Сакъламагъан затынга джолукъсанг, не бек къууанаса, не бек ачыйса.
Хар ишни да аллы къыйынды.
Арбаз къынгырды да, ийнек сауалмайма.
Атлыны ашхысы, ат тизгининден билинир
Ариу сёз аурууунгу алыр.
Хатерли къул болур.
Кёб къычыргъандан – къоркъма, тынч олтургъандан – къоркъ.
Байны оноуу, джарлыгъа джарамаз.
Тил – кесген бычакъ, сёз – атылгъан окъ.
Къумурсхала джыйылсала, пилни да джыгъадыла.
Ётюрюкню башын керти кесер.
Ашхы атаны – джашы ашхы, ашхы ананы – къызы ашхы.
Хазыр ашха – терен къашыкъ.
Байлыкъ тауусулур, билим тауусулмаз.
Босагъа таш юйге кирмей эди, тыбыр таш эшикге чыкъмай эди.
Эл бла кёргенинг эрелей.
Ёмюрлюк шохлукъну джел элтмез.
Айтхан сёзюне табылгъан.
Айран ичген – къутулду, джугъусун джалагъан – тутулду.
Тёзген – тёш ашар!
Кёб джашагъан – кёб билир.
Ашыкъгъан cуу, тенгизге джетмез.
Экеу тутушса, биреу джыгъылыр.
Бозаны арты дауур болур.
Бойнуму джети джерден кессенг да, мен ол ишни этеллик тюлме.
Тойгъан джерге джети къайт.
Ишленмеген джаш – джюгенсиз ат, ишленмеген къыз – тузсуз хант.
Эринчекге кюн узун.
Азыкълы ат арымаз, къатыны аман джарымаз.
Бир абыннган – минг сюрюнюр.
Сабийни джумушха джибер да, ызындан бар.
Джарлы тюеге минсе да, ит къабар.
Джашда акъыл джокъ, къартда къарыу джокъ.
Хар сёзню орну барды.
Ётюрюкню къуйругъу – бир тутум.
Къарнынг бла ёч алма.
Кёзню ачылгъаны – иги, ауузну джабылгъаны – иги.
Аш хазыр болса, иш харам болур.
Ёгюзню мюйюзлери ауурлукъ этмейдиле.
Эшекни не къадар тюйсенг да, ат болмаз.
Гугук кесини атын айтыб къычыргъанча, мен, мен деб нек тураса?
Мен да «сен», дейме, сен да «кесим», дейсе.
Игини сыйлагъан адетди.
Эки итни арасына сюек атма, эки адамны арасында сёз чыгъарма.
Ханы къызы буюгъа-буюгъа киштик болду.
Иги адам абынса да, джангылмаз.
Ауузу аманнга «иги», деме.
Къызын тута билмеген, тул этер, джашын тута билмеген, къул этер.
Дуния аламаты сен эсенг да, игиме деб айтма.
Чакъырылгъанны аты, чакъырылмагъанны багъасы болур.
.