Къарыусузгъа кюлме, онгсузгъа тийме.
Татлы тилде – сёз ариу, чемер къолда – иш ариу.
Азыкълы ат арымаз, къатыны аман джарымаз.
Билеги кючлю, бирни джыгъар, билими кючлю, мингни джыгъар.
Келгинчи, къонакъ уялыр, келгенден сора, къонакъбай уялыр.
Накъырданы арты керти болур.
Ашда – бёрю, ишде – ёлю.
Туз, гырджын аша, тюзлюк бла джаша.
Арбаз сайлама да, хоншу сайла.
Урунуу – насыбны анасы.
Арба аугъандан сора, джол кёргюзтюучю кёб болур.
Аман адам элни бир-бирине джау этер.
Эли джокъну – кёлю джокъ.
Къулакъдан эсе, кёзге ышан.
Биреуге кёлтюрген таягъынг, кесинги башынга урур.
Билмейме деген – бир сёз
Халкъгъа джарагъан, джарлы къалмаз.
Ёлген ийнек сютлю болур.
Сабийни джумушха джибер да, ызындан бар.
Сакъалы текени да бар, мыйыгъы киштикни да бар.
Къартны бурнун сюрт да, оноугъа тут.
«Ёгюз, джаргъа джууукъ барма, меннге джюк боллукъса», - дегенди эшек.
Ёмюрлюк шохлукъну джел элтмез.
Бичгенде ашыкъма, тикгенде ашыкъ.
Ачлыкъда тары гырджын халыуадан татлы.
Этни да ашады, бетни да ашады.
Мухар, кеси тойса да, кёзю тоймаз.
Кёб ант этген, кёб ётюрюк айтыр.
Эл элде бирер малынг болгъандан эсе, бирер тенгинг болсун.
Сабий болмагъан джерде, мёлек болмаз.
Aдам боллукъ, сыфатындан белгили.
Къыйынлы джети элни къайгъысын этер.
Биреуге аманлыкъны тилеме да, кесинге ашхылыкъны тиле.
Джолунга кёре – джюрюшюнг, джагъанга кёре – юлюшюнг.
Джумушакъ сёз къаты таякъны сындырыр.
Ашхы болсанг, атынг чыгъар, аман болсанг, джанынг чыгъар.
Намысы джокъну – дуниясы джокъ.
Келинин тута билмеген, къул этер, къызын тута билмеген, тул этер.
Ауругъаннга – кийик саулукъ, джетген къызгъа – чилле джаулукъ.
Асхат ашлыкъ сата, юйдегиси ачдан къата.
Джауумдан сора, кюн кюйдюрюр, ётюрюкден сора, айыб кюйдюрюр.
Киштикге къанат битсе, чыпчыкъ къалмаз эди.
Чакъырылмагъан къонакъ – орунсуз.
Ашарыкъда сайлагъаннга – чий гырджын.
Алма терегинден кери кетмез.
Мени джылытмагъан кюн, меннге тиймесин!
Орну джокъну – сыйы джокъ.
Ариуну – ауруу кёб.
Танг атмайма десе да, кюн къоярыкъ тюйюлдю.
Экеу тутушса, биреу джыгъылыр.
.