Айтхан сёзюне табылгъан.
Суу ичген шауданынга тюкюрме.
Тиширыусуз юй – отсуз от джагъа.
Ана кёлю – балада, бала кёлю – талада.
Бети – къучакълар, джюреги – бычакълар.
Этни бети бла шорпасы.
Джюз элде джюз ёгюзюм болгъандан эсе, джюз джууугъум болсун.
Къозулугъунда тоймагъан, къойлугъунда тоймаз.
Адамгъа аман кюн соруб келмейди.
Адамны артындан къара сабан сюрме.
Къарт айтханны этмеген, къартаймаз.
Ашха уста, юйюнде болсун
Билимден уллу байлыкъ джокъду.
Чёбню кёлтюрсенг, тюбюнден сёз чыгъар.
Кенгеш болса, уруш болмаз.
Джумушакъ сёз къаты таякъны сындырыр.
Адам боллукъ, атламындан белгили болур.
Къонакъны къачан кетерин сорма, къачан келлигин сор.
Тенгинг джокъ эсе – изле, бар эсе – сакъла!
Мураты болгъанны джюрек тебюую башхады.
Экеу тутушса, биреу джыгъылыр.
Арбаз къынгырды да, ийнек сауалмайма.
Тамырсыз терекге таянма – джыгъылырса.
Аман киши кеси юйюнде – къонакъ.
Ишленмеклик адамлыкъды.
Аз айтсам, кёб ангылагъыз.
Хунаны тюбюн къазсанг, юсюнге ауар.
Кёл – къызбай, къол – батыр.
Биреуню эскиси биреуге джангы болмайды.
Ауурну тюбю бла, дженгилни башы бла джюрюген.
Эл бла кёргенинг эрелей.
Ёлмесенг да, къарт дамы болмазса?
Ёмюрлюк шохлукъну джел элтмез.
Хантына кёре тузу, юйюне кёре къызы.
Сакъламагъан затынга джолукъсанг, не бек къууанаса, не бек ачыйса.
От кюйдюрген, сау болса да, тот кюйдюрген, сау болмаз.
Чоюнну башы ачыкъ болса, итге уят керекди.
Кеси юйюмде мен да ханма.
От этилмеген джерден тютюн чыкъмайды.
Эм ашхы къайын ана мамукъ бла башынгы тешер.
Баргъанынга кёре болур келгенинг.
Термилгенинги табмазса, кюлгенинге тюберсе.
Кёбден умут этиб, аздан къуру къалма.
Джарлы тюеге минсе да, ит къабар.
Билим ат болуб да чабар, къуш болуб да учар.
Къарт болгъан джерде, берекет болур, сабий болгъан джерде, оюн болур.
Адеб джокъда, намыс джокъ.
Сёз садакъдан кючлюдю.
Уллу сёзде уят джокъ.
Абынмазлыкъ аякъ джокъ, джангылмазлыкъ джаякъ джокъ.
.