Аш иеси бла татлыды.
Окъдан джара эртде-кеч болса да бителир, сёз джара, ёмюрге къалыр.
Ашлыкъ – бюртюкден, джюн – тюкден.
Ургъан суудан башынгы сакъла.
Бет бетге къараса, бет да джерге къарар.
Джюз элде джюз ёгюзюм болгъандан эсе, джюз джууугъум болсун.
Нёгер болсанг, тенг бол, тенг болмасанг, кенг бол.
Билимли ёлмез, билимсиз кёрмез.
Гыдай эчки суугъа къараб, мюйюзле кёрмесе, джашма алкъын, дегенди.
Кимни – тили, тиши онглу, кимни – къолу, иши онглу.
Акъыллы башны – тили къысха.
Ёксюзню тилеги къабыл болур.
Кирсизни – саны таза, халалны – къаны таза.
Тойгъан джерге джети къайт.
Ачны эсинде – аш.
Къобан да къуру да къобханлай турмайды, адам да къуру да патчахлай турмайды.
Аджашхан тёгерек айланыр.
Нёгерсизни джолу узун.
Ёксюзню къалачы уллу кёрюнюр.
Билеги кючлю, бирни джыгъар, билими кючлю, мингни джыгъар.
Уллу айтханны этмеген – уллаймаз.
Шапа кёб болса, аш татымсыз болур.
Тюзню ётмеги тюзде къалса да, тас болмаз.
Юйлю уругъа ит чабмаз.
Сибиртки да сыйлы болду, кюрек да кюнлю болду.
Керти сёзге тёре джокъ.
Ёзденликни кёбю ётюрюк.
Ёнгкюч къууана барыр, джылай келир.
Джашда акъыл джокъ, къартда къарыу джокъ.
Тыш элде солтан болгъандан эсе, кесинги элде олтан болгъан игиди!
Джарлыны тону джаз битер.
Байлыкъдан саулукъ ашхыды.
Киштикге къанат битсе, чыпчыкъ къалмаз эди.
Элни кючю – эмеген.
Къызны минг тилер, бир алыр.
Аманны къуугъан, аманлыкъ табар.
Арбаз къынгырды да, ийнек сауалмайма.
Сютден ауузу кюйген, суугъа юфгюре эди.
Кесинге джетмегенни, кёб сёлешме.
Тай асырагъан, атха минер.
Ата – билек, ана – джюрек!
Татлы сёз – балдан татлы.
Бозаны арты дауур болур.
Намысы болмагъанны, сыйы болмаз.
Къонакъны къачан кетерин сорма, къачан келлигин сор.
Эр абынмай, эл танымаз.
Джаш болсун, къыз болсун, акъылы, саны тюз болсун.
Ётюрюк хапар аякъ тюбю бла джюрюйдю.
Кюл тюбюндеги от кёрюнмейди.
Чакъырылгъанны аты, чакъырылмагъанны багъасы болур.
