- Этек чакъмакълары баш джаргъан, сёлешген сёзлери таш джаргъан.
- Игини сыйлагъан адетди.
- Окъумагъан сокъурду, сокъур ташха абыныр!
- Кесинг сынамагъан затны, адамгъа буюрма.
- Аш иеси бла татлыды.
- Тили узунну, намысы – къысха.
- Къазанны башы ачыкъ болса, итге уят керекди.
- Чабакъгъа акъыл, табагъа тюшсе келеди.
- Юй кюйдю да, кюйюз чыкъды, ортасындан тюйюш чыкъды.
- Кюл тюбюндеги от кёрюнмейди.
- Джиби бир къат джетмей эди да, эки къат тарта эди.
- Илму – джашауну джолу.
- Джыгъылгъанны сырты джерден тоймаз.
- Адеб этмеген, адеб кёрмез.
- Аз сёлеш, кёб ишле.
- Бек ашыкъгъан меннге джетсин, дегенди аракъы.
- Айтылгъан сёз ызына къайтмаз.
- Ата Джуртун танымагъан, атасын да танымаз.
- Аууз сакълагъан – джан сакълар.
- Ётген ёмюр – акъгъан суу.
- Джетген къыз джерли эшекни танымаз.
- Аджашхан тёгерек айланыр.
- Чомарт бергенин айтмаз.
- Джырына кёре эжиую.
- Къолунгдан къуймакъ ашатсанг да, атаны борчундан къутулмазса.
- Намыс сатылыб алынмайды.
- Алма терегинден кери кетмез.
- Ойнай билмеген, уруб къачар.
- Къайгъыны сюйген, къайгъы табар.
- Кёб ант этген, кёб ётюрюк айтыр.
- Билими азны – ауузунда кирит.
- Кёрмегеннге кебек – танг, битмегеннге сакъал – танг.
- Уллу атлама – абынырса, уллу къабма – къарылырса.
- Адамны адамлыгъы къыйынлыкъда айгъакъланады.
- Этни бети бла шорпасы.
- Асхат ашлыкъ сата, юйдегиси ачдан къата.
- Акъыллы – эл иеси, тели – эл баласы.
- Къартны бурнун сюрт да, оноугъа тут.
- Кёбге таш атма.
- Тил – миллетни джаны.
- Ёзденликни джайгъан – джокълукъ.
- Ач къарным, тынч къулагъым.
- Сууда джау джокъ, кёб сёзде магъана джокъ.
- Ашхы тенг джолгъа салыр, аман тенг джолдан тайдырыр.
- Кеси юйюмде мен да ханма.
- Кёпюр салгъан кеси ётер, уру къазгъан кеси кетер.
- Ач къарынны, токъ билмез
- Баш – акъыл ючюн, акъылман – халкъ ючюн.
- Ачны эсинде – аш.
- Къартха ушагъан джаш – акъыллы, джашха ушагъан къарт – тели.
Къарачай-малкъар халкъны нарт сёзлери
|
Сакъ юйюне сау барыр.
Тили узунну намысы къысха. Биреу билгенни биреу да билир. Кеси билмей эди да, элни юрете эди. |
|
|
|
|
|
Мен да билеме нарт сёзле
 Уяда не кёрсе, Учханда аны этер. Муну уа бир бек джаратама: Окъугъанны бети джарыкъ!  Эринчекни хар кюню да байрам! Сёзде бар да, ишде - джокъ! |
|
|
|
|
|
А мен ма муну билеме:
Эртде тургъанны эркек аты тай табар  |
|
|
|
|
|
Эринчекни отуннга ийсенг,
Чымырта келтирир. Арбаз сайлама да, хоншу сайла. Эски джаугъа ышанма. Эринчекге бюгюнден тамбла тынч |
|
|
|
|
|
Къаллай салам берсенг,
Аллай джууаб алырса. Ёлюм соруб келмез. Къыз келсе, джумуш этер, Къатын келсе, ушакъ этер. Бир кюн туугъан бир кюн ёлюр. Джангызны оту джарыкъ джанмаз. |
|
|
|
|
|
Къарт болгъан джжерде берекет болур,
Сабий болгъан джерде оюн болур. |
|
|
|
|
|
Биреуню къуу тёшегинден эсе,
Кесинги салам тёшегинг игиди. |
|
|
|
|
|
Джаш эркеси бёрю болур,
Къыз эркеси тели болур. |
|
|
|
|
|
Къатын алсанг, оюмлаб ал,
Ачха алсанг, санаб ал. |
|
|
|
|
|
Джол бла сёзню къыйыры джокъ.
Сёз - кюмюш, джыр - алтын. Сёз ауузунгдан чыкъса, Эл къобса да туталмаз. |
|
|
|
|
|
балтаны тута билмеген кесини башина урур
|
|
|
|
|
|
Къартны сыйын кёрмеген - къартлыкъгъа джашамаз!
Къыз юйюнде да къонакъды! Ашхы къыз - кёкде джулдуз! |
|
|
|
|
|
Халкъгъа мёлек - юйге халек.
Харам къарнашдан халал тенг ашхы! Эр къартайды - кюч тайды. Ауузу бла къуш тута. |
|
|
|
|
|
Билеме деген минг сёз, билмейме деген бир сёз
|
|
|
|
|
|
Ёгюзню мюиюзюнден. адамны сезюнден тутадыла
Джюгю ауур эшек бек чабар Ашхыгъа эл ышаныр. аманнга джер ышаныр Адамны иши бла биледиле |
|
|
|
|
|
суу челекни тюбю суууда... всем Салам
 |
|
|
|
|
|
Байны эшик артында олтургъандан эсе,
Джарлыны тёрюнде олтур. Тели батыр терк ёлюр. Аман адам ашхылыкъны терк унутур. |
|
|
|
|
|
Кергелен
Къуюб къойдунг да сен алан,  Мен аллай бир билмейме! |
|
|
|
|
|
Адеби болмагъан къыз - тузсуз хант.
Ашны аманы болмаз. Акъыллыгъа бир айт, Телиге минг айт. Артыкълыкъ узакъ бармаз. |
||||
|
|
|
|||
Читают тему (гостей: 2)