Эртде тургъан бла эртде юйленнген сокъуранмаз.
Ёнгкюч къууана барыр, джылай келир.
Чомартха хар кюн да байрамды.
Кюлме джашха – келир башха.
Къар – келтирди, суу – элтди.
Атлыны кёрсе, джаяуну буту талыр.
Кёб джашагъан – кёб билир.
Эринчекни эр алмаз, эр алса да, кёл салмаз, кёл салса да, кёб бармаз!
Сакъ юйюне сау барыр.
Айтханы чапыракъдан ётмеген.
Аш кетер да бет къалыр.
Адамны сабийин сюйген джюреги, бычакъча, джитиди.
Окъуу – билимни ачхычы, окъуу – дунияны бачхычы.
Иги адам абынса да, джангылмаз.
Ёзденликни кёбю ётюрюк.
Къызны минг тилер, бир алыр.
«Ма», - дегенни билмесенг, «бер», - дегенни билмезсе.
Агъач – джерни чырайы, кийим – эрни чырайы.
Арпа, будай – ащды, алтын, кюмюш а – ташды.
Эм ашхы къайын ана мамукъ бла башынгы тешер.
Ашыкъгъанны этеги бутуна чырмалыр.
Иши джокъну, сыйы джокъ.
Таш ата билмеген, башына урур.
Элге къуллукъ этмеген, элге ие болмаз.
Садакъачыны джаны – къапчыгъында.
Сютню башын джалагъан къутулур, тюбюн ичген тутулур.
Аз сёлешген, къайгъысыз турур.
Джерни букъусу кёкге къонмаз.
Халкъгъа джарагъан, джарлы къалмаз.
Джарашыу сюйген – джалынчакъ.
Кютгени беш эчки, сызгъыргъаны уа, джерни джарады.
Керилген да, ургъан кибикди.
Аман къатын сабий табса, бий болур…
Окъдан джара эртде-кеч болса да бителир, сёз джара, ёмюрге къалыр.
Тойгъанлыкъ къойгъа джарашады.
Эркишиге тары кебек танг кёрюнюр.
Къая джолда джортма, ачыкъ сёзден къоркъма.
Сагъышы джокъ – джукъучу, акъылы джокъ – къаугъачы.
Сабийликде юретмесенг, уллу болса – тюзелмез.
Аманнга алтын чыдамаз.
Кюн кёрмеген, кюн кёрсе, кюндюз чыракъ джандырыр.
Чакъырылмагъан къонакъ – орунсуз.
Эл ауузу – элек, анга ийнаннган – халек.
Джаным-тиним – окъуу, билим.
Эшекге миннген – биринчи айыб, андан джыгъылгъан – экинчи айыб.
Акъыллы башны – тили къысха.
Халкъны юйю – туугъан джери.
Джырына кёре эжиую.
Джарлыны эшигин махтагъан джабар.
Кесине гебен этелмеген, биреуге черен эте эди.
.