Таукел къуру къалмаз.
Керилген да, ургъан кибикди.
Тамчы таш тешер.
Тура эдим джата, къайдан чыкъды хата?
Элде адам къалмаса, ит тахтагъа минер.
Билмегенинги, билгеннге сор.
Суу кетер, таш къалыр.
Кёб къычыргъандан – къоркъма, тынч олтургъандан – къоркъ.
Мухарны эси – ашарыкъда.
Ата Джуртча джер болмаз, туугъан элча эл болмаз.
Эски джаугъа ышанма.
Сёлеш деб шай берген, тохта деб, сом берген.
Джаным-тиним – окъуу, билим.
Хар адамгъа кеси миннген тау кибик.
Эл элде бирер малынг болгъандан эсе, бирер тенгинг болсун.
Бир абыннган – минг сюрюнюр.
Къарын къуру болса, джюрек уру болур.
Сакъламагъан затынга джолукъсанг, не бек къууанаса, не бек ачыйса.
Ойнай билмеген, уруб къачар.
Джыгъылгъанны сырты джерден тоймаз.
Къыйынлы джети элни къайгъысын этер.
Адам бла мюлк юлешмеген эсенг, ол адамны билиб бошагъанма, деб кесинги алдама.
Иги джашны ышаны – аз сёлешиб, кёб тынгылар.
Джылкъыдан – ат чыгъар, тукъумдан – джаш чыгъар.
Къонакъ хазыр болгъанлыкъгъа, къонакъбай хазыр тюлдю.
Алтыннга тот къонмаз.
Биреуню тёрюнден, кесинги эшик артынг игиди.
Къызны минг тилер, бир алыр.
Акъыллы башны – тили къысха.
Чабар ат – джетген къыз.
Уллу къашыкъ эрин джыртар.
Насыблы элин сюер, насыбсыз кесин сюер.
Зар адам ашынгы ашар, кесинги сатар.
Сагъышы джокъ – джукъучу, акъылы джокъ – къаугъачы.
Ауругъанны сау билмез, ач къарынны токъ билмез.
Ханнга да келеди хариблик.
Эл бла кёргенинг эрелей.
Ёгюзню мюйюзюнден тутадыла, адамны сёзюнден тутадыла.
Ата Джуртун танымагъан, атасын да танымаз.
Гырджын – тепсини тамадасы.
Джан саулукъ бермей, сан саулукъ бермезсе.
Ханы къызы буюгъа-буюгъа киштик болду.
Махтаннган къыз, тойда джукълар.
Къызбайны юйюне дери сюрсенг, батыр болур.
Бек ашыкъгъан меннге джетсин, дегенди аракъы.
Экеулен сёлеше тура эселе, орталарына барыб кирме.
Сормай – алма, чакъырылмай – барма.
Башы джабылгъан челекге, кир тюшмез.
Башда акъыл болмаса, эки аякъгъа кюч джетер.
Чомарт къонакъ юй иесин сыйлар.
.