- Акъыл аздырмаз, билим тоздурмаз.
- Джарлы эскисин джамаса, къууаныр.
- Къарын къуру болса, джюрек уру болур.
- Эки итни арасына сюек атма, эки адамны арасында сёз чыгъарма.
- Тыш элде солтан болгъандан эсе, кесинги элде олтан болгъан игиди!
- Ёлген аслан – сау чычхан.
- Къайгъы тюбю – тенгиз.
- Ёлюр джаннга, ёкюл джокъ.
- Баш – акъыл ючюн, акъылман – халкъ ючюн.
- Аман хансны – урлугъу кёб.
- Ашаса, ашамаса да, бёрюню ауузу – къан.
- Сёз сёзню айтдырыр.
- Джигер – джаннга къыйынлыкъ.
- Ишге юренсин къоллары, халкъ бла болсун джоллары.
- Ишни ахырын ойламай, аллын башлама.
- Суу ичген шауданынга тюкюрме.
- Булут кёкге джарашыу, уят бетге джарашыу.
- Къралынгы – душмандан, башынгы от бла суудан сакъла.
- Ёгюзню мюйюзюнден тутадыла, адамны сёзюнден тутадыла.
- Ургъан суудан башынгы сакъла.
- Джюрекге ариу – кёзге да ариу.
- Джахил болса анасы, не билликди баласы?
- Хар зат кесини орнуна иги.
- Этни бети бла шорпасы.
- Тёрдеги кюлсе, эшикдеги ышарыр.
- Ханнга да келеди хариблик.
- Къарыусузгъа кюлме, онгсузгъа тийме.
- Ачыкъ джюрекге джол – ачыкъ.
- Кёб джашагъан – кёб билир.
- Эки ойлашыб, бир сёлешген.
- Уллу къазанда бишген эт, чий къалмаз.
- Акъыл къартда, джашда тюйюлдю – башдады.
- Кенгеш болса, уруш болмаз.
- Къулакъдан эсе, кёзге ышан.
- Тин – байлыгъынг, терен саулугъунг.
- Хаухну атма, ёнгкючню сатма.
- Эрни эр этерик да, къара джер этерик да, тиширыуду.
- Къарт болгъан джерде, берекет болур, сабий болгъан джерде, оюн болур.
- Юре билмеген ит, къонакъ келтирир.
- Тил джюрекге джол ишлейди.
- Чабакъгъа акъыл, табагъа тюшсе келеди.
- Къонагъынгы артмагъын алма да, алгъышын ал.
- Эшекге миннген – биринчи айыб, андан джыгъылгъан – экинчи айыб.
- Кийимни бир кюнню аясанг, минг кюннге джарар.
- Къалгъан ишге къар джауар.
- Аманнга алтын чыдамаз.
- Хантына кёре тузу, юйюне кёре къызы.
- Келинин тута билмеген, къул этер, къызын тута билмеген, тул этер.
- Чомарт джарлы болмаз.
- Джогъун бар этген, барын бал этген.
Къарачай-малкъар халкъны нарт сёзлери
|
Сакъ юйюне сау барыр.
Тили узунну намысы къысха. Биреу билгенни биреу да билир. Кеси билмей эди да, элни юрете эди. |
|
|
|
|
|
Мен да билеме нарт сёзле
 Уяда не кёрсе, Учханда аны этер. Муну уа бир бек джаратама: Окъугъанны бети джарыкъ!  Эринчекни хар кюню да байрам! Сёзде бар да, ишде - джокъ! |
|
|
|
|
|
А мен ма муну билеме:
Эртде тургъанны эркек аты тай табар  |
|
|
|
|
|
Эринчекни отуннга ийсенг,
Чымырта келтирир. Арбаз сайлама да, хоншу сайла. Эски джаугъа ышанма. Эринчекге бюгюнден тамбла тынч |
|
|
|
|
|
Къаллай салам берсенг,
Аллай джууаб алырса. Ёлюм соруб келмез. Къыз келсе, джумуш этер, Къатын келсе, ушакъ этер. Бир кюн туугъан бир кюн ёлюр. Джангызны оту джарыкъ джанмаз. |
|
|
|
|
|
Къарт болгъан джжерде берекет болур,
Сабий болгъан джерде оюн болур. |
|
|
|
|
|
Биреуню къуу тёшегинден эсе,
Кесинги салам тёшегинг игиди. |
|
|
|
|
|
Джаш эркеси бёрю болур,
Къыз эркеси тели болур. |
|
|
|
|
|
Къатын алсанг, оюмлаб ал,
Ачха алсанг, санаб ал. |
|
|
|
|
|
Джол бла сёзню къыйыры джокъ.
Сёз - кюмюш, джыр - алтын. Сёз ауузунгдан чыкъса, Эл къобса да туталмаз. |
|
|
|
|
|
балтаны тута билмеген кесини башина урур
|
|
|
|
|
|
Къартны сыйын кёрмеген - къартлыкъгъа джашамаз!
Къыз юйюнде да къонакъды! Ашхы къыз - кёкде джулдуз! |
|
|
|
|
|
Халкъгъа мёлек - юйге халек.
Харам къарнашдан халал тенг ашхы! Эр къартайды - кюч тайды. Ауузу бла къуш тута. |
|
|
|
|
|
Билеме деген минг сёз, билмейме деген бир сёз
|
|
|
|
|
|
Ёгюзню мюиюзюнден. адамны сезюнден тутадыла
Джюгю ауур эшек бек чабар Ашхыгъа эл ышаныр. аманнга джер ышаныр Адамны иши бла биледиле |
|
|
|
|
|
суу челекни тюбю суууда... всем Салам
 |
|
|
|
|
|
Байны эшик артында олтургъандан эсе,
Джарлыны тёрюнде олтур. Тели батыр терк ёлюр. Аман адам ашхылыкъны терк унутур. |
|
|
|
|
|
Кергелен
Къуюб къойдунг да сен алан,  Мен аллай бир билмейме! |
|
|
|
|
|
Адеби болмагъан къыз - тузсуз хант.
Ашны аманы болмаз. Акъыллыгъа бир айт, Телиге минг айт. Артыкълыкъ узакъ бармаз. |
||||
|
|
|
|||
Читают тему (гостей: 1)