Ётген ёмюр – акъгъан суу.
Кёзден кетген, кёлден да кетеди.
Къонакъны къачан кетерин сорма, къачан келлигин сор.
Билмейме деген – бир сёз
Биреуню къыйынлыгъы бла кесинге джол ишлеме.
Рысхы – сют юсюнде кёмюк кибикди.
Къарыусузгъа кюлме, онгсузгъа тийме.
Экиндини кеч къылсанг, чабыб джетер ашхам.
Байма, деб да, къууанма, джарлыма, деб да, джылама.
Акъдан къара болмаз.
Уллу суу бла уллу ауруудан башынгы сакъла.
Абынмазлыкъ аякъ джокъ, джангылмазлыкъ джаякъ джокъ.
Къарнынг ауруса, ауузунгу тый
Акъыллы айтыр эди, акъылсыз къоймайды.
Ариу джол аджал келтирмез.
Ёлюр джаннга, ёкюл джокъ.
Чыбыкълыкъда бюгюлмеген, къазыкълыкъда бюгюлмей эди.
Шапа кёб болса, аш татымсыз болур.
Татлы сёз – балдан татлы.
Джан саулукъ бермей, сан саулукъ бермезсе.
Эл тойса, тоймагъан, эл къойса, къоймагъан.
Аш берме да, къаш бер.
Душманны тышы – акъ, ичи – къара.
Ат басханны джер билед.
Ашхы адам – халкъ байлыгъы, ашхы джер – джашау байлыгъы.
Адамны джюреги нени кёрюрге сюйсе, кёзю да аны кёрюрге ёч болады.
Къарнынг тойгъунчу аша да, белинг талгъынчы ишле.
Огъурлуну сёзю – суу, огъурсузну сёзю – уу.
Ёлюк кебинсиз къалмаз.
Биреу ашаб къутулур, биреу джалаб тутулур.
Арбаз сайлама да, хоншу сайла.
Ариу сёз – къылычдан джити.
Ханнга да келеди хариблик.
Мал кёб болса, джууукъ кёб болур.
Къарнынг къанлынга кийирир.
Ашлыкъ – бюртюкден, джюн – тюкден.
Ата – билек, ана – джюрек!
Сабийни джумушха джибер да, ызындан бар.
Ётюрюкню башын керти кесер.
Джюрек кёзден алгъа кёрюр.
Ёлмесенг да, къарт дамы болмазса?
Берекет берсин деген джерде, берекет болур.
Билгенни къолу къарны джандырыр.
Бойнуму джети джерден кессенг да, мен ол ишни этеллик тюлме.
Эм ашхы къайын ана мамукъ бла башынгы тешер.
Ишге юренсин къоллары, халкъ бла болсун джоллары.
Юйлю уругъа ит чабмаз.
Мураты болгъанны джюрек тебюую башхады.
Кёбден умут этиб, аздан къуру къалма.
Аманнга да, игиге да оноусуз къатышма.
.