Терслик кетер, тюзлюк джетер.
Кёзню ачылгъаны – иги, ауузну джабылгъаны – иги.
Ашыкъгъанны этеги бутуна чырмалыр.
Агъач халкъгъа алтынды, иссиликге салкъынды.
Тешик этген тынчды, аны джамагъан къыйынды.
Илму – джашауну джолу.
Дженгил джетерикме деб, узун джолну къоюб, къысхасын барма.
Байны къызы баймакъ болса да, юйде къалмаз!
Ачлыкъда тары гырджын халыуадан татлы.
Кёзю сокъурдан – къоркъма, кёлю сокъурдан – къоркъ.
Тойгъанлыкъ къойгъа джарашады.
Окъугъанны бети джарыкъ.
Суу да къайтады чыкъгъан джерине.
Аджал соруб келмез, келсе, къайтыб кетмез.
Асхат ашлыкъ сата, юйдегиси ачдан къата.
Джангызны оту джарыкъ джанмаз!
Ёнгкюч къууана барыр, джылай келир.
Эл ауузу – элия.
Ётюрюкден тюбю джокъ, кёлтюрюрге джиби джокъ.
Аманнга да, игиге да оноусуз къатышма.
Нёгерсизни джолу узун.
Чоюнну башы ачыкъ болса, итге уят керекди.
Сёлеш деб шай берген, тохта деб, сом берген.
Къонакъ аман болса, къонакъбай джунчур
Къызын тута билмеген, тул этер, джашын тута билмеген, къул этер.
Кёл ашады да, кеси ашады.
Аш кетер да бет къалыр.
Гугук кесини атын айтыб къычыргъанча, мен, мен деб нек тураса?
Тил – миллетни джаны.
Тёгюлген тюгел джыйылмайды.
Ётюрюкню башын керти кесер.
Джарлы эскисин джамаса, къууаныр.
Билим насыб берир, билим джолну керир.
Арба аугъандан сора, джол кёргюзтюучю кёб болур.
Хантына кёре тузу, юйюне кёре къызы.
Ата Джуртча джер болмаз, туугъан элча эл болмаз.
Кёзюнде тереги болгъан, чёбю болгъаннга кюле эди.
Сууда джау джокъ, кёб сёзде магъана джокъ.
Терек ауса, отунчу – кёб.
Джумушакъ сёз къаты таякъны сындырыр.
Эки элинги тыйсанг, джети элде махталырса.
Тойгъан джерден туугъан джер игиди.
Кёлю джокъну – джолу джокъ.
Кийиминг бла танылма, адамлыкъ бла таныл.
Ариу сёз – джаннга азыкъ, аман сёз – башха къазыкъ.
Итли къонакъ джарашмаз.
Къартны сыйын кёрмеген, къартлыгъында сыйлы болмаз.
Ач уят къоймаз.
Эри аманны, къатыны – аман.
Термилгенинги табмазса, кюлгенинге тюберсе.
.