Башсыз урчукъ тюзюне айланмаз.
Кютгени беш эчки, сызгъыргъаны уа, джерни джарады.
Билими азны – ауузунда кирит.
Экиндини кеч къылсанг, чабыб джетер ашхам.
Агъач – джерни чырайы, кийим – эрни чырайы.
Таукел тауну аудурур.
Кюл тюбюндеги от кёрюнмейди.
Кеси юйюмде мен да ханма.
Хар ишни да аллы къыйынды.
Чабакъгъа акъыл, табагъа тюшсе келеди.
Къонакъ хазыр болгъанлыкъгъа, къонакъбай хазыр тюлдю.
Джолунга кёре – джюрюшюнг, джагъанга кёре – юлюшюнг.
Баш – акъыл ючюн, акъылман – халкъ ючюн.
Насыблы элин сюер, насыбсыз кесин сюер.
Окъугъанны бети джарыкъ.
Джеринден айырылгъан – джети джылар, джуртундан айырылгъан – ёлгюнчю джылар.
Аман эсирсе, юйюн ояр.
Хаухну атма, ёнгкючню сатма.
Сабий болмагъан джерде, мёлек болмаз.
Махтаннган къыз, тойда джукълар.
Уллу сёлешме да, уллу къаб.
Аманны тукъумуна къарама, игини тукъумун сорма.
Адамны артындан къара сабан сюрме.
Къанны къан бла джуума, аманны аман бла къуума.
Эр абынмай, эл танымаз.
Ашхы сёз таш тешер.
Бет бетге къараса, бет да джерге къарар.
Къолу уллу – асыу, аягъы уллу – джарсыу.
Къыйынлы джети элни къайгъысын этер.
Ариу сёзде ауруу джокъ.
Бети – къучакълар, джюреги – бычакълар.
Къартха ушагъан джаш – акъыллы, джашха ушагъан къарт – тели.
Сескекли кесин билдирир.
Айтханы чапыракъдан ётмеген.
Ёмюрлюк шохлукъну джел элтмез.
Ишин билген, аны сыйын чыгъарады.
Байлыкъ тауусулур, билим тауусулмаз.
Кёзню ачылгъаны – иги, ауузну джабылгъаны – иги.
Къаллай салам берсенг, аллай джууаб алырса.
Билим ат болуб да чабар, къуш болуб да учар.
Ишленмеген джаш – джюгенсиз ат, ишленмеген къыз – тузсуз хант.
Адам сёзге тынгыла, акъыл сёзню ангыла.
Башы ишлегенни, ауузу да ишлер.
Гырджын – тепсини тамадасы.
Окъумагъан сокъурду, сокъур ташха абыныр!
Ашарыкъда сайлагъаннга – чий гырджын.
Къыйынлы джети элге оноу этер.
Агъач халкъгъа алтынды, иссиликге салкъынды.
Тиширыусуз юй – отсуз от джагъа.
Ишлегенде эринме, ишде чолакъ кёрюнме.
