Келинин тута билмеген, къул этер, къызын тута билмеген, тул этер.
Къоркъакъны кёзю экили кёрюр.
Бетинги сатма, малынгы сат.
Эркиши – от, тиширыу – суу.
Ашхы болсанг, атынг чыгъар, аман болсанг, джанынг чыгъар.
Азыкълы ат арымаз, къатыны аман джарымаз.
Биреу къой излей, биреу той излей.
Баш – акъыл ючюн, акъылман – халкъ ючюн.
Сёз садакъдан кючлюдю.
Ата – баланы уясы.
Хантына кёре тузу, юйюне кёре къызы.
Керек ташны ауурлугъу джокъ.
Ашыкъгъан cуу, тенгизге джетмез.
Аз айтсам, кёб ангылагъыз.
Къууут – джелге, берне – бошха.
Окъдан джара эртде-кеч болса да бителир, сёз джара, ёмюрге къалыр.
Тил – миллетни джаны.
Тили узунну, намысы – къысха.
Эринчекни аурууу – кёб.
Адамны бетине къарама, адетине къара.
Баш болса, бёрк табылыр.
Тойгъандан сора, ашны сёкме.
Хоншуну тауугъу къаз кёрюнюр, келини къыз кёрюнюр.
Ишге юренсин къоллары, халкъ бла болсун джоллары.
Намысы болмагъанны, сыйы болмаз.
Аш хазыр болса, иш харам болур.
Накъырда – кертини келечиси.
Тёгюлген тюгел джыйылмайды.
Туз, гырджын аша, тюзлюк бла джаша.
Аман хансны – урлугъу кёб.
Къазанчы аман болса, къазаны къайнамаз.
Кёз – сюйген джерде, къол – ауругъан джерде.
Баланы адам этген анады.
Ётюрюкчюню шагъаты – къатында.
Къалгъан ишге къар джауар.
Арыгъан къош чамчы болур.
Айыбны суу бла джууалмазса.
Дженгил джетерикме деб, узун джолну къоюб, къысхасын барма.
Аууздан келген, къолдан келсе, ким да патчах болур эди.
Джылкъыдан – ат чыгъар, тукъумдан – джаш чыгъар.
Къулакъдан эсе, кёзге ышан.
Ёксюзню тилеги къабыл болур.
Эрни эр этерик да, къара джер этерик да, тиширыуду.
Аман адам элни бир-бирине джау этер.
Ашда – бёрю, ишде – ёлю.
Чыкълы кюнде чыкъмагъан, чыкъса къуру кирмеген.
Тёзген – тёш ашар!
Ичимден чыкъды хата, къайры барайым сата?
Сёлеш деб шай берген, тохта деб, сом берген.
Билимден уллу байлыкъ джокъду.
.