Къарт бла баш аша, джаш бла аякъ аша.
Ариу сёзде ауруу джокъ.
Чакъырылмай келген къонакъ сыйланмай кетер.
Къызны минг тилер, бир алыр.
Къолу уллу – асыу, аягъы уллу – джарсыу.
Игиге айтсанг – билир, аманнга айтсанг – кюлюр.
Иги адам абынса да, джангылмаз.
Къонакъны къачан кетерин сорма, къачан келлигин сор.
Кёбден умут этиб, аздан къуру къалма.
Къартны сыйын кёрмеген, къартлыгъында сыйлы болмаз.
Гугук кесини атын айтыб къычыргъанча, мен, мен деб нек тураса?
Ёлюк кебинсиз къалмаз.
Орну джокъну – сыйы джокъ.
Билмезни кёзю кёрмез, этмезни къулагъы эшитмез.
Джигер – джаннга къыйынлыкъ.
Къулакъдан эсе, кёзге ышан.
Минг тенг да азды, бир джау да кёбдю.
Джаш болсун, къыз болсун, акъылы, саны тюз болсун.
Элни кючю – эмеген.
Ишни ахырын ойламай, аллын башлама.
Чомарт къолда мал къалмаз.
Тилчи бир сагъатха айлыкъ хата этер.
Айраннга суу къош, телиге джол бош.
Ачыкъ джюрекге джол – ачыкъ.
Джол бла сёзню къыйыры джокъ.
Тулпарлыкъ, билекден тюл – джюрекден.
Ата Джуртча джер болмаз, туугъан элча эл болмаз.
Адебни адебсизден юрен.
Узун джолну барсанг, бюгюн келирсе, къысха джолну барсанг, тамбла келирсе.
Ата – билек, ана – джюрек!
Джаханимни кёрмей, джандетге кёл салмазса.
Ургъан суудан башынгы сакъла.
Къыйынлы джети элни къайгъысын этер.
Азыкълы ат арымаз, къатыны аман джарымаз.
Биреуню эскиси биреуге джангы болмайды.
Тынгылагъан тынгы бузар.
Билеги кючлю, бирни джыгъар, билими кючлю, мингни джыгъар.
Ёпкелегенни ашы татлы болады.
Аз айтсам, кёб ангылагъыз.
Ишлегенден, къарагъан уста.
Ат басханны джер билед.
Ётюрюкчюню шагъаты – къатында.
Тамбла алтындан бюгюн багъыр ашхы.
Джеринден айырылгъан – джети джылар, джуртундан айырылгъан – ёлгюнчю джылар.
Хунаны тюбюн къазсанг, юсюнге ауар.
Къазанны башы ачыкъ болса, итге уят керекди.
Тилсиз миллет джокъ болур.
Къатын къылыкъсыз, эр тынчлыкъсыз.
Билимден уллу байлыкъ джокъду.
Айтханы чапыракъдан ётмеген.
