Чакъырылмагъан къонакъ тёрге атламаз.
Аурууну келиую тынч, кетиую – къыйын.
Шапа кёб болса, аш татымсыз болур.
Атлыны кёрсе, джаяуну буту талыр.
Ат да турмайды бир териде.
Ышармагъан – кюлмез, кюлмеген – къууанчны билмез.
Хата – гитчеден.
Ата – баланы уясы.
Айырылгъанланы айю ашар, бёлюннгенлени бёрю ашар.
Бозанг болмагъан джерге, къалагъынгы сукъма.
Къонакъ кёб келюучю юйню, къазаны отдан тюшмез.
Иги адам абынса да, джангылмаз.
Ашаса, ашамаса да, бёрюню ауузу – къан.
Аман эсирсе, юйюн ояр.
Насыблы элин сюер, насыбсыз кесин сюер.
Джюз элде джюз ёгюзюм болгъандан эсе, джюз джууугъум болсун.
Сабыр джетер муратха, сабырсыз къалыр уятха.
Джашны джигитлиги сорулур, къызны джигерлиги сорулур.
Ата – билек, ана – джюрек!
Сабий болмагъан джерде, мёлек болмаз.
Айран ичген – къутулду, джугъусун джалагъан – тутулду.
Бир абыннган – минг сюрюнюр.
Къарт бла баш аша, джаш бла аякъ аша.
Кесине оноу эте билмеген, халкъына да эте билмез.
Баш болса, бёрк табылыр.
Эм ашхы къайын ана мамукъ бла башынгы тешер.
Къазанчы аман болса, къазаны къайнамаз.
Суу кетер, таш къалыр.
Аман киши кеси юйюнде – къонакъ.
Этим кетсе да, сюегим къалыр.
Билим – акъылны чырагъы.
Ариу сёз – джаннга азыкъ, аман сёз – башха къазыкъ.
Айтханы чапыракъдан ётмеген.
Джангызны оту джарыкъ джанмаз!
Тойгъанлыкъ къойгъа джарашады.
Къаллай салам берсенг, аллай джууаб алырса.
Алтыннга тот къонмаз.
Экеулен сёлеше тура эселе, орталарына барыб кирме.
Тили узунну, намысы – къысха.
Кёб къычыргъандан – къоркъма, тынч олтургъандан – къоркъ.
Акъыл аздырмаз, билим тоздурмаз.
Эл тойса, тоймагъан, эл къойса, къоймагъан.
Иги джашны ышаны – аз сёлешиб, кёб тынгылар.
Хаухну атма, ёнгкючню сатма.
Аш хазыр болса, иш харам болур.
Иги сёз – джаннга азыкъ, аман сёз башха – къазыкъ.
Хар зат кесини орнуна иги.
Ойнаб айтсанг да, эслеб айт.
Ата джурт – алтын бешик.
Къонакъ аман болса, къонакъбай джунчур
