Алим болгъандан эсе, адам болгъан къыйынды.
Эрине къаргъыш этген къатын, эрнин къабар.
Тойну къарнашы – харс, джырны къарнашы – эжиу.
Ётюрюкден тюбю джокъ, кёлтюрюрге джиби джокъ.
Ойнай билмеген, уруб къачар.
Акъыллы айтыр эди, акъылсыз къоймайды.
Шайтан алдады, тюзлюк къаргъады.
Иги адамны бир сёзю эки болмаз.
Шапа кёб болса, аш татымсыз болур.
Уллу сёзде уят джокъ.
Татлы тилде – сёз ариу, чемер къолда – иш ариу.
Кесине гебен этелмеген, биреуге черен эте эди.
Ойнай-ойнай кёз чыгъар.
Артына баргъанны, къатына барма.
Айтхан сёзюне табылгъан.
Кенгеш болса, уруш болмаз.
Алтыннга тот къонмаз.
Ач отунчуну ачыуу – бурнунда.
Джарлыны эшигин махтагъан джабар.
Сакъалы текени да бар, мыйыгъы киштикни да бар.
Джуртун къоругъан озар.
Гитче джилтин уллу элни джандырыр.
Рысхы – сют юсюнде кёмюк кибикди.
Кёб ант этген, кёб ётюрюк айтыр.
Кёрмегеннге кебек – танг, битмегеннге сакъал – танг.
Аууз сакълагъан – джан сакълар.
Шекер бла туз – бир болмаз, ушамагъан – юй болмаз.
Билмейме деген – бир сёз
Къарт айтханны этмеген, къартаймаз.
Билим ат болуб да чабар, къуш болуб да учар.
Аджашханны ызындагъы кёреди, джангылгъанны джанындагъы биледи.
Ашын ашагъанынгы, башын да сыйла.
От этилмеген джерден тютюн чыкъмайды.
Биреуге аманлыкъ этиб, кесинге игилик табмазса.
Къызны минг тилер, бир алыр.
Иги бла джюрюсенг, джетерсе муратынга, аман бла джюрюсенг, къалырса уятха.
Чакъырылмагъан къонакъ къачан кетерин сормаз.
Тюзлюк тас болмайды.
Ашаса, ашамаса да, бёрюню ауузу – къан.
Эл тойса, тоймагъан, эл къойса, къоймагъан.
Джарлы джети элни сёзюн этер.
Тынгылагъан тынгы бузар.
Чалманны аллы къалай башланса, арты да алай барады.
Кесинге джетмегенни, кёб сёлешме.
Къыйынлы джети элни къайгъысын этер.
Чомарт джарлы болмаз.
Ёмюрлюк шохлукъну джел элтмез.
Эринчекни аурууу – кёб.
Бозаны арты дауур болур.
Акъыллы башны – тили къысха.
