Къарт айтханны этмеген, къартаймаз.
Къонакъны къачан кетерин сорма, къачан келлигин сор.
Тойгъандан сора, ашны сёкме.
Тау башында, тау болмаз, джангыз терек, бау болмаз.
Сабийни джумушха джибер да, ызындан бар.
Таякъ этден ётер, тил сюекден ётер.
Джашда акъыл джокъ, къартда къарыу джокъ.
Къыз тиширыу кеси юйюнде да къонакъды.
Къоркъакъны кёзю экили кёрюр.
Хунаны тюбюн къазсанг, юсюнге ауар.
Ашхы тенг джолгъа салыр, аман тенг джолдан тайдырыр.
Биреуню тёрюнден, кесинги эшик артынг игиди.
Гырджын – тепсини тамадасы.
Билим насыб берир, билим джолну керир.
Шекер бла туз – бир болмаз, ушамагъан – юй болмаз.
Тилчи тилден къаныкъмаз.
Аман адам элни бир-бирине джау этер.
Абынмазлыкъ аякъ джокъ, джангылмазлыкъ джаякъ джокъ.
Ачылгъан эт джабылыр, кёрген кёз унутмаз.
Аджалсыз ёлюм болмаз.
Ойнай билмеген, уруб къачар.
Ким бла джюрюсенг, аны кёзю бла кёрюнюрсе.
Ариу джол аджал келтирмез.
Эринчекни эр алмаз, эр алса да, кёл салмаз, кёл салса да, кёб бармаз!
Тюкюрюк баш джармаз, налат кёз чыгъармаз!
Иги адам абынса да, джангылмаз.
Магъанасыз сёз – тауушсуз сыбызгъы.
Тилде сюек болмаса да, сюек сындырыр.
Намысы болмагъанны, сыйы болмаз.
Къумурсхала джыйылсала, пилни да джыгъадыла.
Тенгинг джокъ эсе – изле, бар эсе – сакъла!
Бермеген къол, алмайды.
Къая джолда джортма, ачыкъ сёзден къоркъма.
Ачыкъ джюрекге джол – ачыкъ.
Къошда джокъгъа – юлюш джокъ.
Джолунга кёре – джюрюшюнг, джагъанга кёре – юлюшюнг.
Кёл ашады да, кеси ашады.
Къонагъы джокъну – шоху джокъ.
Тёрде – темир таякълы, къаяда – чыпчыкъ аякълы.
Джылкъыдан – ат чыгъар, тукъумдан – джаш чыгъар.
Тойгъанлыкъ къойгъа джарашады.
Кёрмегеннге кебек – танг, битмегеннге сакъал – танг.
Тёзгеннге, джабылгъан эшик ачылыр.
Къатыны харакетли болса, эри къымсыз болур.
Джаш къарыу бла кючлю, къарт акъыл бла кючлю.
Кёб джат да, бек чаб.
Билмегенинги, билгеннге сор.
Тас болгъан бычакъны сабы – алтын.
Ашына кёре табагъы, балына кёре къалагъы.
Джети тилни билген джети кишиди.
.