- Керти сёзге тёре джокъ.
- Тёзгеннге, джабылгъан эшик ачылыр.
- Тойгъанлыкъ къойгъа джарашады.
- Чомартха хар кюн да байрамды.
- Иги адамны бир сёзю эки болмаз.
- Аджалсыз ёлюм болмаз.
- Чомартха Тейри да борчлуду.
- Юй кюйдю да, кюйюз чыкъды, ортасындан тюйюш чыкъды.
- Сибиртки да сыйлы болду, кюрек да кюнлю болду.
- Чалманны аллы къалай башланса, арты да алай барады.
- Бозаны арты дауур болур.
- Тойгъа барсанг, тоюб бар, эски тонунгу къоюб бар.
- Аманны къуугъан, аманлыкъ табар.
- Кюлме джашха – келир башха.
- Адам боллукъ, атламындан белгили болур.
- Тилчи тилден къаныкъмаз.
- Джети тилни билген джети кишиди.
- Джаз бир кюнню джатсанг, къыш талай кюнню абынырса.
- Садакъачыны джаны – къапчыгъында.
- Азыкълы ат арымаз, къатыны аман джарымаз.
- Ёлген эшек бёрюден къоркъмайды.
- Битмегеннге сакъал – танг.
- Аманны тукъумуна къарама, игини тукъумун сорма.
- Агъач – джерни чырайы, кийим – эрни чырайы.
- Аджаллыгъа окъсуз шкок атылыр.
- Джырына кёре эжиую.
- Ётюрюкню къуйругъу – бир тутум.
- Къарнынг къанлынга кийирир.
- Къарны аманнга къазан такъдырма, къолу аманнга от джакъдырма.
- Эллинг бла джау болсанг да, юйюнг бла джау болма.
- Тюзню ётмеги тюзде къалса да, тас болмаз.
- Къалгъан ишге къар джауар.
- Ачыкъ джюрекге джол – ачыкъ.
- Ашлыкъ – бюртюкден, джюн – тюкден.
- Башы ишлегенни, ауузу да ишлер.
- Ишлерге уял да, ашаргъа табма.
- Джаралыны джастыгъында сау ёлюр.
- Нёгерсизни джолу узун.
- Элде адам къалмаса, ит тахтагъа минер.
- Къазанчы аман болса, къазаны къайнамаз.
- Тилчиден кери бол.
- Тамырсыз терекге таянма – джыгъылырса.
- Кёб джат да, бек чаб.
- Сютню башын джалагъан къутулур, тюбюн ичген тутулур.
- Эки итни арасына сюек атма, эки адамны арасында сёз чыгъарма.
- Джиби бир къат джетмей эди да, эки къат тарта эди.
- Адам сёзге тынгыла, акъыл сёзню ангыла.
- Бал – татлы, балдан да бала – татлы.
- От этилмеген джерден тютюн чыкъмайды.
- Адам къыйынлыгъын кёлтюрюр, зауукълугъун кёлтюрмез.
Къарачай-малкъар халкъны нарт сёзлери
|
Сакъ юйюне сау барыр.
Тили узунну намысы къысха. Биреу билгенни биреу да билир. Кеси билмей эди да, элни юрете эди. |
|
|
|
|
|
Мен да билеме нарт сёзле
 Уяда не кёрсе, Учханда аны этер. Муну уа бир бек джаратама: Окъугъанны бети джарыкъ!  Эринчекни хар кюню да байрам! Сёзде бар да, ишде - джокъ! |
|
|
|
|
|
А мен ма муну билеме:
Эртде тургъанны эркек аты тай табар  |
|
|
|
|
|
Эринчекни отуннга ийсенг,
Чымырта келтирир. Арбаз сайлама да, хоншу сайла. Эски джаугъа ышанма. Эринчекге бюгюнден тамбла тынч |
|
|
|
|
|
Къаллай салам берсенг,
Аллай джууаб алырса. Ёлюм соруб келмез. Къыз келсе, джумуш этер, Къатын келсе, ушакъ этер. Бир кюн туугъан бир кюн ёлюр. Джангызны оту джарыкъ джанмаз. |
|
|
|
|
|
Къарт болгъан джжерде берекет болур,
Сабий болгъан джерде оюн болур. |
|
|
|
|
|
Биреуню къуу тёшегинден эсе,
Кесинги салам тёшегинг игиди. |
|
|
|
|
|
Джаш эркеси бёрю болур,
Къыз эркеси тели болур. |
|
|
|
|
|
Къатын алсанг, оюмлаб ал,
Ачха алсанг, санаб ал. |
|
|
|
|
|
Джол бла сёзню къыйыры джокъ.
Сёз - кюмюш, джыр - алтын. Сёз ауузунгдан чыкъса, Эл къобса да туталмаз. |
|
|
|
|
|
балтаны тута билмеген кесини башина урур
|
|
|
|
|
|
Къартны сыйын кёрмеген - къартлыкъгъа джашамаз!
Къыз юйюнде да къонакъды! Ашхы къыз - кёкде джулдуз! |
|
|
|
|
|
Халкъгъа мёлек - юйге халек.
Харам къарнашдан халал тенг ашхы! Эр къартайды - кюч тайды. Ауузу бла къуш тута. |
|
|
|
|
|
Билеме деген минг сёз, билмейме деген бир сёз
|
|
|
|
|
|
Ёгюзню мюиюзюнден. адамны сезюнден тутадыла
Джюгю ауур эшек бек чабар Ашхыгъа эл ышаныр. аманнга джер ышаныр Адамны иши бла биледиле |
|
|
|
|
|
суу челекни тюбю суууда... всем Салам
 |
|
|
|
|
|
Байны эшик артында олтургъандан эсе,
Джарлыны тёрюнде олтур. Тели батыр терк ёлюр. Аман адам ашхылыкъны терк унутур. |
|
|
|
|
|
Кергелен
Къуюб къойдунг да сен алан,  Мен аллай бир билмейме! |
|
|
|
|
|
Адеби болмагъан къыз - тузсуз хант.
Ашны аманы болмаз. Акъыллыгъа бир айт, Телиге минг айт. Артыкълыкъ узакъ бармаз. |
||||
|
|
|
|||
Читают тему (гостей: 2)