- Иги сёз – джаннга азыкъ, аман сёз башха – къазыкъ.
- Сагъыш – къартлыкъгъа сюйюмчю.
- Кёб къычыргъандан – къоркъма, тынч олтургъандан – къоркъ.
- Ишни аллы бла къууанма да, арты бла къууан.
- Гугук кесини атын айтыб къычыргъанча, мен, мен деб нек тураса?
- Айныгъанлы алты кюн, тогъайгъанлы тогъуз кюн.
- Эринчекни аурууу – кёб.
- Къошда джокъгъа – юлюш джокъ.
- Ариу джол аджал келтирмез.
- Джукъу тёшек сайламайды.
- Къартны бурнун сюрт да, оноугъа тут.
- Нарт сёз – тилни бети.
- Кеси юйюмде мен да ханма.
- Телиге акъыл салгъандан эсе, ёлгеннге джан салырса.
- Ётюрюкчюню шагъаты – къатында.
- Ашхы болсанг, атынг чыгъар, аман болсанг, джанынг чыгъар.
- Хантына кёре тузу, юйюне кёре къызы.
- Халкъгъа джарагъан, джарлы къалмаз.
- Окъдан джара эртде-кеч болса да бителир, сёз джара, ёмюрге къалыр.
- Ата Джуртун танымагъан, атасын да танымаз.
- Аманны тукъумуна къарама, игини тукъумун сорма.
- Джиби бир къат джетмей эди да, эки къат тарта эди.
- Бозаны арты дауур болур.
- Нёгерсизни джолу узун.
- Эшекге миннген – биринчи айыб, андан джыгъылгъан – экинчи айыб.
- Ойнай-ойнай кёз чыгъар.
- Бал – татлы, балдан да бала – татлы.
- Ишге юренсин къоллары, халкъ бла болсун джоллары.
- Азыгъы аз, алгъа къабар, аты аман, алгъа чабар.
- Ашхы адам – халкъ байлыгъы, ашхы джер – джашау байлыгъы.
- Джерни букъусу кёкге къонмаз.
- Аз айтсам, кёб ангылагъыз.
- Тешигини къатында, чычхан да батыр болур.
- Ач къарным, тынч къулагъым.
- Таукел къуру къалмаз.
- Адебсиз адам – джюгенсиз ат.
- Ауурну тюбю бла, дженгилни башы бла джюрюген.
- Ашаса, ашамаса да, бёрюню ауузу – къан.
- Ишлегенде эринме, ишде чолакъ кёрюнме.
- Ата Джуртуму башы болмасам да, босагъасында ташы болайым.
- Эл бла кёргенинг эрелей.
- Башы джабылгъан челекге, кир тюшмез.
- Джан саулукъ бермей, сан саулукъ бермезсе.
- Ёксюзню къалачы уллу кёрюнюр.
- Окъуусуз билим – джокъ, билимсиз кюнюнг – джокъ.
- Тёрде – темир таякълы, къаяда – чыпчыкъ аякълы.
- Джырчы ёлсе, джыры къалыр.
- Босагъагъа джууукъ орун болса, ашыгъыб тёрге озма.
- Тойгъандан сора, ашны сёкме.
- Урунуу – насыбны анасы.
Келигиз, тил байлыгъыбызны сакълайыкъ!
|
Бабье лето?
 |
|
|
|
|
|
Кергелен
Эсиме тюшгени бла.Къарачайча---бабье лето.? Киши билгенге ушамайды, кесигиз айтыб къоярмы эдигиз  |
|
|
|
|
|
Къарачайча---бабье лето.?
Сизни къфтыгъызда биз джукъ да билмейбиз  |
|
|
|
|
|
Кече ашхы болсун ДЖамагъат.!
Сизни къфтыгъызда биз джукъ да билмейбиз Да мен да сизни джылыгъызда сизнича болур эдим. Билирге тырмашыгъыз марджа.! Буу силегей учхан ---бабье лето. |
|
|
|
|
|
Дармоедге- къарачайча къалай айтадыла? Мен эшитгенме, дагъыда сизден да билирим келеди.
|
|
|
|
|
|
Акъыллычыкъ
Дармоедге- къарачайча къалай айтадыла? Мен эшитгенме, дагъыда сизден да билирим келеди. "Табсашар"-дебми эшитгенсе |
|
|
|
|
|
Табсашар
 |
|
|
|
|
|
Медицина къалай боллукъду къарачайча?
|
|
|
|
|
|
Дармоед - бошбел, байса
 былай болурму? |
|
|
|
|
|
меннге уа къошулургъа боллукъмуду?
|
|
|
|
|
|
Игитда болады. Хош кел!!!
|
|
|
|
|
|
Девушка Гор
сау бол  |
|
|
|
|
|
Аламатма
Медицина къалай боллукъду къарачайча? сёзлюкде да кечюрюлмейди. медицина деб къойгъандыла.Ауурууланы багъыу, саулукъ сакълау  |
|
|
|
|
|
Дармоед - бошбел, байса
 |
|
|
|
|
|
всезнайка
Энтузиазм дегенге уа къалай айтырыкъбыз??? |
|
|
|
|
|
Сёзлюкле кертида уллу болушлукъ этедиле бизге. Мени да барды: "Русско-карачаево- балкарский", " Карачаево-балкаро-русский" дагъыда къарачай тилде толковый словарь!
|
|
|
|
|
|
Кечегиз ашхы болсун аланла!
 |
|
|
|
|
|
Агуман, дебер? Ангыламайма бу сёзлени.
|
|
|
|
|
|
Агуман, дебер
Акъыллычыкъ, была къарачай сёзлемидиле, точно? |
|
|
|
|
|
Агуман деб игумен ге айта болурла мы?
|
|
|
|
|
|
Акъыллычыкъ, къайдаса? кёремисе, бу бош затла бла кюрешиб тургъанларын бу форумчанланы?
Къалай этеик былагъа? |
|
|
|
|
|
Агуман-джунчугъан, абзырагъан!
|
|
|
|
|
|
"культура" къарачайча культур-мультур болгъаны тюзмюдю??????
|
||||
|
|
|
|||
Читают тему (гостей: 5)