Кюн кёрмеген, кюн кёрсе, кюндюз чыракъ джандырыр.
Суугъа – чабакъ, къаягъа – ыргъакъ.
Рысхы джалгъанды: келген да этер, кетген да этер.
Насыблы элин сюер, насыбсыз кесин сюер.
Адам туугъан джеринде, ит тойгъан джеринде.
Биреуге аманлыкъ этиб, кесинге игилик табмазса.
Ойнай билмеген, уруб къачар.
Джыгъылгъанны сырты джерден тоймаз.
Къолунгдан къуймакъ ашатсанг да, атаны борчундан къутулмазса.
Адебни адебсизден юрен.
Ач – эснер, ат – кишнер.
Ата – баланы уясы.
Тёрде – темир таякълы, къаяда – чыпчыкъ аякълы.
Акъыл неден да кючлюдю.
Ариу сёз аурууунгу алыр.
Тойгъан джерге джети къайт.
Сабийни джумушха джибер да, ызындан бар.
Насыб бютеу халкъны юлюшюдю.
Бек анасы джыламаз.
Ашарыкъда сайлагъаннга – чий гырджын.
Джуртун къоругъан озар.
Аууз сакълагъан – джан сакълар.
Атадан ёксюз – бир ёксюз, анадан ёксюз – эки ёксюз.
Аш берме да, къаш бер.
Дуния аламаты сен эсенг да, игиме деб айтма.
Суу ичген шауданынга тюкюрме.
Байлыкъ болгъан джерде, тынчлыкъ джокъду.
Иги болса, тамадама – махтау, аман болса, меннге – айыб.
Биреуню эскиси биреуге джангы болмайды.
Тёрени джагъы джокъ.
Аджашханны ызындагъы кёреди, джангылгъанны джанындагъы биледи.
Арбаз сайлама да, хоншу сайла.
Дуния мал дунияда къалады.
Чакъырылмай келген къонакъ сыйланмай кетер.
Джюрекден джюрекге джол барды.
Окъуусуз билим – джокъ, билимсиз кюнюнг – джокъ.
Эл элде бирер малынг болгъандан эсе, бирер тенгинг болсун.
Агъач халкъгъа алтынды, иссиликге салкъынды.
Айранын берсенг, челегин да къызгъанма.
Иги сёз – джаннга азыкъ, аман сёз башха – къазыкъ.
Аман киши кеси юйюнде – къонакъ.
Ёксюзню тилеги къабыл болур.
Байма, деб да, къууанма, джарлыма, деб да, джылама.
Тойгъандан сора, ашны сёкме.
Къатын байлыкъны сюер, эр саулукъну сюер.
Джюрекге ариу – кёзге да ариу.
Къонакъ аман болса, къонакъбай джунчур
Бастасын ашагъан, хантусун да ичер.
Сабий кёргенин унутмаз.
Артына баргъанны, къатына барма.
.