Ашлыкъны арба юйге келтирир, чана базаргъа элтир.
Тилчи бир сагъатха айлыкъ хата этер.
Келлик заман – къартлыкъ келтирир, кетген заман – джашлыкъ ёлтюрюр.
Джарашыу сюйген – джалынчакъ.
Сагъыш – къартлыкъгъа сюйюмчю.
Аякъларынгы джууургъанынга кёре узат.
Адам туугъан джеринде, ит тойгъан джеринде.
Къыз келсе, джумуш эте келеди, къатын келсе, ушакъ эте келеди.
Тюзлюк шохлукъну бегитир.
Кёб джат да, бек чаб.
Экеулен сёлеше тура эселе, орталарына барыб кирме.
Зар адамны насыбы болмаз.
Къонагъы джокъну – шоху джокъ.
Адеб джокъда, намыс джокъ.
Ата джурт – алтын бешик.
Эл тойса, тоймагъан, эл къойса, къоймагъан.
Джангыз терек къынгыр ёсер.
Ана – юйню кюн джарыгъы.
Бек ашыкъгъан меннге джетсин, дегенди аракъы.
Ёксюзню тилеги къабыл болур.
Чомартны къолу берекет.
Къоркъакъны кёзю экили кёрюр.
Ашхылыкъ джерде джатмайды, аманлыкъ суугъа батмайды.
Ашаса, ашамаса да, бёрюню ауузу – къан.
Урунуу – насыбны анасы.
Накъырда – кертини келечиси.
Айтханы чапыракъдан ётмеген.
Кютгени беш эчки, сызгъыргъаны уа, джерни джарады.
Сабий кёргенин унутмаз.
Эркишини аманы тиширыуну джылатыр.
Арпа, будай – ащды, алтын, кюмюш а – ташды.
Арба аугъандан сора, джол кёргюзтюучю кёб болур.
Чомарт къонакъ юй иесин сыйлар.
Ачлыкъ отха секиртир.
Аман къатын алгъан, арыр, иги къатын алгъан джарыр.
Шапа кёб болса, аш татымсыз болур.
Чоюнну башы ачыкъ болса, итге уят керекди.
Акъыллы айтыр эди, акъылсыз къоймайды.
Тау башында, тау болмаз, джангыз терек, бау болмаз.
Урама да – ёледи, сатама да – келеди.
Айыбны суу бла джууалмазса.
Ауругъаннга – кийик саулукъ, джетген къызгъа – чилле джаулукъ.
Къарнынг къанлынга кийирир.
Джылыгъа джылан илешир.
Зарда марда джокъ.
Эки ойлашыб, бир сёлешген.
Кёкдеги болмаса, джердегин кёрмейди.
Бети бедерден, намыс сакълама.
Джауумдан сора, кюн кюйдюрюр, ётюрюкден сора, айыб кюйдюрюр.
Ач да бол, токъ да бол – намысынга бек бол.
