Уллу айтханны этмеген – уллаймаз.
Дууулдаса – бал чибин, къонса – къара чибин.
Эшекге миннген – биринчи айыб, андан джыгъылгъан – экинчи айыб.
Эркишини аманы тиширыуну джылатыр.
Термилгенинги табмазса, кюлгенинге тюберсе.
Ойнаб айтсанг да, эслеб айт.
Хаухну атма, ёнгкючню сатма.
Джырына кёре эжиую.
Алтыда кюлмеген, алтмышда кюлмез.
Зарда марда джокъ.
Тюзню ётмеги тюзде къалса да, тас болмаз.
Телини эшигин, махтау джабар.
Къан бла кирген, джан бла чыгъар.
Тойгъан джерге джети къайт.
Эринчекни эр алмаз, эр алса да, кёл салмаз, кёл салса да, кёб бармаз!
Экиндини кеч къылсанг, чабыб джетер ашхам.
Джюрекге ариу – кёзге да ариу.
Билим насыб берир, билим джолну керир.
Къыйынлы джети элге оноу этер.
Иги бла джюрюсенг, джетерсе муратынга, аман бла джюрюсенг, къалырса уятха.
Акъыл къартда, джашда тюйюлдю – башдады.
Къая джолда джортма, ачыкъ сёзден къоркъма.
Ургъан суудан башынгы сакъла.
Кёзден кетген, кёлден да кетеди.
Эл тойса, тоймагъан, эл къойса, къоймагъан.
Къайгъыны сюйген, къайгъы табар.
Насыблы элин сюер, насыбсыз кесин сюер.
Ашыкъгъанны этеги бутуна чырмалыр.
Сютню башын джалагъан къутулур, тюбюн ичген тутулур.
Аз сёлеш, кёб ишле.
Джуртун къоругъан озар.
Бир онгсуз адам адет чыгъарды, деб эштирик тюлсе.
Халкъны джырын джырласанг, халкъ санга эжиу этер.
Ёксюзню тилеги къабыл болур.
Чакъырылмай келген къонакъ сыйланмай кетер.
Сибиртки да сыйлы болду, кюрек да кюнлю болду.
Къарны аманнга къазан такъдырма, къолу аманнга от джакъдырма.
Акъыллы эркиши атын махтар, акъылсыз эркиши къатынын махтар.
Ишлегенден, къарагъан уста.
Сёз сёзню айтдырыр.
Чыбыкълыкъда бюгюлмеген, къазыкълыкъда бюгюлмей эди.
Абынмазлыкъ аякъ джокъ, джангылмазлыкъ джаякъ джокъ.
Кёбден умут этиб, аздан къуру къалма.
Этим кетсе да, сюегим къалыр.
Тилсиз миллет джокъ болур.
Эки къатын алгъан – эки ташны ортасына башын салгъан.
Бал чибинни ургъаны – ачы, балы – татлы.
Къатыны харакетли болса, эри къымсыз болур.
Адамны аманы адамны бети бла ойнар.
Бичгенде ашыкъма, тикгенде ашыкъ.
.