Ёлмесенг да, къарт дамы болмазса?
Адам къаллай бир ишленмесе, аллай бир кесин уллу кёреди.
Керилген да, ургъан кибикди.
Мухар, кеси тойса да, кёзю тоймаз.
Бастасын ашагъан, хантусун да ичер.
Эркишиге тары кебек танг кёрюнюр.
Чарсда алчыны эл кёреди.
Уллу сёлешме да, уллу къаб.
Бетинги сатма, малынгы сат.
Мен да «сен», дейме, сен да «кесим», дейсе.
Къайгъыны сюйген, къайгъы табар.
Джарлы тюеге минсе да, ит къабар.
Окъумагъан сокъурду, сокъур ташха абыныр!
Къан бла кирген, джан бла чыгъар.
Ёлген эшек бёрюден къоркъмайды.
Намыс болмагъан джерде, насыб болмаз.
Булут кёкге джарашыу, уят бетге джарашыу.
Дуния малгъа сатылма, кесингден телиге къатылма.
Ашлыкъны арба юйге келтирир, чана базаргъа элтир.
Тюзлюк тас болмайды.
Эртде тургъан джылкъычыны эркек аты тай табар.
Иги – алгъыш этер, аман – къаргъыш этер.
Акъдан къара болмаз.
Сормай – алма, чакъырылмай – барма.
Ёксюзню къалачы уллу кёрюнюр.
Къоркъакъны кёзю экили кёрюр.
Элге къуллукъ этмеген, элге ие болмаз.
Игиге айтсанг – билир, аманнга айтсанг – кюлюр.
Тюзню ётмеги тюзде къалса да, тас болмаз.
Акъыллы башны – тили къысха.
Бозанг болмагъан джерге, къалагъынгы сукъма.
Уллу суу бла уллу ауруудан башынгы сакъла.
Акъыл бла адеб эгизледиле.
Эркишини аманы тиширыуну джылатыр.
Мал ёлсе, сюек къалыр, адам ёлсе, иши къалыр.
Ашарыкъда сайлагъаннга – чий гырджын.
Бермеген къол, алмайды.
Хансыз джомакъ болмаз.
Аманны тукъумуна къарама, игини тукъумун сорма.
Адеб джокъда, намыс джокъ.
Шайтан алдады, тюзлюк къаргъады.
Нёгерсизни джолу узун.
Башы джабылгъан челекге, кир тюшмез.
Тас болгъан бычакъны сабы – алтын.
Баргъанынга кёре болур келгенинг.
Ашхы тенг джолгъа салыр, аман тенг джолдан тайдырыр.
Джаз бир кюнню джатсанг, къыш талай кюнню абынырса.
Джарлы джети элни сёзюн этер.
Ётюрюкчюню шагъаты – къатында.
Иесиз малны бёрю ашар.
.