Адам сёзге тынгыла, акъыл сёзню ангыла.
Чакъырылгъанны аты, чакъырылмагъанны багъасы болур.
Ашда – бёрю, ишде – ёлю.
Сангырау къулакъ эл бузар.
Бетинги сатма, малынгы сат.
Къыз тиширыу кеси юйюнде да къонакъды.
Телиге от эт десенг, юйюнге от салыр.
Ойнай билмеген, оюн бузар.
Къарыусузгъа кюлме, онгсузгъа тийме.
Къатын къылыкъсыз, эр тынчлыкъсыз.
Итли къонакъ джарашмаз.
Тёрде – темир таякълы, къаяда – чыпчыкъ аякълы.
Акъыл неден да кючлюдю.
Эрине къаргъыш этген къатын, эрнин къабар.
Хантына кёре тузу, юйюне кёре къызы.
Таш бла ургъанны, аш бла ур.
Къонакъ хазыр болгъанлыкъгъа, къонакъбай хазыр тюлдю.
Джарлыны эшигин махтагъан джабар.
Башынга джетмегенни сорма.
Джерни букъусу кёкге къонмаз.
Ач къарынны, токъ билмез
Сакъламагъан затынга джолукъсанг, не бек къууанаса, не бек ачыйса.
Тёзгеннге, джабылгъан эшик ачылыр.
Джолда аягъынга сакъ бол, ушакъда тилинге сакъ бол.
Эки итни арасына сюек атма, эки адамны арасында сёз чыгъарма.
Чакъырылмагъан джерге барма, чакъырылгъан джерден къалма.
Аман киши кеси юйюнде – къонакъ.
Таукел къуру къалмаз.
Аджалсыз ёлюм болмаз.
Билеги кючлю, бирни джыгъар, билими кючлю, мингни джыгъар.
От кюйдюрген, сау болса да, тот кюйдюрген, сау болмаз.
Ариуну – ауруу кёб.
Хар адамгъа кеси миннген тау кибик.
Чыкълы кюнде чыкъмагъан, чыкъса къуру кирмеген.
Айыбны суу бла джууалмазса.
Ач къарным, тынч къулагъым.
Тамбла алтындан бюгюн багъыр ашхы.
Сабийликде юретмесенг, уллу болса – тюзелмез.
Окъуусуз билим – джокъ, билимсиз кюнюнг – джокъ.
Термилгенинги табмазса, кюлгенинге тюберсе.
Кёзню ачылгъаны – иги, ауузну джабылгъаны – иги.
Къолу уллу – асыу, аягъы уллу – джарсыу.
Халкъны юйю – туугъан джери.
Къызгъанчдан ычхыныр, мухардан ычхынмаз.
Ётюрюкчюню шагъаты – къатында.
Уллу айтханны этмеген – уллаймаз.
Ичимден чыкъды хата, къайры барайым сата?
Ушамагъан – джукъмаз.
Кимни – тили, тиши онглу, кимни – къолу, иши онглу.
Эл ауузу – элия.
.