Адам сёзге тынгыла, акъыл сёзню ангыла.
Ушамагъан – джукъмаз.
Эки ойлашыб, бир сёлешген.
Къулакъдан эсе, кёзге ышан.
Ариу сёзде ауруу джокъ.
Бал – татлы, балдан да бала – татлы.
Ёзденликни джайгъан – джокълукъ.
Ариу джол аджал келтирмез.
Къыз келсе, джумуш эте келеди, къатын келсе, ушакъ эте келеди.
Арба аугъандан сора, джол кёргюзтюучю кёб болур.
Элни кючю – эмеген.
Тин – байлыгъынг, терен саулугъунг.
Кёлю джокъну – джолу джокъ.
Кийимни бичсенг, кенг бич, тар этген къыйын тюлдю.
Эр сокъур болсун, къатын тилсиз болсун.
Кёбден умут этиб, аздан къуру къалма.
Эшекни не къадар тюйсенг да, ат болмаз.
Таукел тауну аудурур.
Гугурук къычырмаса да, тангны атары къалмаз.
Суу ичген шауданынга тюкюрме.
Билмейме деген – бир сёз
Баланы адам этген анады.
Адеб базарда сатылмаз.
Агъач – джерни чырайы, кийим – эрни чырайы.
Иги сеники эсе да, сюйген кесимикин этеме.
Башынга джетмегенни сорма.
Бермеген къол, алмайды.
Кечеси – аяз, кюню – къыш, джарлы къаргъагъа бир аш тюш!
Айтханы чапыракъдан ётмеген.
Биреу ашаб къутулур, биреу джалаб тутулур.
Тойну къарнашы – харс, джырны къарнашы – эжиу.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Аууз сакълагъан – джан сакълар.
Тюзлюк тас болмайды.
Тели турса – той бузар.
Тас болгъан бычакъны сабы – алтын.
Акъыллы айтыр эди, акъылсыз къоймайды.
Нёгер болсанг, тенг бол, тенг болмасанг, кенг бол.
Сабийни джумушха джибер да, ызындан бар.
Суугъа – таянма, джаугъа – ийнанма.
Ёксюзню тилеги къабыл болур.
Ишлегенде эринме, ишде чолакъ кёрюнме.
Элиб деген, элге болушур.
Билим – акъылны чырагъы.
Тура эдим джата, къайдан чыкъды хата?
Джылкъыдан – ат чыгъар, тукъумдан – джаш чыгъар.
Адеб джокъда, намыс джокъ.
Махтаннган къыз, тойда джукълар.
Ишге юренсин къоллары, халкъ бла болсун джоллары.
Магъанасыз сёз – тауушсуз сыбызгъы.
.