Ашын ашагъанынгы, башын да сыйла.
Ёмюрлюк шохлукъну джел элтмез.
Чомартха хар кюн да байрамды.
Ана къойну – балагъа джандет.
Нафысынгы айтханын этме, намысынгы айтханын эт.
Джырчы ёлсе, джыры къалыр.
Юре билмеген ит, къонакъ келтирир.
Тёзген – тёш ашар!
Ким бла джюрюсенг, аны кёзю бла кёрюнюрсе.
Ёлген ийнек сютлю болур.
Ашхы адам – халкъ байлыгъы, ашхы джер – джашау байлыгъы.
Рысхы – насыбха къор.
Сютден ауузу кюйген, суугъа юфгюре эди.
Ётюрюк хапар аякъ тюбю бла джюрюйдю.
Джумушакъ терекни къурт ашар.
Айранын берсенг, челегин да къызгъанма.
Башынга джетмегенни сорма.
Алгъанда – джууукъ, бергенде – джау.
Таукел тауну аудурур.
Мадар болса, къадар болур.
Бал чибинни ургъаны – ачы, балы – татлы.
Иги сёз – джаннга азыкъ, аман сёз башха – къазыкъ.
Уллу къазанда бишген эт, чий къалмаз.
Аджашхан тёгерек айланыр.
Ач келгенни – тойдур, кеч келгенни – къондур.
Ашлыкъ – бюртюкден, джюн – тюкден.
Къайтырыкъ эшигинги, къаты уруб чыкъма.
«Ма», - дегенни билмесенг, «бер», - дегенни билмезсе.
Халкъгъа джарагъан, джарлы къалмаз.
Къарнынг бла ёч алма.
Кечеси – аяз, кюню – къыш, джарлы къаргъагъа бир аш тюш!
Къолу уллу – асыу, аягъы уллу – джарсыу.
Акъыл неден да кючлюдю.
Олтуруб кёрюнмей эди да, ёрге туруб кёрюне эди.
Къатын къылыкъсыз, эр тынчлыкъсыз.
Булут кёкге джарашыу, уят бетге джарашыу.
Бичгенде ашыкъма, тикгенде ашыкъ.
Босагъагъа джууукъ орун болса, ашыгъыб тёрге озма.
Ачылгъан эт джабылыр, кёрген кёз унутмаз.
Тойчу джашха къарама, къойчу джашха къара.
Таш ата билмеген, башына урур.
Абынмазлыкъ аякъ джокъ, джангылмазлыкъ джаякъ джокъ.
Тенги кёбню джау алмаз, акъылы кёбню дау алмаз.
Кёб къычыргъандан – къоркъма, тынч олтургъандан – къоркъ.
Мен да «сен», дейме, сен да «кесим», дейсе.
Эри аманны, къатыны – аман.
Къонакъ аман болса, къонакъбай джунчур
Сютню башын джалагъан къутулур, тюбюн ичген тутулур.
Келлик заман – къартлыкъ келтирир, кетген заман – джашлыкъ ёлтюрюр.
Кёл ашады да, кеси ашады.
