Ачыкъ джюрекге джол – ачыкъ.
Аджаллыгъа окъсуз шкок атылыр.
Уллу сёзде уят джокъ.
Ышармагъан – кюлмез, кюлмеген – къууанчны билмез.
Эрни эр этерик да, къара джер этерик да, тиширыуду.
Тойгъан антын унутур.
Ойнай-ойнай кёз чыгъар.
Къонакъ аз олтурур, кёб сынар.
Билген билмегенни юретген адетди.
Юре билмеген ит, къонакъ келтирир.
Эл ауузу – элек, анга ийнаннган – халек.
Ашлыкъ – бюртюкден, джюн – тюкден.
Бет бетге къараса, бет да джерге къарар.
Аманны къуугъан, аманлыкъ табар.
Аш берме да, къаш бер.
Чабакъсыз кёлге къармакъ салгъанлыкъгъа, чабакъ тутмазса.
Чыбыкълыкъда бюгюлмеген, къазыкълыкъда бюгюлмей эди.
Джумушакъ сёз къаты таякъны сындырыр.
Аманнга да, игиге да оноусуз къатышма.
Айранын берсенг, челегин да къызгъанма.
Тура эдим джата, къайдан чыкъды хата?
Элиб деген, элге болушур.
Тёзген – тёш ашар!
Ач къалгъандан, кеч къалгъан къолай.
Эм уллу байлыкъ – джан саулукъ.
Огъурлуну сёзю – суу, огъурсузну сёзю – уу.
Биреуню къыйынлыгъы бла кесинге джол ишлеме.
Ётген ёмюр – акъгъан суу.
Бермеген къол, алмайды.
От кюйдюрген, сау болса да, тот кюйдюрген, сау болмаз.
Хантына кёре тузу, юйюне кёре къызы.
Рысхы джалгъанды: келген да этер, кетген да этер.
Тюз сёз баргъан сууну тыяр.
Хата – гитчеден.
Кёб джат да, бек чаб.
Чомарт къолда мал къалмаз.
Садакъачыны джаны – къапчыгъында.
Адебсиз адам – джюгенсиз ат.
Аман къатын сабий табса, бий болур…
Джарлы эскисин джамаса, къууаныр.
Иги бла джюрюсенг, джетерсе муратынга, аман бла джюрюсенг, къалырса уятха.
Тин – байлыгъынг, терен саулугъунг.
Юйюнг бла джау болгъандан эсе, элинг бла джау бол.
Халкъны джырын джырласанг, халкъ санга эжиу этер.
Насыблы элин сюер, насыбсыз кесин сюер.
Кимни – тили, тиши онглу, кимни – къолу, иши онглу.
Дуния аламаты сен эсенг да, игиме деб айтма.
Итли къонакъ джарашмаз.
Тёрдеги кюлсе, эшикдеги ышарыр.
Джырчы джырчыгъа – къарнаш.
