Орундукъ тюбюнде атылсам да, орта джиликме, де да айлан.
Дуния мал дунияда къалады.
Къарнынг къанлынга кийирир.
Тёрени джагъы джокъ.
Билимден уллу байлыкъ джокъду.
Ёзденликни джайгъан – джокълукъ.
Къонакъ аман болса, къонакъбай джунчур
Кечеси – аяз, кюню – къыш, джарлы къаргъагъа бир аш тюш!
Ёгюзню мюйюзлери ауурлукъ этмейдиле.
Баргъанынга кёре болур келгенинг.
Кёзню ачылгъаны – иги, ауузну джабылгъаны – иги.
Ишленмеген джаш – джюгенсиз ат, ишленмеген къыз – тузсуз хант.
Биреуге кёлтюрген таягъынг, кесинги башынга урур.
Билмегенинги, билгеннге сор.
Туз, гырджын аша, тюзлюк бла джаша.
Хар сёзню орну барды.
Айныгъанлы алты кюн, тогъайгъанлы тогъуз кюн.
Тенгни тенглиги джашай барсанг билинир.
Халкъгъа джарагъан, джарлы къалмаз.
Биреуню эскиси биреуге джангы болмайды.
Джарлы эскисин джамаса, къууаныр.
Къоркъакъны кёзю экили кёрюр.
Джаралыны джастыгъында сау ёлюр.
Аякъларынгы джууургъанынга кёре узат.
Рысхы – сют юсюнде кёмюк кибикди.
Бет бетге къараса, бет да джерге къарар.
Тилчиден кери бол.
Кёб къычыргъандан – къоркъма, тынч олтургъандан – къоркъ.
Байлыкъдан саулукъ ашхыды.
Тамбла алтындан бюгюн багъыр ашхы.
Ким бла джюрюсенг, аны кёзю бла кёрюнюрсе.
Мухардан ач ычхынмаз.
Билим ат болуб да чабар, къуш болуб да учар.
Ауругъанны сау билмез, ач къарынны токъ билмез.
Кимни – тили, тиши онглу, кимни – къолу, иши онглу.
Ана къойну – балагъа джандет.
Кютгени беш эчки, сызгъыргъаны уа, джерни джарады.
Аманны къуугъан, аманлыкъ табар.
Тулпарлыкъ, билекден тюл – джюрекден.
Джогъун бар этген, барын бал этген.
Уруну арты – къуру.
Ашхы – джыяр, аман – джояр.
Этни да ашады, бетни да ашады.
Кийимни бичсенг, кенг бич, тар этген къыйын тюлдю.
Окъугъанны бети джарыкъ.
Асхат ашлыкъ сата, юйдегиси ачдан къата.
Нафысынгы айтханын этме, намысынгы айтханын эт.
Тил бла келеди джыр да.
Къарыусузгъа кюлме, онгсузгъа тийме.
Тюз сёз баргъан сууну тыяр.
