Кийим тукъум сордурур.
Рысхы – сют юсюнде кёмюк кибикди.
Ариу сёз – джаннга азыкъ, аман сёз – башха къазыкъ.
Кёрмегеннге кебек – танг, битмегеннге сакъал – танг.
Ашлыкъны арба юйге келтирир, чана базаргъа элтир.
Этни да ашады, бетни да ашады.
Сагъышы джокъ – джукъучу, акъылы джокъ – къаугъачы.
Башы ишлегенни, ауузу да ишлер.
Джылыгъа джылан илешир.
Эски джаугъа ышанма.
Босагъа таш юйге кирмей эди, тыбыр таш эшикге чыкъмай эди.
Адам туугъан джеринде, ит тойгъан джеринде.
Соргъан айыб тюлдю, билмеген айыбды.
Аманны тукъумуна къарама, игини тукъумун сорма.
Тенги кёбню джау алмаз, акъылы кёбню дау алмаз.
Урама да – ёледи, сатама да – келеди.
Билмезни кёзю кёрмез, этмезни къулагъы эшитмез.
Тулпарлыкъ, билекден тюл – джюрекден.
Татлы сёз – балдан татлы.
Билим къая тешер.
Эм уллу байлыкъ – джан саулукъ.
Ёгюзню мюйюзлери ауурлукъ этмейдиле.
Мен да «сен», дейме, сен да «кесим», дейсе.
Аш кетер да бет къалыр.
Ишни ахырын ойламай, аллын башлама.
Иги болса, тамадама – махтау, аман болса, меннге – айыб.
Ариу сёз – къылычдан джити.
Кирсизни – саны таза, халалны – къаны таза.
Хунаны тюбюн къазсанг, юсюнге ауар.
Чомартха хар кюн да байрамды.
Сютню башын джалагъан къутулур, тюбюн ичген тутулур.
Ёлюр джаннга, ёкюл джокъ.
Къая джолда джортма, ачыкъ сёзден къоркъма.
Мухарны эси – ашарыкъда.
Къыз чыгъаргъан – къызыл къымжа.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Сёз къанатсыз учар.
Чабакъгъа акъыл, табагъа тюшсе келеди.
Элде адам къалмаса, ит тахтагъа минер.
Минг тенг да азды, бир джау да кёбдю.
Келлик заман – къартлыкъ келтирир, кетген заман – джашлыкъ ёлтюрюр.
Эркишиге тары кебек танг кёрюнюр.
Эркишини аманы тиширыуну джылатыр.
Къарыусузгъа кюлме, онгсузгъа тийме.
Эки элинги тыйсанг, джети элде махталырса.
Иги бла джюрюсенг, джетерсе муратынга, аман бла джюрюсенг, къалырса уятха.
Накъырданы арты керти болур.
Къарны аманнга къазан такъдырма, къолу аманнга от джакъдырма.
Джангызны оту джарыкъ джанмаз!
Кёзден кетген, кёлден да кетеди.
.