Ач – эснер, ат – кишнер.
Тойгъан антын унутур.
Алгъанда – джууукъ, бергенде – джау.
Джангыз торгъай джырламаз.
Терслик кетер, тюзлюк джетер.
Арба аугъандан сора, джол кёргюзтюучю кёб болур.
Нарт сёз къарт болмаз.
Кёб джат да, бек чаб.
Аджал соруб келмез, келсе, къайтыб кетмез.
Эки итни арасына сюек атма, эки адамны арасында сёз чыгъарма.
Джолунга кёре – джюрюшюнг, джагъанга кёре – юлюшюнг.
Аджаллыгъа окъсуз шкок атылыр.
Бойнуму джети джерден кессенг да, мен ол ишни этеллик тюлме.
Эри аманны, къатыны – аман.
Къыз тиширыу кеси юйюнде да къонакъды.
Чабакъсыз кёлге къармакъ салгъанлыкъгъа, чабакъ тутмазса.
Хар ишни да аллы къыйынды.
Эрине къаргъыш этген къатын, эрнин къабар.
Элге къуллукъ этмеген, элге ие болмаз.
Тай асырагъан, атха минер.
Тойгъандан сора, ашны сёкме.
Акъыл къартда, джашда тюйюлдю – башдады.
Эл бла кёргенинг эрелей.
Къазанчы аман болса, къазаны къайнамаз.
Адамны сыфатына къарама, сёзюне къара.
Башда акъыл болмаса, эки аякъгъа кюч джетер.
Билими азны – ауузунда кирит.
Аман адам элни бир-бирине джау этер.
Окъугъан озар, окъумагъан тозар.
Атынг аманнга чыкъгъандан эсе, джанынг тамагъынгдан чыкъсын.
Тёрде – темир таякълы, къаяда – чыпчыкъ аякълы.
Адеб базарда сатылмаз.
Рысхы джалгъанды: келген да этер, кетген да этер.
Ёлюр джаннга, ёкюл джокъ.
Нёгерсизни джолу узун.
Аджалсыз ёлюм болмаз.
Билмегенинги, билгеннге сор.
Термилгенинги табмазса, кюлгенинге тюберсе.
Ышармагъан – кюлмез, кюлмеген – къууанчны билмез.
Джыланны къуйругъундан басарынг келсе, аны башы болгъанын унутма.
Къоркъакъны кёзю экили кёрюр.
Юй ишлеген балта эшикде къалыр.
Тилчиден кери бол.
Бети бедерден, намыс сакълама.
Кийимни бичсенг, кенг бич, тар этген къыйын тюлдю.
Иги сёз – джаннга азыкъ, аман сёз башха – къазыкъ.
«Ёгюз, джаргъа джууукъ барма, меннге джюк боллукъса», - дегенди эшек.
Ёзденликни джайгъан – джокълукъ.
Сормай – алма, чакъырылмай – барма.
Къыйынлы джети элни къайгъысын этер.
.