Юйюнг бла джау болгъандан эсе, элинг бла джау бол.
Джаш къарыу бла кючлю, къарт акъыл бла кючлю.
Эрине къаргъыш этген къатын, эрнин къабар.
Рысхы джалгъанды: келген да этер, кетген да этер.
Джумушакъ сёз къаты таякъны сындырыр.
Ёксюзню къалачы уллу кёрюнюр.
Хунаны тюбюн къазсанг, юсюнге ауар.
Гитче джилтин уллу элни джандырыр.
Джаз бир кюнню джатсанг, къыш талай кюнню абынырса.
Этни бети бла шорпасы.
Ёлген эшек бёрюден къоркъмайды.
Ишлемеген – тишлемез.
Ашхы болсанг, атынг чыгъар, аман болсанг, джанынг чыгъар.
Юй кюйдю да, кюйюз чыкъды, ортасындан тюйюш чыкъды.
Чарсда алчыны эл кёреди.
Адеби болмагъан къыз – тузсуз хант.
Гугук кесини атын айтыб къычыргъанча, мен, мен деб нек тураса?
Аман къатын алгъан, арыр, иги къатын алгъан джарыр.
Ойнай билмеген, оюн бузар.
Окъуусуз билим – джокъ, билимсиз кюнюнг – джокъ.
Айранын берсенг, челегин да къызгъанма.
Сыфатында болмагъаны, суратында болмаз.
Айран ичген – къутулду, джугъусун джалагъан – тутулду.
Сормай – алма, чакъырылмай – барма.
Уллу къазанда бишген эт, чий къалмаз.
Къартны бурнун сюрт да, оноугъа тут.
Къоркъакъны кёзю экили кёрюр.
Тил – кесген бычакъ, сёз – атылгъан окъ.
Къозулугъунда тоймагъан, къойлугъунда тоймаз.
Джашда акъыл джокъ, къартда къарыу джокъ.
Къазанда болса, чолпугъа чыгъар.
Аллахдан тилесенг, кёб тиле.
Эринчекге кюн узун.
Этек чакъмакълары баш джаргъан, сёлешген сёзлери таш джаргъан.
Къазанны башы ачыкъ болса, итге уят керекди.
Иги джашны ышаны – аз сёлешиб, кёб тынгылар.
Экеу тутушса, биреу джыгъылыр.
Тамырсыз терекге таянма – джыгъылырса.
Киштикге къанат битсе, чыпчыкъ къалмаз эди.
Чыкълы кюнде чыкъмагъан, чыкъса къуру кирмеген.
Тюзню ётмеги тюзде къалса да, тас болмаз.
Джангызны оту джарыкъ джанмаз!
Ашхы – джыяр, аман – джояр.
Уясында не кёрсе, учханында аны этер.
Гугурук къычырмаса да, тангны атары къалмаз.
Ач къарынны, токъ билмез
Намысы джокъну – дуниясы джокъ.
Байдан умут эте, джарлыдан ёгюз багъасы къорады.
Адам сёзюнден белгили.
Таякъ этден ётер, тил сюекден ётер.
.