Чомартха Тейри да борчлуду.
Чабакъ башындан чирийди.
Уллу къашыкъ эрин джыртар.
Ёксюзню къалачы уллу кёрюнюр.
Башланнган иш битер, къымылдагъан тиш тюшер.
Айтхан – тынч, этген – къыйын.
Чабар ат – джетген къыз.
Къартны сыйын кёрмеген, къартлыгъында сыйлы болмаз.
Аш хазыр болса, иш харам болур.
Нарт сёз – тилни бети.
Чакъырылмагъан джерге барма, чакъырылгъан джерден къалма.
Чакъырылмай келген къонакъ сыйланмай кетер.
Акъыллы эркиши атын махтар, акъылсыз эркиши къатынын махтар.
Айран тёгюлсе, джугъусу къалыр.
Эрни эр этерик да, къара джер этерик да, тиширыуду.
Адам туугъан джеринде, ит тойгъан джеринде.
Юйлю уругъа ит чабмаз.
Ат басханны джер билед.
Кюл тюбюндеги от кёрюнмейди.
Къуру гыбыт бек дыгъырдар.
Башынга джетмегенни сорма.
Ёгюзню мюйюзлери ауурлукъ этмейдиле.
Тойгъа алгъа да барма, тойда артха да къалма.
Аджаллыгъа окъсуз шкок атылыр.
Дуния мал дунияда къалады.
Адамны адамлыгъы къыйынлыкъда айгъакъланады.
Кёб джат да, бек чаб.
Ишлегенде эринме, ишде чолакъ кёрюнме.
Эл элде бирер малынг болгъандан эсе, бирер тенгинг болсун.
Босагъагъа джууукъ орун болса, ашыгъыб тёрге озма.
Адеб джокъда, намыс джокъ.
Джаш къарыу бла кючлю, къарт акъыл бла кючлю.
Ауругъаннга – кийик саулукъ, джетген къызгъа – чилле джаулукъ.
Аш берме да, къаш бер.
Ачыу алгъа келсе, акъыл артха къалады.
Къартны бурнун сюрт да, оноугъа тут.
Бёрю да ач къалмасын, эчки да ашалмасын.
Зар адам ашынгы ашар, кесинги сатар.
Ата Джуртун танымагъан, атасын да танымаз.
Адеби болмагъан къыз – тузсуз хант.
Зарда марда джокъ.
Сютден ауузу кюйген, суугъа юфгюре эди.
Рысхысына кёре, джаш ёсер, къышлыгъына кёре, мал ёсер.
Эркиши – от, тиширыу – суу.
Тау башында, тау болмаз, джангыз терек, бау болмаз.
Аман къатын алгъан, арыр, иги къатын алгъан джарыр.
Ачылгъан эт джабылыр, кёрген кёз унутмаз.
Тура эдим джата, къайдан чыкъды хата?
Къонагъынгы артмагъын алма да, алгъышын ал.
Байма, деб да, къууанма, джарлыма, деб да, джылама.
.