Арба аугъандан сора, джол кёргюзтюучю кёб болур.
Сескекли кесин билдирир.
Джахил болса анасы, не билликди баласы?
Хар сёзню орну барды.
Орундукъ тюбюнде атылсам да, орта джиликме, де да айлан.
Ишленмеклик адамлыкъды.
Иги сёз – джаннга азыкъ, аман сёз башха – къазыкъ.
Иги джашны ышаны – аз сёлешиб, кёб тынгылар.
Таш бла ургъанны, аш бла ур.
Алгъанда – джууукъ, бергенде – джау.
Аурууну келиую тынч, кетиую – къыйын.
Иги болса, тамадама – махтау, аман болса, меннге – айыб.
Иги сеники эсе да, сюйген кесимикин этеме.
Тилчиден кери бол.
Ауузу бла къуш тута айланады.
Эшекге миннген – биринчи айыб, андан джыгъылгъан – экинчи айыб.
Булут кёкге джарашыу, уят бетге джарашыу.
Къарнынг бла ёч алма.
Ач къарным, тынч къулагъым.
Кёл – къызбай, къол – батыр.
Иги бла джюрюсенг, джетерсе муратынга, аман бла джюрюсенг, къалырса уятха.
Айранын берсенг, челегин да къызгъанма.
Тойгъандан сора, ашны сёкме.
Адам боллукъ, атламындан белгили болур.
Джангыз торгъай джырламаз.
Джыланны къуйругъундан басарынг келсе, аны башы болгъанын унутма.
Эркишиге тары кебек танг кёрюнюр.
Юре билмеген ит, къонакъ келтирир.
Ишлегенден, къарагъан уста.
Джигер – джаннга къыйынлыкъ.
Арпа, будай – ащды, алтын, кюмюш а – ташды.
Керилген да, ургъан кибикди.
Гитче джилтин уллу элни джандырыр.
Ёзденликни джайгъан – джокълукъ.
Экеу тутушса, биреу джыгъылыр.
Бети – къучакълар, джюреги – бычакълар.
Игиге айтсанг – билир, аманнга айтсанг – кюлюр.
Кюлме джашха – келир башха.
Артына баргъанны, къатына барма.
Телини эшигин, махтау джабар.
Махтаннган къыз, тойда джукълар.
Къыз чыгъаргъан – къызыл къымжа.
Адам туугъан джеринде, ит тойгъан джеринде.
Ичимден чыкъды хата, къайры барайым сата?
Зарда марда джокъ.
Биреуню къыйынлыгъы бла кесинге джол ишлеме.
Алим болгъандан эсе, адам болгъан къыйынды.
Байдан умут эте, джарлыдан ёгюз багъасы къорады.
Абынмазлыкъ аякъ джокъ, джангылмазлыкъ джаякъ джокъ.
Къатын къылыкъсыз, эр тынчлыкъсыз.
.