Тойгъан джерден туугъан джер игиди.
Джюрекге ариу – кёзге да ариу.
Къонакъ аз олтурур, кёб сынар.
Джюрек кёзден алгъа кёрюр.
Дууулдаса – бал чибин, къонса – къара чибин.
Ариу сёз джыланны орнундан чыгъарыр.
Чёбню кёлтюрсенг, тюбюнден сёз чыгъар.
Бир онгсуз адам адет чыгъарды, деб эштирик тюлсе.
Ашда уялгъан – мухар, ишде уялгъан – хомух.
Адам къаллай бир ишленмесе, аллай бир кесин уллу кёреди.
Иги джашны ышаны – аз сёлешиб, кёб тынгылар.
Ёгюзню мюйюзюнден тутадыла, адамны сёзюнден тутадыла.
Ауругъан – джашаудан умутчу.
Атлыны кёрсе, джаяуну буту талыр.
Кирсизни – саны таза, халалны – къаны таза.
Иги адамны бир сёзю эки болмаз.
Джиби бир къат джетмей эди да, эки къат тарта эди.
Адамны аманы адамны бети бла ойнар.
Бал – татлы, балдан да бала – татлы.
Элге къуллукъ этмеген, элге ие болмаз.
Джигер – джаннга къыйынлыкъ.
Къарт болгъан джерде, берекет болур, сабий болгъан джерде, оюн болур.
Бети бедерден, намыс сакълама.
Ариу сёз – джаннга азыкъ, аман сёз – башха къазыкъ.
Миллетни бойну – базыкъ, аны бла кюрешген – джазыкъ.
Зар адамны насыбы болмаз.
Чомарт бергенин айтмаз.
Адебни адебсизден юрен.
Юйлю уругъа ит чабмаз.
Тилде сюек болмаса да, сюек сындырыр.
Къралынгы – душмандан, башынгы от бла суудан сакъла.
Аманны къуугъан, аманлыкъ табар.
Ашыкъгъан cуу, тенгизге джетмез.
Ишлегенде эринме, ишде чолакъ кёрюнме.
Къыз тиширыу кеси юйюнде да къонакъды.
Кютгени беш эчки, сызгъыргъаны уа, джерни джарады.
Сангырау къулакъ эл бузар.
Тилчи бир сагъатха айлыкъ хата этер.
Чомартха Тейри да борчлуду.
Терек ауса, отунчу – кёб.
Иги адам абынса да, джангылмаз.
Къонакъ аман болса, къонакъбай джунчур
Окъуусуз билим – джокъ, билимсиз кюнюнг – джокъ.
Сабыр джетер муратха, сабырсыз къалыр уятха.
Айтылгъан сёз ызына къайтмаз.
Ашхы – джыяр, аман – джояр.
Эл ауузу – элия.
Игини сыйлагъан адетди.
Алма терегинден кери кетмез.
Тилсиз миллет джокъ болур.
