Ата Джуртун танымагъан, атасын да танымаз.
Телиге акъыл салгъандан эсе, ёлгеннге джан салырса.
Байлыкъ тауусулур, билим тауусулмаз.
Аш берме да, къаш бер.
Аман эсирсе, юйюн ояр.
Аякъларынгы джууургъанынга кёре узат.
Тойгъан джерден туугъан джер игиди.
Киштикге къанат битсе, чыпчыкъ къалмаз эди.
Ата Джуртуму башы болмасам да, босагъасында ташы болайым.
Мени джылытмагъан кюн, меннге тиймесин!
Аман къатын алгъан, арыр, иги къатын алгъан джарыр.
Джангыз торгъай джырламаз.
Намыс болмагъан джерде, насыб болмаз.
Азыкълы ат арымаз, къатыны аман джарымаз.
Ачлыкъда тары гырджын халыуадан татлы.
Айтханы чапыракъдан ётмеген.
Кёзю сокъурдан – къоркъма, кёлю сокъурдан – къоркъ.
Агъач халкъгъа алтынды, иссиликге салкъынды.
Байлыкъдан саулукъ ашхыды.
Алма терегинден кери кетмез.
Ач къалгъандан, кеч къалгъан къолай.
Джолда аягъынга сакъ бол, ушакъда тилинге сакъ бол.
Ауузу аманнга «иги», деме.
Кесинге джетмегенни, кёб сёлешме.
Минг тенг да азды, бир джау да кёбдю.
Ёзденликни кёбю ётюрюк.
Къууут – джелге, берне – бошха.
Ашлыкъны арба юйге келтирир, чана базаргъа элтир.
Ургъан суудан башынгы сакъла.
Тил – миллетни джаны.
Танг атмайма десе да, кюн къоярыкъ тюйюлдю.
Ашхы болсанг, атынг чыгъар, аман болсанг, джанынг чыгъар.
Чакъырылгъанны аты, чакъырылмагъанны багъасы болур.
Къартны бурнун сюрт да, оноугъа тут.
Ойнай-ойнай кёз чыгъар.
Игилик игилик бла сингдирилиучю затды.
Акъыллы айтыр эди, акъылсыз къоймайды.
Хата – гитчеден.
Дженгил джетерикме деб, узун джолну къоюб, къысхасын барма.
Таукелге нюр джауар.
Ётюрюкчюню шагъаты – къатында.
Ариу сёз джыланны орнундан чыгъарыр.
Тюзлюк шохлукъну бегитир.
Ач да бол, токъ да бол – намысынга бек бол.
Aдам боллукъ, сыфатындан белгили.
Суугъа – таянма, джаугъа – ийнанма.
Джашны джигитлиги сорулур, къызны джигерлиги сорулур.
Аз сёлешген, къайгъысыз турур.
Ачлыкъ отха секиртир.
Сакъламагъан затынга джолукъсанг, не бек къууанаса, не бек ачыйса.
.