Джарлы тюеге минсе да, ит къабар.
Магъанасыз сёз – тауушсуз сыбызгъы.
Ургъан суудан башынгы сакъла.
Кёзню ачылгъаны – иги, ауузну джабылгъаны – иги.
Ётюрюкчюню шагъаты – къатында.
Миллетни бойну – базыкъ, аны бла кюрешген – джазыкъ.
Ышармагъан – кюлмез, кюлмеген – къууанчны билмез.
Чыкълы кюнде чыкъмагъан, чыкъса къуру кирмеген.
Ачыу алгъа келсе, акъыл артха къалады.
Намыс сатылыб алынмайды.
Ашыкъгъан cуу, тенгизге джетмез.
Эшекни не къадар тюйсенг да, ат болмаз.
Ариуну – ауруу кёб.
Башда акъыл болмаса, эки аякъгъа кюч джетер.
Аллахдан тилесенг, кёб тиле.
Ач – эснер, ат – кишнер.
Тиширыусуз юй – отсуз от джагъа.
Айтхан сёзюне табылгъан.
Къызгъанчдан ычхыныр, мухардан ычхынмаз.
Хазыр ашха – терен къашыкъ.
Башсыз урчукъ тюзюне айланмаз.
Эм уллу байлыкъ – джан саулукъ.
Къонакъ хазыр болгъанлыкъгъа, къонакъбай хазыр тюлдю.
Адам бла мюлк юлешмеген эсенг, ол адамны билиб бошагъанма, деб кесинги алдама.
Джумушакъ сёз къаты таякъны сындырыр.
Кийимни бир кюнню аясанг, минг кюннге джарар.
Хар зат кесини орнуна иги.
Къонакъ аман болса, къонакъбай джунчур
Кирсизни – саны таза, халалны – къаны таза.
Бети къызарыучу адамны, джюреги харам болмаз.
Ойнаб айтсанг да, эслеб айт.
Чалманны аллы къалай башланса, арты да алай барады.
Халкъгъа джарагъан, джарлы къалмаз.
Гырджын – тепсини тамадасы.
Аш кетер да бет къалыр.
Орну джокъну – сыйы джокъ.
Аман къатын алгъан, арыр, иги къатын алгъан джарыр.
Байлыкъ адамны сокъур этер.
Соргъан айыб тюлдю, билмеген айыбды.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Джылар джаш, атасыны сакъалы бла ойнар.
Ёпкелегенни ашы татлы болады.
Aдам боллукъ, сыфатындан белгили.
Ариу сёз аурууунгу алыр.
Къууут – джелге, берне – бошха.
Телини эшигин, махтау джабар.
Билим – акъылны чырагъы.
Этни бети бла шорпасы.
Эли джокъну – кёлю джокъ.
Рысхы – насыбха къор.
.