Уллу сёзде уят джокъ.
Чомартха хар кюн да байрамды.
Эр абынмай, эл танымаз.
Болджал ишни бёрю ашар.
Гырджын – тепсини тамадасы.
Ётюрюкчюню шагъаты – къатында.
Тёрени джагъы джокъ.
Чакъырылгъанны аты, чакъырылмагъанны багъасы болур.
Айырылмаз джууугъунга, унутмаз сёзню айтма.
Баланы адам этген анады.
Бичгенде ашыкъма, тикгенде ашыкъ.
Джюрек кёзден алгъа кёрюр.
Айтхан сёзюне табылгъан.
Ачылгъан эт джабылыр, кёрген кёз унутмаз.
Ариу сёз аурууунгу алыр.
Сабийликде юретмесенг, уллу болса – тюзелмез.
Джаралыны джастыгъында сау ёлюр.
Башы джабылгъан челекге, кир тюшмез.
Телиге акъыл салгъандан эсе, ёлгеннге джан салырса.
Тулпарлыкъ, билекден тюл – джюрекден.
Биреу ашаб къутулур, биреу джалаб тутулур.
Къалгъан ишге къар джауар.
Къонагъы джокъну – шоху джокъ.
Чабакъгъа акъыл, табагъа тюшсе келеди.
Душманны тышы – акъ, ичи – къара.
Чакъырылмагъан къонакъ – орунсуз.
Чомартха Тейри да борчлуду.
Арбаз сайлама да, хоншу сайла.
Кюн кёрмеген, кюн кёрсе, кюндюз чыракъ джандырыр.
Атынг аманнга чыкъгъандан эсе, джанынг тамагъынгдан чыкъсын.
Минг тенг да азды, бир джау да кёбдю.
Тил бла келеди джыр да.
Тойгъандан сора, ашны сёкме.
Сёз сёзню айтдырыр.
Тюз сёз баргъан сууну тыяр.
Башланнган иш битер, къымылдагъан тиш тюшер.
Джаханимни кёрмей, джандетге кёл салмазса.
Тау башында, тау болмаз, джангыз терек, бау болмаз.
Иги сеники эсе да, сюйген кесимикин этеме.
Къар – келтирди, суу – элтди.
Эри аманны, къатыны – аман.
Уллу сёлешме да, уллу къаб.
Эринчекни аурууу – кёб.
Адам къыйынлыгъын кёлтюрюр, зауукълугъун кёлтюрмез.
Азыгъы аз, алгъа къабар, аты аман, алгъа чабар.
Чомартны къолун джокълукъ байлар.
Артына баргъанны, къатына барма.
Билим къая тешер.
Ач келгенни – тойдур, кеч келгенни – къондур.
Адам бла мюлк юлешмеген эсенг, ол адамны билиб бошагъанма, деб кесинги алдама.
.