Джашда акъыл джокъ, къартда къарыу джокъ.
Байны оноуу, джарлыгъа джарамаз.
Кёбню кёрген – кёб билир.
Къонагъынгы артмагъын алма да, алгъышын ал.
Бетинги сатма, малынгы сат.
Ачыкъ джюрекге джол – ачыкъ.
Сютню башын джалагъан къутулур, тюбюн ичген тутулур.
Эр сокъур болсун, къатын тилсиз болсун.
Биреуню тёрюнден, кесинги эшик артынг игиди.
Ашаса, ашамаса да, бёрюню ауузу – къан.
Иесиз малны бёрю ашар.
Джуртун къоругъан озар.
Ариу сёз – къылычдан джити.
Суугъа – чабакъ, къаягъа – ыргъакъ.
Иги сеники эсе да, сюйген кесимикин этеме.
Акъыл къартда, джашда тюйюлдю – башдады.
Тилсиз миллет джокъ болур.
Юреннген ауруу къалмаз.
Билим къая тешер.
Къарнынг тойгъунчу аша да, белинг талгъынчы ишле.
Кенгеш болса, уруш болмаз.
Итли къонакъ джарашмаз.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Уллу къашыкъ эрин джыртар.
Арбаз къынгырды да, ийнек сауалмайма.
Аман къатын сабий табса, бий болур…
Чомарт джарлы болмаз.
Эринчекге кюн узун.
Билимсиз иш бармаз.
Билген билмегенни юретген адетди.
Джаханимни кёрмей, джандетге кёл салмазса.
Ойнай билмеген, оюн бузар.
Джыланны къуйругъундан басарынг келсе, аны башы болгъанын унутма.
Ойнай билмеген, уруб къачар.
Ким бла джюрюсенг, аны кёзю бла кёрюнюрсе.
Тойгъан джерден туугъан джер игиди.
Джаш къарыу бла кючлю, къарт акъыл бла кючлю.
Ашхы атаны – джашы ашхы, ашхы ананы – къызы ашхы.
Ойнаб айтсанг да, эслеб айт.
Киштикге къанат битсе, чыпчыкъ къалмаз эди.
Телиге от эт десенг, юйюнге от салыр.
Арбаз сайлама да, хоншу сайла.
Аджашханны ызындагъы кёреди, джангылгъанны джанындагъы биледи.
Иги бла джюрюсенг, джетерсе муратынга, аман бла джюрюсенг, къалырса уятха.
Ашхы адам – халкъ байлыгъы, ашхы джер – джашау байлыгъы.
Джарлы джети элни сёзюн этер.
Ишлегенден, къарагъан уста.
Ашхы болсанг, атынг чыгъар, аман болсанг, джанынг чыгъар.
Акъыл аздырмаз, билим тоздурмаз.
Экеу тутушса, биреу джыгъылыр.
.