Тойгъан джерге джети къайт.
Къонакъ аз олтурур, кёб сынар.
Адам къаллай бир ишленмесе, аллай бир кесин уллу кёреди.
Къарын къуру болса, джюрек уру болур.
Бозаны арты дауур болур.
Ётюрюкню къуйругъу – бир тутум.
Хазыр ашха – терен къашыкъ.
Эринчекни эр алмаз, эр алса да, кёл салмаз, кёл салса да, кёб бармаз!
Акъыл къартда, джашда тюйюлдю – башдады.
Биреуню эскиси биреуге джангы болмайды.
Эте билген, этген этеди, эте билмеген, юретген этеди!
Баш болса, бёрк табылыр.
Бюгюн дуния кибик, тамбла ахыратды.
Эл элде бирер малынг болгъандан эсе, бирер тенгинг болсун.
Тёрде – темир таякълы, къаяда – чыпчыкъ аякълы.
Тенги кёбню джау алмаз, акъылы кёбню дау алмаз.
Бёрю да ач къалмасын, эчки да ашалмасын.
Джылкъыдан – ат чыгъар, тукъумдан – джаш чыгъар.
Къартны бурнун сюрт да, оноугъа тут.
Джыйырма къойну юч джыйырма эбзе кюте эди.
Хар адамгъа кеси миннген тау кибик.
Иши джокъну, сыйы джокъ.
Кёз – сюйген джерде, къол – ауругъан джерде.
Тюзню ётмеги тюзде къалса да, тас болмаз.
Ашхы – джыяр, аман – джояр.
Ёлмесенг да, къарт дамы болмазса?
Ишни ахырын ойламай, аллын башлама.
Джолда аягъынга сакъ бол, ушакъда тилинге сакъ бол.
Чыбыкълыкъда бюгюлмеген, къазыкълыкъда бюгюлмей эди.
Ариуну – ауруу кёб.
Иесиз малны бёрю ашар.
Билимсиз иш бармаз.
Арба аугъандан сора, джол кёргюзтюучю кёб болур.
Кёлю джокъну – джолу джокъ.
Юре билмеген ит, къонакъ келтирир.
Джети тилни билген джети кишиди.
Душманны тышы – акъ, ичи – къара.
Ашхы адам – халкъ байлыгъы, ашхы джер – джашау байлыгъы.
Къарт айтханны этмеген, къартаймаз.
Гугурук къычырмаса да, тангны атары къалмаз.
Эки итни арасына сюек атма, эки адамны арасында сёз чыгъарма.
Ургъан суудан башынгы сакъла.
Магъанасыз сёз – тауушсуз сыбызгъы.
Акъыл сабырлыкъ берир.
Адам туугъан джеринде, ит тойгъан джеринде.
Дуния мал дунияда къалады.
Чакъырылгъанны аты, чакъырылмагъанны багъасы болур.
Ач келгенни – тойдур, кеч келгенни – къондур.
Гугук кесини атын айтыб къычыргъанча, мен, мен деб нек тураса?
Кёлсюзден сёзсюз тууар.
.