Адеб базарда сатылмаз.
Къонакъ кёб келюучю юйню, къазаны отдан тюшмез.
Тойгъанлыкъ къойгъа джарашады.
Хунаны тюбюн къазсанг, юсюнге ауар.
Джолунга кёре – джюрюшюнг, джагъанга кёре – юлюшюнг.
Эрни эр этерик да, къара джер этерик да, тиширыуду.
Сёлеш деб шай берген, тохта деб, сом берген.
Къарыусузгъа кюлме, онгсузгъа тийме.
Олтуруб кёрюнмей эди да, ёрге туруб кёрюне эди.
Джогъун бар этген, барын бал этген.
Тюзню ётмеги тюзде къалса да, тас болмаз.
Бозанг болмагъан джерге, къалагъынгы сукъма.
Акъдан къара болмаз.
Аз сёлеш, кёб ишле.
Билим – акъылны чырагъы.
Кёзю сокъурдан – къоркъма, кёлю сокъурдан – къоркъ.
Сормай – алма, чакъырылмай – барма.
Адамны сыфатына къарама, сёзюне къара.
«Ма», - дегенни билмесенг, «бер», - дегенни билмезсе.
Къонакъ болсанг, ийнакъ бол.
Эшекге миннген – биринчи айыб, андан джыгъылгъан – экинчи айыб.
Тойгъан антын унутур.
Окъуу – билимни ачхычы, окъуу – дунияны бачхычы.
Къазанда болса, чолпугъа чыгъар.
Кесине оноу эте билмеген, халкъына да эте билмез.
Адам боллукъ, атламындан белгили болур.
Адамны сабийин сюйген джюреги, бычакъча, джитиди.
Чыбыкълыкъда бюгюлмеген, къазыкълыкъда бюгюлмей эди.
Хатерли къул болур.
Шайтан алдады, тюзлюк къаргъады.
Чомартха Тейри да борчлуду.
Чакъырылмай келген къонакъ сыйланмай кетер.
Хансыз джомакъ болмаз.
Къумурсхала джыйылсала, пилни да джыгъадыла.
Ётген ёмюр – акъгъан суу.
Ариу сёз аурууунгу алыр.
Джиби бир къат джетмей эди да, эки къат тарта эди.
Билим ат болуб да чабар, къуш болуб да учар.
Джаш къарыу бла кючлю, къарт акъыл бла кючлю.
Джаз бир кюнню джатсанг, къыш талай кюнню абынырса.
Рысхысына кёре, джаш ёсер, къышлыгъына кёре, мал ёсер.
Киштикге къанат битсе, чыпчыкъ къалмаз эди.
Къарнынг ауруса, ауузунгу тый
Билим насыб берир, билим джолну керир.
Ашлыкъны арба юйге келтирир, чана базаргъа элтир.
Акъыл бла адеб эгизледиле.
Адамгъа аман кюн соруб келмейди.
Сагъыш – къартлыкъгъа сюйюмчю.
Айныгъанлы алты кюн, тогъайгъанлы тогъуз кюн.
Терек ауса, отунчу – кёб.
.