Сабийни джумушха джибер да, ызындан бар.
Элге къуллукъ этмеген, элге ие болмаз.
Чомартха Тейри да борчлуду.
Ашхы тенг джолгъа салыр, аман тенг джолдан тайдырыр.
Эр абынмай, эл танымаз.
Къызын тута билмеген, тул этер, джашын тута билмеген, къул этер.
Ишлегенде эринме, ишде чолакъ кёрюнме.
Аджашханны ызындагъы кёреди, джангылгъанны джанындагъы биледи.
Алтыда кюлмеген, алтмышда кюлмез.
Къууут – джелге, берне – бошха.
Ариу джол аджал келтирмез.
Тин – байлыгъынг, терен саулугъунг.
Аджаллыгъа окъсуз шкок атылыр.
Ачлыкъ отха секиртир.
Кюлме джашха – келир башха.
Эртде тургъан бла эртде юйленнген сокъуранмаз.
Адамны аманы адамны бети бла ойнар.
Игилик игилик бла сингдирилиучю затды.
Адамны аты башхача, акъылы да башхады.
Ариуну – ауруу кёб.
Сибиртки да сыйлы болду, кюрек да кюнлю болду.
Соргъан айыб тюлдю, билмеген айыбды.
Ёлюр джаннга, ёкюл джокъ.
Олтуруб кёрюнмей эди да, ёрге туруб кёрюне эди.
Акъыл аздырмаз, билим тоздурмаз.
Булут кёкге джарашыу, уят бетге джарашыу.
Тили узунну, намысы – къысха.
Ёнгкюч къууана барыр, джылай келир.
Джангызны оту джарыкъ джанмаз!
Суу кетер, таш къалыр.
Къар – келтирди, суу – элтди.
Магъанасыз сёз – тауушсуз сыбызгъы.
Адебни адебсизден юрен.
Кюн кёрмеген, кюн кёрсе, кюндюз чыракъ джандырыр.
Къуру гыбыт бек дыгъырдар.
Юйлю уругъа ит чабмаз.
Кечеси – аяз, кюню – къыш, джарлы къаргъагъа бир аш тюш!
Къайгъы тюбю – тенгиз.
Элде адам къалмаса, ит тахтагъа минер.
Таула не мийик болсала да, аууш табылыр.
Эки элинги тыйсанг, джети элде махталырса.
Телиге акъыл салгъандан эсе, ёлгеннге джан салырса.
Аман киши кеси юйюнде – къонакъ.
Илму – джашауну джолу.
Аманны тукъумуна къарама, игини тукъумун сорма.
Гырджын – тепсини тамадасы.
Кёрмегеннге кебек – танг, битмегеннге сакъал – танг.
Тёрде – темир таякълы, къаяда – чыпчыкъ аякълы.
Тынгылагъан тынгы бузар.
Акъыллы айтыр эди, акъылсыз къоймайды.
.