- Окъуу – билимни ачхычы, окъуу – дунияны бачхычы.
- Ашлыкъ – бюртюкден, джюн – тюкден.
- Уллу сёзде уят джокъ.
- Байма, деб да, къууанма, джарлыма, деб да, джылама.
- Экиндини кеч къылсанг, чабыб джетер ашхам.
- Къонакъ хазыр болгъанлыкъгъа, къонакъбай хазыр тюлдю.
- Таукел тауну аудурур.
- Уллу айтханны этмеген – уллаймаз.
- Окъугъанны бети джарыкъ.
- Насыблы элин сюер, насыбсыз кесин сюер.
- Акъыл аздырмаз, билим тоздурмаз.
- Оюмсуз атлагъан, аджалсыз ёлюр.
- Къонакъны къачан кетерин сорма, къачан келлигин сор.
- Джети тилни билген джети кишиди.
- Ётюрюкню башын керти кесер.
- Ойнай билмеген, уруб къачар.
- Билим насыб берир, билим джолну керир.
- Тилсиз миллет джокъ болур.
- Иесиз малны бёрю ашар.
- Бир абыннган – минг сюрюнюр.
- Насыб бютеу халкъны юлюшюдю.
- Орну джокъну – сыйы джокъ.
- Садакъачыны джаны – къапчыгъында.
- Телини эшигин, махтау джабар.
- Тёрени джагъы джокъ.
- Джашынгы кесинг юретмесенг, джашау юретир.
- Джумушакъ сёз къаты таякъны сындырыр.
- Иги адамны бир сёзю эки болмаз.
- Сакъалы текени да бар, мыйыгъы киштикни да бар.
- Уллу сёлешме да, уллу къаб.
- Сёз – кюмюш, джыр – алтын.
- Адам сёзюнден белгили.
- Атынг аманнга чыкъгъандан эсе, джанынг тамагъынгдан чыкъсын.
- Элде адам къалмаса, ит тахтагъа минер.
- Кёб къычыргъандан – къоркъма, тынч олтургъандан – къоркъ.
- Кёзю сокъурдан – къоркъма, кёлю сокъурдан – къоркъ.
- Ойнай-ойнай кёз чыгъар.
- Къоркъакъны кёзю экили кёрюр.
- Эртде тургъан бла эртде юйленнген сокъуранмаз.
- Тили узунну, намысы – къысха.
- Аман эсирсе, юйюн ояр.
- Бал чибинни ургъаны – ачы, балы – татлы.
- Аурууну келиую тынч, кетиую – къыйын.
- Кёлю джокъну – джолу джокъ.
- Шайтан алдады, тюзлюк къаргъады.
- Джарлы тюеге минсе да, ит къабар.
- Таукелге нюр джауар.
- Эри аманны, къатыны – аман.
- Иги сеники эсе да, сюйген кесимикин этеме.
- Ашаса, ашамаса да, бёрюню ауузу – къан.
Къарачай-малкъар халкъны нарт сёзлери
|
Сакъ юйюне сау барыр.
Тили узунну намысы къысха. Биреу билгенни биреу да билир. Кеси билмей эди да, элни юрете эди. |
|
|
|
|
|
Мен да билеме нарт сёзле
 Уяда не кёрсе, Учханда аны этер. Муну уа бир бек джаратама: Окъугъанны бети джарыкъ!  Эринчекни хар кюню да байрам! Сёзде бар да, ишде - джокъ! |
|
|
|
|
|
А мен ма муну билеме:
Эртде тургъанны эркек аты тай табар  |
|
|
|
|
|
Эринчекни отуннга ийсенг,
Чымырта келтирир. Арбаз сайлама да, хоншу сайла. Эски джаугъа ышанма. Эринчекге бюгюнден тамбла тынч |
|
|
|
|
|
Къаллай салам берсенг,
Аллай джууаб алырса. Ёлюм соруб келмез. Къыз келсе, джумуш этер, Къатын келсе, ушакъ этер. Бир кюн туугъан бир кюн ёлюр. Джангызны оту джарыкъ джанмаз. |
|
|
|
|
|
Къарт болгъан джжерде берекет болур,
Сабий болгъан джерде оюн болур. |
|
|
|
|
|
Биреуню къуу тёшегинден эсе,
Кесинги салам тёшегинг игиди. |
|
|
|
|
|
Джаш эркеси бёрю болур,
Къыз эркеси тели болур. |
|
|
|
|
|
Къатын алсанг, оюмлаб ал,
Ачха алсанг, санаб ал. |
|
|
|
|
|
Джол бла сёзню къыйыры джокъ.
Сёз - кюмюш, джыр - алтын. Сёз ауузунгдан чыкъса, Эл къобса да туталмаз. |
|
|
|
|
|
балтаны тута билмеген кесини башина урур
|
|
|
|
|
|
Къартны сыйын кёрмеген - къартлыкъгъа джашамаз!
Къыз юйюнде да къонакъды! Ашхы къыз - кёкде джулдуз! |
|
|
|
|
|
Халкъгъа мёлек - юйге халек.
Харам къарнашдан халал тенг ашхы! Эр къартайды - кюч тайды. Ауузу бла къуш тута. |
|
|
|
|
|
Билеме деген минг сёз, билмейме деген бир сёз
|
|
|
|
|
|
Ёгюзню мюиюзюнден. адамны сезюнден тутадыла
Джюгю ауур эшек бек чабар Ашхыгъа эл ышаныр. аманнга джер ышаныр Адамны иши бла биледиле |
|
|
|
|
|
суу челекни тюбю суууда... всем Салам
 |
|
|
|
|
|
Байны эшик артында олтургъандан эсе,
Джарлыны тёрюнде олтур. Тели батыр терк ёлюр. Аман адам ашхылыкъны терк унутур. |
|
|
|
|
|
Кергелен
Къуюб къойдунг да сен алан,  Мен аллай бир билмейме! |
|
|
|
|
|
Адеби болмагъан къыз - тузсуз хант.
Ашны аманы болмаз. Акъыллыгъа бир айт, Телиге минг айт. Артыкълыкъ узакъ бармаз. |
||||
|
|
|
|||
Читают тему (гостей: 2)