Керек ташны ауурлугъу джокъ.
Джырчы ёлсе, джыры къалыр.
Сютню башын джалагъан къутулур, тюбюн ичген тутулур.
Тенги кёбню джау алмаз, акъылы кёбню дау алмаз.
Аман къатын алгъан, арыр, иги къатын алгъан джарыр.
Къууут – джелге, берне – бошха.
Намысы джокъну – дуниясы джокъ.
Насыблы элин сюер, насыбсыз кесин сюер.
Рысхы джалгъанды: келген да этер, кетген да этер.
Адебни адебсизден юрен.
Бермеген къол, алмайды.
Билими азны – ауузунда кирит.
Джыйырма къойну юч джыйырма эбзе кюте эди.
Нёгерсизни джолу узун.
Ишге юренсин къоллары, халкъ бла болсун джоллары.
Къонагъынгы артмагъын алма да, алгъышын ал.
Къонагъы джокъну – шоху джокъ.
Ариу сёз – джаннга азыкъ, аман сёз – башха къазыкъ.
Таукел адам тау тешер.
Чомартха Тейри да борчлуду.
Ышармагъан – кюлмез, кюлмеген – къууанчны билмез.
Башланнган иш битер, къымылдагъан тиш тюшер.
Гитче джилтин уллу элни джандырыр.
Къозулугъунда тоймагъан, къойлугъунда тоймаз.
Эл ауузу – элек, анга ийнаннган – халек.
Эл бла кёргенинг эрелей.
Къонакъ аз олтурур, кёб сынар.
Билим къая тешер.
Эринчекни аурууу – кёб.
Илму – джашауну джолу.
Кёлсюзден сёзсюз тууар.
Аман киши кеси юйюнде – къонакъ.
Насыб бютеу халкъны юлюшюдю.
Ишлегенден, къарагъан уста.
Билимли ёлмез, билимсиз кёрмез.
Эрни эр этерик да, къара джер этерик да, тиширыуду.
Кирсизни – саны таза, халалны – къаны таза.
Бети бедерден, намыс сакълама.
Ана кёлю – балада, бала кёлю – талада.
Уллу къазанда бишген эт, чий къалмаз.
Ачылгъан эт джабылыр, кёрген кёз унутмаз.
Кёб къычыргъандан – къоркъма, тынч олтургъандан – къоркъ.
Джарлыны эшигин махтагъан джабар.
Танг атмайма десе да, кюн къоярыкъ тюйюлдю.
Акъыл къартда, джашда тюйюлдю – башдады.
Айныгъанлы алты кюн, тогъайгъанлы тогъуз кюн.
Чомарт къолда мал къалмаз.
Тас болгъан бычакъны сабы – алтын.
Сютден ауузу кюйген, суугъа юфгюре эди.
Ариу – кёзге, акъыл – джюрекге.
