Азыкъ аз болса, эртде орун сал.
Кёб къычыргъандан – къоркъма, тынч олтургъандан – къоркъ.
Къоркъакъны кёзю экили кёрюр.
Уллу айтханны этмеген – уллаймаз.
Шекер бла туз – бир болмаз, ушамагъан – юй болмаз.
Къызбайны юйюне дери сюрсенг, батыр болур.
Биреуню къыйынлыгъы бла кесинге джол ишлеме.
Джыланны къуйругъундан басарынг келсе, аны башы болгъанын унутма.
Хар ишни да аллы къыйынды.
Кёзю сокъурдан – къоркъма, кёлю сокъурдан – къоркъ.
Тёзген – тёш ашар!
Аман къатын алгъан, арыр, иги къатын алгъан джарыр.
Джырчы джырчыгъа – къарнаш.
Тай асырагъан, атха минер.
Ариу – кёзге, акъыл – джюрекге.
Элде адам къалмаса, ит тахтагъа минер.
Бетинги сатма, малынгы сат.
Гитче джилтин уллу элни джандырыр.
Ойнай билмеген, уруб къачар.
Адебсиз адам – джюгенсиз ат.
Ачлыкъ отха секиртир.
Сютню башын джалагъан къутулур, тюбюн ичген тутулур.
Кёб джат да, бек чаб.
Адамны артындан къара сабан сюрме.
Чёбню кёлтюрсенг, тюбюнден сёз чыгъар.
Магъанасыз сёз – тауушсуз сыбызгъы.
Бек ашыкъгъан меннге джетсин, дегенди аракъы.
Къанны къан бла джуума, аманны аман бла къуума.
Джашны джигитлиги сорулур, къызны джигерлиги сорулур.
«Ёгюз, джаргъа джууукъ барма, меннге джюк боллукъса», - дегенди эшек.
Сагъышы джокъ – джукъучу, акъылы джокъ – къаугъачы.
Башы джабылгъан челекге, кир тюшмез.
Аман эсирсе, юйюн ояр.
Чабар ат – джетген къыз.
Битмегеннге сакъал – танг.
Ашлыкъны арба юйге келтирир, чана базаргъа элтир.
Экеу тутушса, биреу джыгъылыр.
Джахил болса анасы, не билликди баласы?
Бал – татлы, балдан да бала – татлы.
Аман киши кеси юйюнде – къонакъ.
Таш бла ургъанны, аш бла ур.
Бёрю да ач къалмасын, эчки да ашалмасын.
Сабийни джумушха джибер да, ызындан бар.
Аманнга да, игиге да оноусуз къатышма.
Тил бла келеди джыр да.
Адам бла мюлк юлешмеген эсенг, ол адамны билиб бошагъанма, деб кесинги алдама.
Келгинчи, къонакъ уялыр, келгенден сора, къонакъбай уялыр.
Байлыкъ келсе, акъыл кетер.
Малны кют, джерни тюрт.
Минг тенг да азды, бир джау да кёбдю.
