Аманны эки битли тону болур, бирин сеннге кийдирир, бирин кеси киер.
Кийим тукъум сордурур.
Джуртун къоругъан озар.
Джашлыкъ этмеген, башлыкъ этмез.
Акъыл къартда, джашда тюйюлдю – башдады.
Чомарт джарлы болмаз.
Тойгъан джерден туугъан джер игиди.
Байма, деб да, къууанма, джарлыма, деб да, джылама.
Ышармагъан – кюлмез, кюлмеген – къууанчны билмез.
Къанны къан бла джуума, аманны аман бла къуума.
Келлик заман – къартлыкъ келтирир, кетген заман – джашлыкъ ёлтюрюр.
Аман адам этегингден тутса, кес да къач.
Ашхы адам – халкъ байлыгъы, ашхы джер – джашау байлыгъы.
Къарнынг къанлынга кийирир.
Рысхысына кёре, джаш ёсер, къышлыгъына кёре, мал ёсер.
Ичимден чыкъды хата, къайры барайым сата?
Аллахдан тилесенг, кёб тиле.
Алтыда кюлмеген, алтмышда кюлмез.
Бюгюн дуния кибик, тамбла ахыратды.
Ариу джол аджал келтирмез.
Тамбла алтындан бюгюн багъыр ашхы.
Ач къарынны, токъ билмез
Ариу сёз – джаннга азыкъ, аман сёз – башха къазыкъ.
Сыфатында болмагъаны, суратында болмаз.
Ашда – бёрю, ишде – ёлю.
Тойгъа алгъа да барма, тойда артха да къалма.
Билимден уллу байлыкъ джокъду.
Ёмюрлюк шохлукъну джел элтмез.
Сабий кёргенин унутмаз.
Эрни эр этерик да, къара джер этерик да, тиширыуду.
Бир абыннган – минг сюрюнюр.
Юйюнгден чыкъдынг – кюнюнгден чыкъдынг.
Къууут – джелге, берне – бошха.
Тамырсыз терекге таянма – джыгъылырса.
Суугъа – таянма, джаугъа – ийнанма.
Ачны эсинде – аш.
Кюлме джашха – келир башха.
Айырылмаз джууугъунга, унутмаз сёзню айтма.
Джангызны оту джарыкъ джанмаз!
Телиге акъыл салгъандан эсе, ёлгеннге джан салырса.
Тойгъа барсанг, тоюб бар, эски тонунгу къоюб бар.
Чалманны аллы къалай башланса, арты да алай барады.
Хаухну атма, ёнгкючню сатма.
Ашхы сёз таш тешер.
Джерни букъусу кёкге къонмаз.
Адамны бетине къарама, адетине къара.
Ашха уста, юйюнде болсун
Аман киши кеси юйюнде – къонакъ.
Этек чакъмакълары баш джаргъан, сёлешген сёзлери таш джаргъан.
Сёз – кюмюш, джыр – алтын.
