Джыланны къуйругъундан басарынг келсе, аны башы болгъанын унутма.
Эллинг бла джау болсанг да, юйюнг бла джау болма.
Ачыу алгъа келсе, акъыл артха къалады.
Термилгенинги табмазса, кюлгенинге тюберсе.
Ашда – бёрю, ишде – ёлю.
Кийим тукъум сордурур.
От кюйдюрген, сау болса да, тот кюйдюрген, сау болмаз.
Тай асырагъан, атха минер.
Зар адам ашынгы ашар, кесинги сатар.
Ач бёрюге мекям джокъ.
Тойгъан джерге джети къайт.
Суугъа – таянма, джаугъа – ийнанма.
Сютден ауузу кюйген, суугъа юфгюре эди.
Келгинчи, къонакъ уялыр, келгенден сора, къонакъбай уялыр.
Къуру гыбыт бек дыгъырдар.
Аман къатын алгъан, арыр, иги къатын алгъан джарыр.
Аджашханны ызындагъы кёреди, джангылгъанны джанындагъы биледи.
Къайгъыны сюйген, къайгъы табар.
Хатерли къул болур.
Чомартха хар кюн да байрамды.
Арба аугъандан сора, джол кёргюзтюучю кёб болур.
Чомарт къонакъ юй иесин сыйлар.
Эри аманны, къатыны – аман.
Ариу сёз – джаннга азыкъ, аман сёз – башха къазыкъ.
Байлыкъ келсе, акъыл кетер.
Ёлюр джаннга, ёкюл джокъ.
Башы джабылгъан челекге, кир тюшмез.
Элде адам къалмаса, ит тахтагъа минер.
Тамчы таш тешер.
Татлы сёз – балдан татлы.
Къазанчы аман болса, къазаны къайнамаз.
Къарт айтханны этмеген, къартаймаз.
Къолунгдан къуймакъ ашатсанг да, атаны борчундан къутулмазса.
Эринчекни эр алмаз, эр алса да, кёл салмаз, кёл салса да, кёб бармаз!
Ата Джуртча джер болмаз, туугъан элча эл болмаз.
Аш кетер да бет къалыр.
Азыкълы ат арымаз, къатыны аман джарымаз.
Окъ къызбайны джокълайды.
Тёрени джагъы джокъ.
Арыгъан къош чамчы болур.
Джыгъылгъанны сырты джерден тоймаз.
Болджал ишни бёрю ашар.
Ургъан суудан башынгы сакъла.
Аз сёлешген, къайгъысыз турур.
Чакъырылмагъан джерге барма, чакъырылгъан джерден къалма.
Башы ишлегенни, ауузу да ишлер.
Таукел къуру къалмаз.
Сагъыш – къартлыкъгъа сюйюмчю.
Алтыда кюлмеген, алтмышда кюлмез.
Акъыллы – эл иеси, тели – эл баласы.
