Къобан да къуру да къобханлай турмайды, адам да къуру да патчахлай турмайды.
Адамгъа аман кюн соруб келмейди.
Ашын ашагъанынгы, башын да сыйла.
Тил – миллетни джаны.
Алгъанда – джууукъ, бергенде – джау.
Ачлыкъда тары гырджын халыуадан татлы.
Малны кют, джерни тюрт.
Аджал соруб келмез, келсе, къайтыб кетмез.
Шекер бла туз – бир болмаз, ушамагъан – юй болмаз.
Ариу сёзде ауруу джокъ.
Джаханимни кёрмей, джандетге кёл салмазса.
Къралынгы – душмандан, башынгы от бла суудан сакъла.
Сёз къанатсыз учар.
Борчунг бар эсе, хурджунунга ойлаб узал.
Келинни – келгинчи, бёркню кийгинчи кёр.
Къайтырыкъ эшигинги, къаты уруб чыкъма.
Билими азны – ауузунда кирит.
Аман хансны – урлугъу кёб.
Эркиши – от, тиширыу – суу.
Ач къарным, тынч къулагъым.
Аман адам элни бир-бирине джау этер.
Юйюнгден чыкъдынг – кюнюнгден чыкъдынг.
Акъыл неден да кючлюдю.
Душманны тышы – акъ, ичи – къара.
Ана къолу ачытмаз.
Суугъа – таянма, джаугъа – ийнанма.
Тамырсыз терекге таянма – джыгъылырса.
Аман киши кеси юйюнде – къонакъ.
Тил бла келеди джыр да.
Кимни – тили, тиши онглу, кимни – къолу, иши онглу.
Айраннга суу къош, телиге джол бош.
Аджашханны ызындагъы кёреди, джангылгъанны джанындагъы биледи.
Къонакъны къачан кетерин сорма, къачан келлигин сор.
Ышармагъан – кюлмез, кюлмеген – къууанчны билмез.
Адамны бетине къарама, адетине къара.
Кёзню ачылгъаны – иги, ауузну джабылгъаны – иги.
Ашлыкъ – бюртюкден, джюн – тюкден.
Джолда аягъынга сакъ бол, ушакъда тилинге сакъ бол.
Бек ашыкъгъан меннге джетсин, дегенди аракъы.
Ётген ёмюр – акъгъан суу.
Къарт болгъан джерде, берекет болур, сабий болгъан джерде, оюн болур.
Тили узунну, намысы – къысха.
Къууут – джелге, берне – бошха.
Эл тойса, тоймагъан, эл къойса, къоймагъан.
Намыс болмагъан джерде, насыб болмаз.
Аш хазыр болса, иш харам болур.
Иги адамны бир сёзю эки болмаз.
Бастасын ашагъан, хантусун да ичер.
Мухардан ач ычхынмаз.
Ариу сёз – джаннга азыкъ, аман сёз – башха къазыкъ.
.