Кеси юйюмде мен да ханма.
Ишни аллы бла къууанма да, арты бла къууан.
Хазыр ашха – терен къашыкъ.
Адеб базарда сатылмаз.
Ач бёрюге мекям джокъ.
Адам бла мюлк юлешмеген эсенг, ол адамны билиб бошагъанма, деб кесинги алдама.
Ёлмесенг да, къарт дамы болмазса?
Тешик этген тынчды, аны джамагъан къыйынды.
Сабий болмагъан джерде, мёлек болмаз.
Адамны артындан къара сабан сюрме.
Джылар джаш, атасыны сакъалы бла ойнар.
Иесиз малны бёрю ашар.
Эринчекге кюн узун.
Сагъышы джокъ – джукъучу, акъылы джокъ – къаугъачы.
Ата – баланы уясы.
Окъдан джара эртде-кеч болса да бителир, сёз джара, ёмюрге къалыр.
Келинни – келгинчи, бёркню кийгинчи кёр.
Кёб къычыргъандан – къоркъма, тынч олтургъандан – къоркъ.
Эшекге миннген – биринчи айыб, андан джыгъылгъан – экинчи айыб.
Адеби болмагъан къыз – тузсуз хант.
Кёб джат да, бек чаб.
Экеулен сёлеше тура эселе, орталарына барыб кирме.
Акъыл сабырлыкъ берир.
Джыйырма къойну юч джыйырма эбзе кюте эди.
Къанны къан бла джуума, аманны аман бла къуума.
Гыдай эчки суугъа къараб, мюйюзле кёрмесе, джашма алкъын, дегенди.
Нёгер болсанг, тенг бол, тенг болмасанг, кенг бол.
Аман киши кеси юйюнде – къонакъ.
Атлыны ашхысы, ат тизгининден билинир
Джауумдан сора, кюн кюйдюрюр, ётюрюкден сора, айыб кюйдюрюр.
Бир онгсуз адам адет чыгъарды, деб эштирик тюлсе.
Ёлген аслан – сау чычхан.
Къалгъан ишге къар джауар.
Юй кюйдю да, кюйюз чыкъды, ортасындан тюйюш чыкъды.
Къарт бла баш аша, джаш бла аякъ аша.
Битмегеннге сакъал – танг.
Миллетни бойну – базыкъ, аны бла кюрешген – джазыкъ.
Кирсизни – саны таза, халалны – къаны таза.
Байны къызы баймакъ болса да, юйде къалмаз!
Къарнынг бла ёч алма.
Терслик кетер, тюзлюк джетер.
Джиби бир къат джетмей эди да, эки къат тарта эди.
Окъумагъан сокъурду, сокъур ташха абыныр!
Джылыгъа джылан илешир.
Экиндини кеч къылсанг, чабыб джетер ашхам.
Насыб бютеу халкъны юлюшюдю.
Бал чибинни ургъаны – ачы, балы – татлы.
Арбаз сайлама да, хоншу сайла.
Къуру гыбыт бек дыгъырдар.
Чалманны аллы къалай башланса, арты да алай барады.
