Къая джолда джортма, ачыкъ сёзден къоркъма.
Эки ойлашыб, бир сёлешген.
Рысхы – сют юсюнде кёмюк кибикди.
Аман киши кеси юйюнде – къонакъ.
Аллахдан тилесенг, кёб тиле.
Къартха ушагъан джаш – акъыллы, джашха ушагъан къарт – тели.
Джылар джаш, атасыны сакъалы бла ойнар.
Ариу сёз – къылычдан джити.
Хар ишни да аллы къыйынды.
Уллу айтханны этмеген – уллаймаз.
Ёпкелегенни ашы татлы болады.
Чомарт къонакъ юй иесин сыйлар.
Хоншуну тауугъу къаз кёрюнюр, келини къыз кёрюнюр.
Айныгъанлы алты кюн, тогъайгъанлы тогъуз кюн.
Тин – байлыгъынг, терен саулугъунг.
Таугъа чыгъаллыкъ эсенг, тюзде къалма.
Аманны эки битли тону болур, бирин сеннге кийдирир, бирин кеси киер.
Кюн кёрмеген, кюн кёрсе, кюндюз чыракъ джандырыр.
Суугъа – чабакъ, къаягъа – ыргъакъ.
Байны къызы баймакъ болса да, юйде къалмаз!
Акъыл аздырмаз, билим тоздурмаз.
Ётюрюкден тюбю джокъ, кёлтюрюрге джиби джокъ.
Чакъырылгъанны аты, чакъырылмагъанны багъасы болур.
Кечеси – аяз, кюню – къыш, джарлы къаргъагъа бир аш тюш!
Намысы болмагъанны, сыйы болмаз.
Кёб джат да, бек чаб.
Кюн – узун, ёмюр – къысха.
Адеб джокъда, намыс джокъ.
Таукел къуру къалмаз.
Къызын тута билмеген, тул этер, джашын тута билмеген, къул этер.
Ичимден чыкъды хата, къайры барайым сата?
От кюйдюрген, сау болса да, тот кюйдюрген, сау болмаз.
Сабийни джумушха джибер да, ызындан бар.
Игини сыйлагъан адетди.
Джуртун къоругъан озар.
Мен да «сен», дейме, сен да «кесим», дейсе.
Орну джокъну – сыйы джокъ.
Дууулдаса – бал чибин, къонса – къара чибин.
Айтхан – тынч, этген – къыйын.
Къазанны башы ачыкъ болса, итге уят керекди.
Ашхы адам – халкъ байлыгъы, ашхы джер – джашау байлыгъы.
Акъыл неден да кючлюдю.
Ёлген ийнек сютлю болур.
Хатерли къул болур.
Алим болгъандан эсе, адам болгъан къыйынды.
Ата джурт – алтын бешик.
Къатын байлыкъны сюер, эр саулукъну сюер.
Узун джолну барсанг, бюгюн келирсе, къысха джолну барсанг, тамбла келирсе.
Къарнынг тойгъунчу аша да, белинг талгъынчы ишле.
Татлы сёз – балдан татлы.
