Билеги кючлю, бирни джыгъар, билими кючлю, мингни джыгъар.
Чомартха хар кюн да байрамды.
Адамны сыфатына къарама, сёзюне къара.
Суу ичген шауданынга тюкюрме.
Къонакъ кёб келюучю юйню, къазаны отдан тюшмез.
Окъугъан озар, окъумагъан тозар.
Аман киши кеси юйюнде – къонакъ.
Малны кют, джерни тюрт.
Чыкълы кюнде чыкъмагъан, чыкъса къуру кирмеген.
Адамны адамлыгъы къыйынлыкъда айгъакъланады.
Сакъ юйюне сау барыр.
Джауумдан сора, кюн кюйдюрюр, ётюрюкден сора, айыб кюйдюрюр.
Ауругъанны сау билмез, ач къарынны токъ билмез.
Джангыз торгъай джырламаз.
Намысы джокъну – дуниясы джокъ.
Ач къалгъандан, кеч къалгъан къолай.
Биреуню тёрюнден, кесинги эшик артынг игиди.
Бетинги сатма, малынгы сат.
Аурууну келиую тынч, кетиую – къыйын.
Тойгъан антын унутур.
Аджашхан тёгерек айланыр.
Джукъу тёшек сайламайды.
Мени джылытмагъан кюн, меннге тиймесин!
Ашарыкъда сайлагъаннга – чий гырджын.
Адам бла мюлк юлешмеген эсенг, ол адамны билиб бошагъанма, деб кесинги алдама.
Уллу айтханны этмеген – уллаймаз.
Терек ауса, отунчу – кёб.
Кёкдеги болмаса, джердегин кёрмейди.
Тас болгъан бычакъны сабы – алтын.
Къартны бурнун сюрт да, оноугъа тут.
Аманнга алтын чыдамаз.
Къатыны харакетли болса, эри къымсыз болур.
Ат да турмайды бир териде.
Уллу сёлешме да, уллу къаб.
Тыш элде солтан болгъандан эсе, кесинги элде олтан болгъан игиди!
Тойгъан джерден туугъан джер игиди.
Орундукъ тюбюнде атылсам да, орта джиликме, де да айлан.
Миллетни бойну – базыкъ, аны бла кюрешген – джазыкъ.
Азыгъы аз, алгъа къабар, аты аман, алгъа чабар.
Аман адам этегингден тутса, кес да къач.
Аманнга игилик этсенг, юйюнге сау бармазса.
Дуния мал дунияда къалады.
Аууз сакълагъан – джан сакълар.
Бал – татлы, балдан да бала – татлы.
Тюзню ётмеги тюзде къалса да, тас болмаз.
Джыйырма къойну юч джыйырма эбзе кюте эди.
Игиге айтсанг – билир, аманнга айтсанг – кюлюр.
Баш болса, бёрк табылыр.
Къарын къуру болса, джюрек уру болур.
Сёз – кюмюш, джыр – алтын.
.