Джашны джигитлиги сорулур, къызны джигерлиги сорулур.
Сакъалы текени да бар, мыйыгъы киштикни да бар.
Ётюрюкден тюбю джокъ, кёлтюрюрге джиби джокъ.
Къайгъы тюбю – тенгиз.
Шапа кёб болса, аш татымсыз болур.
Джырчы джырчыгъа – къарнаш.
Битмегеннге сакъал – танг.
Ишленмеклик адамлыкъды.
Ач да бол, токъ да бол – намысынга бек бол.
Айранын берсенг, челегин да къызгъанма.
Эртде тургъан джылкъычыны эркек аты тай табар.
Тёрени джагъы джокъ.
Джигер – джаннга къыйынлыкъ.
Адам къыйынлыгъын кёлтюрюр, зауукълугъун кёлтюрмез.
Уллу суу бла уллу ауруудан башынгы сакъла.
Тойну къарнашы – харс, джырны къарнашы – эжиу.
Чомартха Тейри да борчлуду.
Ашына кёре табагъы, балына кёре къалагъы.
Керек ташны ауурлугъу джокъ.
Ашыкъгъан cуу, тенгизге джетмез.
Бермеген къол, алмайды.
Ётюрюкню къуйругъу – бир тутум.
Хунаны тюбюн къазсанг, юсюнге ауар.
Эринчекни аурууу – кёб.
Ачыу алгъа келсе, акъыл артха къалады.
Кесине оноу эте билмеген, халкъына да эте билмез.
Арбаз сайлама да, хоншу сайла.
Тюзню ётмеги тюзде къалса да, тас болмаз.
Этек чакъмакълары баш джаргъан, сёлешген сёзлери таш джаргъан.
Ариу сёз – къылычдан джити.
Байлыкъ болгъан джерде, тынчлыкъ джокъду.
Тенги кёбню джау алмаз, акъылы кёбню дау алмаз.
Нафысынгы айтханын этме, намысынгы айтханын эт.
Ат басханны джер билед.
Эр сокъур болсун, къатын тилсиз болсун.
Хазыр ашха – терен къашыкъ.
Ёксюзню тилеги къабыл болур.
Эл ауузу – элек, анга ийнаннган – халек.
Башы ишлегенни, ауузу да ишлер.
Джашынгы кесинг юретмесенг, джашау юретир.
Адамны сабийин сюйген джюреги, бычакъча, джитиди.
Ёлген эшек бёрюден къоркъмайды.
Акъыл къартда, джашда тюйюлдю – башдады.
Тюз сёз баргъан сууну тыяр.
Арпа, будай – ащды, алтын, кюмюш а – ташды.
Алтыда кюлмеген, алтмышда кюлмез.
Тиширыусуз юй – отсуз от джагъа.
Иги болса, тамадама – махтау, аман болса, меннге – айыб.
Къозулугъунда тоймагъан, къойлугъунда тоймаз.
Къонакъ аман болса, къонакъбай джунчур
.