- Къыз тиширыу кеси юйюнде да къонакъды.
- Айранны сюйген, ийнек тутар.
- Ач да бол, токъ да бол – намысынга бек бол.
- Байны оноуу, джарлыгъа джарамаз.
- Тилде сюек болмаса да, сюек сындырыр.
- Джюрекден джюрекге джол барды.
- Ата – баланы уясы.
- Ачны эсинде – аш.
- Адамны джюреги нени кёрюрге сюйсе, кёзю да аны кёрюрге ёч болады.
- Уллу къашыкъ эрин джыртар.
- Къатын къылыкъсыз, эр тынчлыкъсыз.
- Къазанны башы ачыкъ болса, итге уят керекди.
- Биреуню тёрюнден, кесинги эшик артынг игиди.
- Джарлы джети элни сёзюн этер.
- Телини эшигин, махтау джабар.
- Миллетни бойну – базыкъ, аны бла кюрешген – джазыкъ.
- Артына баргъанны, къатына барма.
- Адамны бетине къарама, адетине къара.
- Кенгеш болса, уруш болмаз.
- Хоншуну тауугъу къаз кёрюнюр, келини къыз кёрюнюр.
- Юре билмеген ит, къонакъ келтирир.
- Мал кёб болса, джууукъ кёб болур.
- Эр абынмай, эл танымаз.
- Кюлме джашха – келир башха.
- Сабий болмагъан джерде, мёлек болмаз.
- Къолунгдан къуймакъ ашатсанг да, атаны борчундан къутулмазса.
- Мухарны эси – ашарыкъда.
- Ишни аллы бла къууанма да, арты бла къууан.
- Билген билмегенни юретген адетди.
- Адам къаллай бир ишленмесе, аллай бир кесин уллу кёреди.
- Ана – юйню кюн джарыгъы.
- Агъач халкъгъа алтынды, иссиликге салкъынды.
- Чыкълы кюнде чыкъмагъан, чыкъса къуру кирмеген.
- Къумурсхала джыйылсала, пилни да джыгъадыла.
- Эл элде бирер малынг болгъандан эсе, бирер тенгинг болсун.
- Гыдай эчки суугъа къараб, мюйюзле кёрмесе, джашма алкъын, дегенди.
- Чоюнну башы ачыкъ болса, итге уят керекди.
- Этни бети бла шорпасы.
- Намысы болмагъанны, сыйы болмаз.
- Намыс болмагъан джерде, насыб болмаз.
- Джаз бир кюнню джатсанг, къыш талай кюнню абынырса.
- Арыгъан къош чамчы болур.
- Тамбла алтындан бюгюн багъыр ашхы.
- Эшекни не къадар тюйсенг да, ат болмаз.
- Урама да – ёледи, сатама да – келеди.
- Кёз – сюйген джерде, къол – ауругъан джерде.
- Хар ишни да аллы къыйынды.
- Рысхы – насыбха къор.
- Рысхысына кёре, джаш ёсер, къышлыгъына кёре, мал ёсер.
- Аууздан келген, къолдан келсе, ким да патчах болур эди.
Къарачай-малкъар халкъны нарт сёзлери
|
Сакъ юйюне сау барыр.
Тили узунну намысы къысха. Биреу билгенни биреу да билир. Кеси билмей эди да, элни юрете эди. |
|
|
|
|
|
Мен да билеме нарт сёзле
 Уяда не кёрсе, Учханда аны этер. Муну уа бир бек джаратама: Окъугъанны бети джарыкъ!  Эринчекни хар кюню да байрам! Сёзде бар да, ишде - джокъ! |
|
|
|
|
|
А мен ма муну билеме:
Эртде тургъанны эркек аты тай табар  |
|
|
|
|
|
Эринчекни отуннга ийсенг,
Чымырта келтирир. Арбаз сайлама да, хоншу сайла. Эски джаугъа ышанма. Эринчекге бюгюнден тамбла тынч |
|
|
|
|
|
Къаллай салам берсенг,
Аллай джууаб алырса. Ёлюм соруб келмез. Къыз келсе, джумуш этер, Къатын келсе, ушакъ этер. Бир кюн туугъан бир кюн ёлюр. Джангызны оту джарыкъ джанмаз. |
|
|
|
|
|
Къарт болгъан джжерде берекет болур,
Сабий болгъан джерде оюн болур. |
|
|
|
|
|
Биреуню къуу тёшегинден эсе,
Кесинги салам тёшегинг игиди. |
|
|
|
|
|
Джаш эркеси бёрю болур,
Къыз эркеси тели болур. |
|
|
|
|
|
Къатын алсанг, оюмлаб ал,
Ачха алсанг, санаб ал. |
|
|
|
|
|
Джол бла сёзню къыйыры джокъ.
Сёз - кюмюш, джыр - алтын. Сёз ауузунгдан чыкъса, Эл къобса да туталмаз. |
|
|
|
|
|
балтаны тута билмеген кесини башина урур
|
|
|
|
|
|
Къартны сыйын кёрмеген - къартлыкъгъа джашамаз!
Къыз юйюнде да къонакъды! Ашхы къыз - кёкде джулдуз! |
|
|
|
|
|
Халкъгъа мёлек - юйге халек.
Харам къарнашдан халал тенг ашхы! Эр къартайды - кюч тайды. Ауузу бла къуш тута. |
|
|
|
|
|
Билеме деген минг сёз, билмейме деген бир сёз
|
|
|
|
|
|
Ёгюзню мюиюзюнден. адамны сезюнден тутадыла
Джюгю ауур эшек бек чабар Ашхыгъа эл ышаныр. аманнга джер ышаныр Адамны иши бла биледиле |
|
|
|
|
|
суу челекни тюбю суууда... всем Салам
 |
|
|
|
|
|
Байны эшик артында олтургъандан эсе,
Джарлыны тёрюнде олтур. Тели батыр терк ёлюр. Аман адам ашхылыкъны терк унутур. |
|
|
|
|
|
Кергелен
Къуюб къойдунг да сен алан,  Мен аллай бир билмейме! |
|
|
|
|
|
Адеби болмагъан къыз - тузсуз хант.
Ашны аманы болмаз. Акъыллыгъа бир айт, Телиге минг айт. Артыкълыкъ узакъ бармаз. |
||||
|
|
|
|||
Читают тему (гостей: 4)