюнг, джагъанга кёре – юлюшюнг.
Чёбню кёлтюрсенг, тюбюнден сёз чыгъар.
Ишлемеген – тишлемез.
Асхат ашлыкъ сата, юйдегиси ачдан къата.
Акъыл сабырлыкъ берир.
Ётюрюкден тюбю джокъ, кёлтюрюрге джиби джокъ.
Ишлегенден, къарагъан уста.
Ашхы тенг джолгъа салыр, аман тенг джолдан тайдырыр.
Атынг аманнга чыкъгъандан эсе, джанынг тамагъынгдан чыкъсын.
Мухар, кеси тойса да, кёзю тоймаз.
Таукел къуру къалмаз.
Къуллукъчума, деб махтанма, къуллукъ – хаух джамчыды!
Байлыкъ болгъан джерде, тынчлыкъ джокъду.
Аякъларынгы джууургъанынга кёре узат.
Сакъалы текени да бар, мыйыгъы киштикни да бар.
Кесине гебен этелмеген, биреуге черен эте эди.
Элде адам къалмаса, ит тахтагъа минер.
Тойчу джашха къарама, къойчу джашха къара.
Ишленмеген джаш – джюгенсиз ат, ишленмеген къыз – тузсуз хант.
Ишлегенде эринме, ишде чолакъ кёрюнме.
Адамны джюреги нени кёрюрге сюйсе, кёзю да аны кёрюрге ёч болады.
Тели турса – той бузар.
Баш – акъыл ючюн, акъылман – халкъ ючюн.
Игиге айтсанг – билир, аманнга айтсанг – кюлюр.
Мен да «сен», дейме, сен да «кесим», дейсе.
Къыйынлы джети элге оноу этер.
Ойнаб айтсанг да, эслеб айт.
Адамны адамлыгъы къыйынлыкъда айгъакъланады.
