- Айырылгъанланы айю ашар, бёлюннгенлени бёрю ашар.
- Эм уллу байлыкъ – джан саулукъ.
- Башда акъыл болмаса, эки аякъгъа кюч джетер.
- Къайгъы тюбю – тенгиз.
- «Ёгюз, джаргъа джууукъ барма, меннге джюк боллукъса», - дегенди эшек.
- Кийимни бичсенг, кенг бич, тар этген къыйын тюлдю.
- Къууут – джелге, берне – бошха.
- Болджал ишни бёрю ашар.
- Ач отунчуну ачыуу – бурнунда.
- Игилик игилик бла сингдирилиучю затды.
- Шайтан алдады, тюзлюк къаргъады.
- Ургъан суудан башынгы сакъла.
- Ат басханны джер билед.
- Нафысынгы айтханын этме, намысынгы айтханын эт.
- Къонакъ болсанг, ийнакъ бол.
- Тёзгеннге, джабылгъан эшик ачылыр.
- Aдам боллукъ, сыфатындан белгили.
- Кёзю сокъурдан – къоркъма, кёлю сокъурдан – къоркъ.
- Къарт айтханны этмеген, къартаймаз.
- Адам къаллай бир ишленмесе, аллай бир кесин уллу кёреди.
- Къарнынг ауруса, ауузунгу тый
- Таугъа чыгъаллыкъ эсенг, тюзде къалма.
- Урама да – ёледи, сатама да – келеди.
- Байлыкъ болгъан джерде, тынчлыкъ джокъду.
- Кийиминг бла танылма, адамлыкъ бла таныл.
- Къоркъакъны кёзю экили кёрюр.
- Ханнга да келеди хариблик.
- Аман адамны тепсинге олтуртсанг, къызынгы тилер.
- Къарт болгъан джерде, берекет болур, сабий болгъан джерде, оюн болур.
- Иши джокъну, сыйы джокъ.
- Кёл – къызбай, къол – батыр.
- Адамгъа аман кюн соруб келмейди.
- Оюмсуз атлагъан, аджалсыз ёлюр.
- Чабакъгъа акъыл, табагъа тюшсе келеди.
- Баргъанынга кёре болур келгенинг.
- Къобан да къуру да къобханлай турмайды, адам да къуру да патчахлай турмайды.
- Ачлыкъда тары гырджын халыуадан татлы.
- Адеби болмагъан къыз – тузсуз хант.
- Сёз – кюмюш, джыр – алтын.
- Керек ташны ауурлугъу джокъ.
- Кесинг сынамагъан затны, адамгъа буюрма.
- Ариу сёз – къылычдан джити.
- Акъылсызны джууукъгъа алма, акъыллыны кенгнге салма.
- Юйюнгден чыкъдынг – кюнюнгден чыкъдынг.
- Билим къая тешер.
- Къартха ушагъан джаш – акъыллы, джашха ушагъан къарт – тели.
- Къонагъы джокъну – шоху джокъ.
- Ёксюзню къалачы уллу кёрюнюр.
- Къызбайны юйюне дери сюрсенг, батыр болур.
- Ата джурт – алтын бешик.
Къарачай-малкъар халкъны нарт сёзлери
|
Сакъ юйюне сау барыр.
Тили узунну намысы къысха. Биреу билгенни биреу да билир. Кеси билмей эди да, элни юрете эди. |
|
|
|
|
|
Мен да билеме нарт сёзле
 Уяда не кёрсе, Учханда аны этер. Муну уа бир бек джаратама: Окъугъанны бети джарыкъ!  Эринчекни хар кюню да байрам! Сёзде бар да, ишде - джокъ! |
|
|
|
|
|
А мен ма муну билеме:
Эртде тургъанны эркек аты тай табар  |
|
|
|
|
|
Эринчекни отуннга ийсенг,
Чымырта келтирир. Арбаз сайлама да, хоншу сайла. Эски джаугъа ышанма. Эринчекге бюгюнден тамбла тынч |
|
|
|
|
|
Къаллай салам берсенг,
Аллай джууаб алырса. Ёлюм соруб келмез. Къыз келсе, джумуш этер, Къатын келсе, ушакъ этер. Бир кюн туугъан бир кюн ёлюр. Джангызны оту джарыкъ джанмаз. |
|
|
|
|
|
Къарт болгъан джжерде берекет болур,
Сабий болгъан джерде оюн болур. |
|
|
|
|
|
Биреуню къуу тёшегинден эсе,
Кесинги салам тёшегинг игиди. |
|
|
|
|
|
Джаш эркеси бёрю болур,
Къыз эркеси тели болур. |
|
|
|
|
|
Къатын алсанг, оюмлаб ал,
Ачха алсанг, санаб ал. |
|
|
|
|
|
Джол бла сёзню къыйыры джокъ.
Сёз - кюмюш, джыр - алтын. Сёз ауузунгдан чыкъса, Эл къобса да туталмаз. |
|
|
|
|
|
балтаны тута билмеген кесини башина урур
|
|
|
|
|
|
Къартны сыйын кёрмеген - къартлыкъгъа джашамаз!
Къыз юйюнде да къонакъды! Ашхы къыз - кёкде джулдуз! |
|
|
|
|
|
Халкъгъа мёлек - юйге халек.
Харам къарнашдан халал тенг ашхы! Эр къартайды - кюч тайды. Ауузу бла къуш тута. |
|
|
|
|
|
Билеме деген минг сёз, билмейме деген бир сёз
|
|
|
|
|
|
Ёгюзню мюиюзюнден. адамны сезюнден тутадыла
Джюгю ауур эшек бек чабар Ашхыгъа эл ышаныр. аманнга джер ышаныр Адамны иши бла биледиле |
|
|
|
|
|
суу челекни тюбю суууда... всем Салам
 |
|
|
|
|
|
Байны эшик артында олтургъандан эсе,
Джарлыны тёрюнде олтур. Тели батыр терк ёлюр. Аман адам ашхылыкъны терк унутур. |
|
|
|
|
|
Кергелен
Къуюб къойдунг да сен алан,  Мен аллай бир билмейме! |
|
|
|
|
|
Адеби болмагъан къыз - тузсуз хант.
Ашны аманы болмаз. Акъыллыгъа бир айт, Телиге минг айт. Артыкълыкъ узакъ бармаз. |
||||
|
|
|
|||
Читают тему (гостей: 1)