Къызын тута билмеген, тул этер, джашын тута билмеген, къул этер.
Джукъу тёшек сайламайды.
Болджал ишни бёрю ашар.
Миллетни бойну – базыкъ, аны бла кюрешген – джазыкъ.
Бермеген къол, алмайды.
Хансыз джомакъ болмаз.
Тай асырагъан, атха минер.
Эшекге миннген – биринчи айыб, андан джыгъылгъан – экинчи айыб.
Уллу сёзде уят джокъ.
Борчунг бар эсе, хурджунунга ойлаб узал.
Чакъырылмагъан джерге барма, чакъырылгъан джерден къалма.
Атлыны кёрсе, джаяуну буту талыр.
Соргъан айыб тюлдю, билмеген айыбды.
Кюн кёрмеген, кюн кёрсе, кюндюз чыракъ джандырыр.
Хар сёзню орну барды.
Къыз чыгъаргъан – къызыл къымжа.
Урунуу – насыбны анасы.
Сангырау къулакъ эл бузар.
Аман къатын алгъан, арыр, иги къатын алгъан джарыр.
Намысы болмагъанны, сыйы болмаз.
Къайгъы тюбю – тенгиз.
Адеб джокъда, намыс джокъ.
Рысхысына кёре, джаш ёсер, къышлыгъына кёре, мал ёсер.
Акъыл къартда, джашда тюйюлдю – башдады.
Биреуге аманлыкъны тилеме да, кесинге ашхылыкъны тиле.
Орну джокъну – сыйы джокъ.
Джыйырма къойну юч джыйырма эбзе кюте эди.
Тамбла алтындан бюгюн багъыр ашхы.
Ашда уялгъан – мухар, ишде уялгъан – хомух.
Джарашыу сюйген – джалынчакъ.
Азыгъы аз, алгъа къабар, аты аман, алгъа чабар.
Тюз сёз баргъан сууну тыяр.
Тели турса – той бузар.
Джюрекден джюрекге джол барды.
Аджашхан тёгерек айланыр.
Джашынгы кесинг юретмесенг, джашау юретир.
Бек ашыкъгъан меннге джетсин, дегенди аракъы.
Уясында не кёрсе, учханында аны этер.
Ата – билек, ана – джюрек!
Тюкюрюк баш джармаз, налат кёз чыгъармаз!
Кёзню ачылгъаны – иги, ауузну джабылгъаны – иги.
Къарнынг бла ёч алма.
Садакъачыны джаны – къапчыгъында.
Дженгил джетерикме деб, узун джолну къоюб, къысхасын барма.
Джашда акъыл джокъ, къартда къарыу джокъ.
Эски джаугъа ышанма.
Дуния малгъа сатылма, кесингден телиге къатылма.
Джангыз терек къынгыр ёсер.
Башы ишлегенни, ауузу да ишлер.
Узун джолну барсанг, бюгюн келирсе, къысха джолну барсанг, тамбла келирсе.
