Тёрени джагъы джокъ.
Ханы къызы буюгъа-буюгъа киштик болду.
Ана кёлю – балада, бала кёлю – талада.
Кийимни бир кюнню аясанг, минг кюннге джарар.
Къууут – джелге, берне – бошха.
«Ёгюз, джаргъа джууукъ барма, меннге джюк боллукъса», - дегенди эшек.
Джаханимни кёрмей, джандетге кёл салмазса.
Ата Джуртча джер болмаз, туугъан элча эл болмаз.
Бал чибинни ургъаны – ачы, балы – татлы.
Хунаны тюбюн къазсанг, юсюнге ауар.
Биреу къой излей, биреу той излей.
Босагъа таш юйге кирмей эди, тыбыр таш эшикге чыкъмай эди.
Элде адам къалмаса, ит тахтагъа минер.
Иги болса, тамадама – махтау, аман болса, меннге – айыб.
Эринчекни аурууу – кёб.
Байма, деб да, къууанма, джарлыма, деб да, джылама.
Сёз – кюмюш, джыр – алтын.
Эски джаугъа ышанма.
Арба аугъандан сора, джол кёргюзтюучю кёб болур.
Мухарны эси – ашарыкъда.
Аллахха ийнаннган кишини, Аллах онгдурур ишин.
Иги сёз – джаннга азыкъ, аман сёз башха – къазыкъ.
Къарт болгъан джерде, берекет болур, сабий болгъан джерде, оюн болур.
Ариу – кёзге, акъыл – джюрекге.
Акъыл бла адеб эгизледиле.
Ишленмеген джаш – джюгенсиз ат, ишленмеген къыз – тузсуз хант.
Мухар, кеси тойса да, кёзю тоймаз.
Аманны эки битли тону болур, бирин сеннге кийдирир, бирин кеси киер.
Борчунг бар эсе, хурджунунга ойлаб узал.
Къайгъы тюбю – тенгиз.
Иши джокъну, сыйы джокъ.
Этек чакъмакълары баш джаргъан, сёлешген сёзлери таш джаргъан.
Айтхан сёзюне табылгъан.
Джан саулукъ бермей, сан саулукъ бермезсе.
Джетген къыз джерли эшекни танымаз.
Эр сокъур болсун, къатын тилсиз болсун.
Гугук кесини атын айтыб къычыргъанча, мен, мен деб нек тураса?
Тамырсыз терекге таянма – джыгъылырса.
Кёлю джокъну – джолу джокъ.
Азыкъ аз болса, эртде орун сал.
Айыбны суу бла джууалмазса.
Ашхы тенг джолгъа салыр, аман тенг джолдан тайдырыр.
Бичгенде ашыкъма, тикгенде ашыкъ.
Къыз чыгъаргъан – къызыл къымжа.
Тюзлюк шохлукъну бегитир.
Сабийни джумушха джибер да, ызындан бар.
Къая джолда джортма, ачыкъ сёзден къоркъма.
Байлыкъдан саулукъ ашхыды.
Къолунгдан къуймакъ ашатсанг да, атаны борчундан къутулмазса.
Гыдай эчки суугъа къараб, мюйюзле кёрмесе, джашма алкъын, дегенди.
.