Таула не мийик болсала да, аууш табылыр.
Иги адам абынса да, джангылмаз.
Ойнаб айтсанг да, эслеб айт.
Бёрю да ач къалмасын, эчки да ашалмасын.
Адам туугъан джеринде, ит тойгъан джеринде.
Эринчекни эр алмаз, эр алса да, кёл салмаз, кёл салса да, кёб бармаз!
Сакъалы текени да бар, мыйыгъы киштикни да бар.
Юреннген ауруу къалмаз.
Джауумдан сора, кюн кюйдюрюр, ётюрюкден сора, айыб кюйдюрюр.
Джолда аягъынга сакъ бол, ушакъда тилинге сакъ бол.
Аманнга игилик этсенг, юйюнге сау бармазса.
Чёбню кёлтюрсенг, тюбюнден сёз чыгъар.
Тюзлюк шохлукъну бегитир.
Ишлегенде эринме, ишде чолакъ кёрюнме.
Азыгъы аз, алгъа къабар, аты аман, алгъа чабар.
Адеби болмагъан къыз – тузсуз хант.
Кёбге таш атма.
Къатын байлыкъны сюер, эр саулукъну сюер.
Джумушакъ сёз къаты таякъны сындырыр.
Байлыкъдан саулукъ ашхыды.
Ауругъан – джашаудан умутчу.
Айран ичген – къутулду, джугъусун джалагъан – тутулду.
Ёзденликни кёбю ётюрюк.
Аман адам этегингден тутса, кес да къач.
Аджашхан тёгерек айланыр.
Ачлыкъда тары гырджын халыуадан татлы.
Биреу ашаб къутулур, биреу джалаб тутулур.
Чабакъгъа акъыл, табагъа тюшсе келеди.
Джахил болса анасы, не билликди баласы?
Чабакъсыз кёлге къармакъ салгъанлыкъгъа, чабакъ тутмазса.
Ариу сёз джыланны орнундан чыгъарыр.
Тынгылагъан тынгы бузар.
Тик ёргени, тик энгишгеси да болады.
Билим къая тешер.
Этек чакъмакълары баш джаргъан, сёлешген сёзлери таш джаргъан.
Эм ашхы къайын ана мамукъ бла башынгы тешер.
Адеб этмеген, адеб кёрмез.
Ат да турмайды бир териде.
Тили узунну, намысы – къысха.
От кюйдюрген, сау болса да, тот кюйдюрген, сау болмаз.
Ашха уста, юйюнде болсун
Ёксюзню къалачы уллу кёрюнюр.
Юй ишлеген балта эшикде къалыр.
Ашыкъгъан cуу, тенгизге джетмез.
Берекет берсин деген джерде, берекет болур.
Башы ишлегенни, ауузу да ишлер.
Билмегенинги, билгеннге сор.
Келлик заман – къартлыкъ келтирир, кетген заман – джашлыкъ ёлтюрюр.
Хар ишни да аллы къыйынды.
Джарлы эскисин джамаса, къууаныр.
