Сёз сёзню айтдырыр.
Ашына кёре табагъы, балына кёре къалагъы.
Эртде тургъан джылкъычыны эркек аты тай табар.
Джюрек кёзден алгъа кёрюр.
Ишни аллы бла къууанма да, арты бла къууан.
Юй кюйдю да, кюйюз чыкъды, ортасындан тюйюш чыкъды.
«Ма», - дегенни билмесенг, «бер», - дегенни билмезсе.
Хунаны тюбюн къазсанг, юсюнге ауар.
Сёз садакъдан кючлюдю.
Ханы къызы буюгъа-буюгъа киштик болду.
Тёрени джагъы джокъ.
Адамны бетине къарама, адетине къара.
Адеб джокъда, намыс джокъ.
Душманны тышы – акъ, ичи – къара.
Къонакъ болсанг, ийнакъ бол.
Эл ауузу – элия.
Къарнынг тойгъунчу аша да, белинг талгъынчы ишле.
Мухарны эси – ашарыкъда.
Къаллай салам берсенг, аллай джууаб алырса.
Сёз къанатсыз учар.
Билимсиз иш бармаз.
Кёзден кетген, кёлден да кетеди.
Биреуню эскиси биреуге джангы болмайды.
Чыкълы кюнде чыкъмагъан, чыкъса къуру кирмеген.
Тили узунну, намысы – къысха.
Мал кёб болса, джууукъ кёб болур.
Джаз бир кюнню джатсанг, къыш талай кюнню абынырса.
Чакъырылмагъан къонакъ – орунсуз.
Адеби болмагъан къыз – тузсуз хант.
Аууз сакълагъан – джан сакълар.
Тин – байлыгъынг, терен саулугъунг.
Кийимни бир кюнню аясанг, минг кюннге джарар.
Рысхы джалгъанды: келген да этер, кетген да этер.
Сыфатында болмагъаны, суратында болмаз.
Бир онгсуз адам адет чыгъарды, деб эштирик тюлсе.
Окъ къызбайны джокълайды.
Джиби бир къат джетмей эди да, эки къат тарта эди.
Сёз – кюмюш, джыр – алтын.
Къошда джокъгъа – юлюш джокъ.
Ёлмесенг да, къарт дамы болмазса?
Къайгъы тюбю – тенгиз.
Биреу къой излей, биреу той излей.
Тас болгъан бычакъны сабы – алтын.
Айырылгъанланы айю ашар, бёлюннгенлени бёрю ашар.
Минг тенг да азды, бир джау да кёбдю.
Эринчекни аурууу – кёб.
Джангыз торгъай джырламаз.
Джылкъыдан – ат чыгъар, тукъумдан – джаш чыгъар.
Ач, тоймам, дейди, тойгъан, ач болмам, дейди.
Джангыз терек къынгыр ёсер.
