Джукъу тёшек сайламайды.
Экеулен сёлеше тура эселе, орталарына барыб кирме.
Ата Джуртча джер болмаз, туугъан элча эл болмаз.
«Ма», - дегенни билмесенг, «бер», - дегенни билмезсе.
Эл бла кёргенинг эрелей.
Къарны аманнга къазан такъдырма, къолу аманнга от джакъдырма.
Чомартха хар кюн да байрамды.
Ашыкъгъан cуу, тенгизге джетмез.
Ат да турмайды бир териде.
Илму – джашауну джолу.
Агъач халкъгъа алтынды, иссиликге салкъынды.
Аш берме да, къаш бер.
Эркиши – от, тиширыу – суу.
Бойнуму джети джерден кессенг да, мен ол ишни этеллик тюлме.
Этек чакъмакълары баш джаргъан, сёлешген сёзлери таш джаргъан.
Кютгени беш эчки, сызгъыргъаны уа, джерни джарады.
Ауругъанны сау билмез, ач къарынны токъ билмез.
Адам сёзюнден белгили.
Адам туугъан джеринде, ит тойгъан джеринде.
Джумушакъ терекни къурт ашар.
Игилик игилик бла сингдирилиучю затды.
Джыйырма къойну юч джыйырма эбзе кюте эди.
Малны кют, джерни тюрт.
Ойнай билмеген, оюн бузар.
Сабий болмагъан джерде, мёлек болмаз.
Тойну къарнашы – харс, джырны къарнашы – эжиу.
Сёз садакъдан кючлюдю.
Акъылсызны джууукъгъа алма, акъыллыны кенгнге салма.
Тёрде – темир таякълы, къаяда – чыпчыкъ аякълы.
Эшекни не къадар тюйсенг да, ат болмаз.
Орундукъ тюбюнде атылсам да, орта джиликме, де да айлан.
Сормай – алма, чакъырылмай – барма.
«Ёгюз, джаргъа джууукъ барма, меннге джюк боллукъса», - дегенди эшек.
Джиби бир къат джетмей эди да, эки къат тарта эди.
Къралынгы – душмандан, башынгы от бла суудан сакъла.
Джюрек кёзден алгъа кёрюр.
Сютню башын джалагъан къутулур, тюбюн ичген тутулур.
Байлыкъ келсе, акъыл кетер.
Дуния малгъа сатылма, кесингден телиге къатылма.
Адамгъа аман кюн соруб келмейди.
Чомартха Тейри да борчлуду.
Бек анасы джыламаз.
Миллетни бойну – базыкъ, аны бла кюрешген – джазыкъ.
Тамырсыз терекге таянма – джыгъылырса.
Юйюнгден чыкъдынг – кюнюнгден чыкъдынг.
Асхат ашлыкъ сата, юйдегиси ачдан къата.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Эли джокъну – кёлю джокъ.
Къалгъан ишге къар джауар.
Татлы тилде – сёз ариу, чемер къолда – иш ариу.
.