Тулпарлыкъ, билекден тюл – джюрекден.
Тил джюрекге джол ишлейди.
Таукел тауну аудурур.
Къанны къан бла джуума, аманны аман бла къуума.
Акъыл неден да кючлюдю.
Къоркъакъны кёзю экили кёрюр.
Адамны джюреги нени кёрюрге сюйсе, кёзю да аны кёрюрге ёч болады.
От кюйдюрген, сау болса да, тот кюйдюрген, сау болмаз.
Кийимни бичсенг, кенг бич, тар этген къыйын тюлдю.
Ханы къызы буюгъа-буюгъа киштик болду.
Чакъырылгъанны аты, чакъырылмагъанны багъасы болур.
Ёгюзню мюйюзлери ауурлукъ этмейдиле.
Терек ауса, отунчу – кёб.
Баланы адам этген анады.
Сакъламагъан затынга джолукъсанг, не бек къууанаса, не бек ачыйса.
Уллу сёлешме да, уллу къаб.
Ёлюр джаннга, ёкюл джокъ.
Джетген къыз джерли эшекни танымаз.
Джигер – джаннга къыйынлыкъ.
Аллахха ийнаннган кишини, Аллах онгдурур ишин.
Чёбню кёлтюрсенг, тюбюнден сёз чыгъар.
Бир онгсуз адам адет чыгъарды, деб эштирик тюлсе.
Мухарны эси – ашарыкъда.
Ёзденликни джайгъан – джокълукъ.
Мураты болгъанны джюрек тебюую башхады.
Айранын берсенг, челегин да къызгъанма.
Кёбню кёрген – кёб билир.
Мени джылытмагъан кюн, меннге тиймесин!
Къан бла кирген, джан бла чыгъар.
Ёпкелегенни ашы татлы болады.
Чабар ат – джетген къыз.
Урунуу – насыбны анасы.
Къонакъ кёб келюучю юйню, къазаны отдан тюшмез.
Ач отунчуну ачыуу – бурнунда.
Аш кетер да бет къалыр.
Сакъалы текени да бар, мыйыгъы киштикни да бар.
Акъыл сабырлыкъ берир.
Ашхы атаны – джашы ашхы, ашхы ананы – къызы ашхы.
Къызбайны юйюне дери сюрсенг, батыр болур.
Ашаса, ашамаса да, бёрюню ауузу – къан.
Тёзген – тёш ашар!
Акъыллы айтыр эди, акъылсыз къоймайды.
Аман эсирсе, юйюн ояр.
Окъугъан озар, окъумагъан тозар.
Адам туугъан джеринде, ит тойгъан джеринде.
Тойгъа барсанг, тоюб бар, эски тонунгу къоюб бар.
Иги джашны ышаны – аз сёлешиб, кёб тынгылар.
Ханнга да келеди хариблик.
Джарашыу сюйген – джалынчакъ.
Нарт сёз къарт болмаз.
