Джырчы ёлсе, джыры къалыр.
Тюзлюк шохлукъну бегитир.
Адам боллукъ, атламындан белгили болур.
Намыс сатылыб алынмайды.
Байлыкъ тауусулур, билим тауусулмаз.
Ашда – бёрю, ишде – ёлю.
Аууз сакълагъан – джан сакълар.
Кеси юйюмде мен да ханма.
Джумушакъ терекни къурт ашар.
Ашатыргъа иш – ашхы, ишлетирге аш – ашхы.
Джарлы эскисин джамаса, къууаныр.
Эл тойса, тоймагъан, эл къойса, къоймагъан.
Ёгюзню мюйюзюнден тутадыла, адамны сёзюнден тутадыла.
Азыкълы ат арымаз, къатыны аман джарымаз.
Бермеген къол, алмайды.
Ашха уста, юйюнде болсун
Ашхы атаны – джашы ашхы, ашхы ананы – къызы ашхы.
Окъуу – билимни ачхычы, окъуу – дунияны бачхычы.
Ачлыкъда тары гырджын халыуадан татлы.
Туз, гырджын аша, тюзлюк бла джаша.
Биреуге аманлыкъны тилеме да, кесинге ашхылыкъны тиле.
Керилген да, ургъан кибикди.
Чакъырылмагъан джерге барма, чакъырылгъан джерден къалма.
Дууулдаса – бал чибин, къонса – къара чибин.
Ишни ахырын ойламай, аллын башлама.
Ариу сёз – джаннга азыкъ, аман сёз – башха къазыкъ.
Кюл тюбюндеги от кёрюнмейди.
Тынгылагъан тынгы бузар.
Атлыны кёрсе, джаяуну буту талыр.
Кёлсюзден сёзсюз тууар.
Чарсда алчыны эл кёреди.
Джауумдан сора, кюн кюйдюрюр, ётюрюкден сора, айыб кюйдюрюр.
Ётюрюкню къуйругъу – бир тутум.
Бек анасы джыламаз.
Итли къонакъ джарашмаз.
Игини сыйлагъан адетди.
Башы ишлегенни, ауузу да ишлер.
Ач, тоймам, дейди, тойгъан, ач болмам, дейди.
Чомарт къолда мал къалмаз.
Рысхы – сют юсюнде кёмюк кибикди.
Акъыл бла адеб эгизледиле.
Керти сёзге тёре джокъ.
Джаш болсун, къыз болсун, акъылы, саны тюз болсун.
Джан саулукъ бермей, сан саулукъ бермезсе.
Къуру гыбыт бек дыгъырдар.
Билими азны – ауузунда кирит.
Сёз къанатсыз учар.
Уллу атлама – абынырса, уллу къабма – къарылырса.
Сормай – алма, чакъырылмай – барма.
Мухарны эси – ашарыкъда.
