- Арпа, будай – ащды, алтын, кюмюш а – ташды.
- Ашыкъгъанны этеги бутуна чырмалыр.
- Адамны сыфатына къарама, сёзюне къара.
- Миллетни бойну – базыкъ, аны бла кюрешген – джазыкъ.
- Тойгъа барсанг, тоюб бар, эски тонунгу къоюб бар.
- Чакъырылгъанны аты, чакъырылмагъанны багъасы болур.
- Къартны сыйын кёрмеген, къартлыгъында сыйлы болмаз.
- Шекер бла туз – бир болмаз, ушамагъан – юй болмаз.
- Джети тилни билген джети кишиди.
- Таукелге нюр джауар.
- Айыбны суу бла джууалмазса.
- Ёлюр джаннга, ёкюл джокъ.
- Бетинги сатма, малынгы сат.
- Ачыкъ джюрекге джол – ачыкъ.
- Мухардан ач ычхынмаз.
- Тилчиден кери бол.
- Телини эшигин, махтау джабар.
- Халкъны джырын джырласанг, халкъ санга эжиу этер.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Сакъалы текени да бар, мыйыгъы киштикни да бар.
- Эр сокъур болсун, къатын тилсиз болсун.
- Къазанда болса, чолпугъа чыгъар.
- «Ёгюз, джаргъа джууукъ барма, меннге джюк боллукъса», - дегенди эшек.
- Чомартха хар кюн да байрамды.
- Накъырда – кертини келечиси.
- Айныгъанлы алты кюн, тогъайгъанлы тогъуз кюн.
- Тюзлюк тас болмайды.
- Акъыл аздырмаз, билим тоздурмаз.
- Адеб базарда сатылмаз.
- Босагъагъа джууукъ орун болса, ашыгъыб тёрге озма.
- Эки къатын алгъан – эки ташны ортасына башын салгъан.
- Мени джылытмагъан кюн, меннге тиймесин!
- Джигер – джаннга къыйынлыкъ.
- Джангызны оту джарыкъ джанмаз!
- Къыйынлы джети элни къайгъысын этер.
- Арыгъан къош чамчы болур.
- Джашлыкъ этмеген, башлыкъ этмез.
- Кёзню ачылгъаны – иги, ауузну джабылгъаны – иги.
- Атлыны кёрсе, джаяуну буту талыр.
- Тамырсыз терекге таянма – джыгъылырса.
- Къарнынг къанлынга кийирир.
- Алтыда кюлмеген, алтмышда кюлмез.
- Адам къыйынлыгъын кёлтюрюр, зауукълугъун кёлтюрмез.
- Атынг аманнга чыкъгъандан эсе, джанынг тамагъынгдан чыкъсын.
- Тюзлюк шохлукъну бегитир.
- Рысхы – насыбха къор.
- Иги – алгъыш этер, аман – къаргъыш этер.
- Ётюрюкчюню шагъаты – къатында.
- Мен да «сен», дейме, сен да «кесим», дейсе.
- Чыкълы кюнде чыкъмагъан, чыкъса къуру кирмеген.
Къарачай-малкъар халкъны нарт сёзлери
|
Сакъ юйюне сау барыр.
Тили узунну намысы къысха. Биреу билгенни биреу да билир. Кеси билмей эди да, элни юрете эди. |
|
|
|
|
|
Мен да билеме нарт сёзле
 Уяда не кёрсе, Учханда аны этер. Муну уа бир бек джаратама: Окъугъанны бети джарыкъ!  Эринчекни хар кюню да байрам! Сёзде бар да, ишде - джокъ! |
|
|
|
|
|
А мен ма муну билеме:
Эртде тургъанны эркек аты тай табар  |
|
|
|
|
|
Эринчекни отуннга ийсенг,
Чымырта келтирир. Арбаз сайлама да, хоншу сайла. Эски джаугъа ышанма. Эринчекге бюгюнден тамбла тынч |
|
|
|
|
|
Къаллай салам берсенг,
Аллай джууаб алырса. Ёлюм соруб келмез. Къыз келсе, джумуш этер, Къатын келсе, ушакъ этер. Бир кюн туугъан бир кюн ёлюр. Джангызны оту джарыкъ джанмаз. |
|
|
|
|
|
Къарт болгъан джжерде берекет болур,
Сабий болгъан джерде оюн болур. |
|
|
|
|
|
Биреуню къуу тёшегинден эсе,
Кесинги салам тёшегинг игиди. |
|
|
|
|
|
Джаш эркеси бёрю болур,
Къыз эркеси тели болур. |
|
|
|
|
|
Къатын алсанг, оюмлаб ал,
Ачха алсанг, санаб ал. |
|
|
|
|
|
Джол бла сёзню къыйыры джокъ.
Сёз - кюмюш, джыр - алтын. Сёз ауузунгдан чыкъса, Эл къобса да туталмаз. |
|
|
|
|
|
балтаны тута билмеген кесини башина урур
|
|
|
|
|
|
Къартны сыйын кёрмеген - къартлыкъгъа джашамаз!
Къыз юйюнде да къонакъды! Ашхы къыз - кёкде джулдуз! |
|
|
|
|
|
Халкъгъа мёлек - юйге халек.
Харам къарнашдан халал тенг ашхы! Эр къартайды - кюч тайды. Ауузу бла къуш тута. |
|
|
|
|
|
Билеме деген минг сёз, билмейме деген бир сёз
|
|
|
|
|
|
Ёгюзню мюиюзюнден. адамны сезюнден тутадыла
Джюгю ауур эшек бек чабар Ашхыгъа эл ышаныр. аманнга джер ышаныр Адамны иши бла биледиле |
|
|
|
|
|
суу челекни тюбю суууда... всем Салам
 |
|
|
|
|
|
Байны эшик артында олтургъандан эсе,
Джарлыны тёрюнде олтур. Тели батыр терк ёлюр. Аман адам ашхылыкъны терк унутур. |
|
|
|
|
|
Кергелен
Къуюб къойдунг да сен алан,  Мен аллай бир билмейме! |
|
|
|
|
|
Адеби болмагъан къыз - тузсуз хант.
Ашны аманы болмаз. Акъыллыгъа бир айт, Телиге минг айт. Артыкълыкъ узакъ бармаз. |
||||
|
|
|
|||
Читают тему (гостей: 2)