Ачылгъан эт джабылыр, кёрген кёз унутмаз.
Джаханимни кёрмей, джандетге кёл салмазса.
Кесине гебен этелмеген, биреуге черен эте эди.
Мадар болса, къадар болур.
Къозулугъунда тоймагъан, къойлугъунда тоймаз.
Ана – юйню кюн джарыгъы.
Сангырау къулакъ эл бузар.
Джумушакъ терекни къурт ашар.
Тёрде – темир таякълы, къаяда – чыпчыкъ аякълы.
Бир онгсуз адам адет чыгъарды, деб эштирик тюлсе.
Ана къолу ачытмаз.
Ишни аллы бла къууанма да, арты бла къууан.
Нафысынгы айтханын этме, намысынгы айтханын эт.
Тешик этген тынчды, аны джамагъан къыйынды.
Ишлегенде эринме, ишде чолакъ кёрюнме.
Билеги кючлю, бирни джыгъар, билими кючлю, мингни джыгъар.
Тюзлюк шохлукъну бегитир.
Ышармагъан – кюлмез, кюлмеген – къууанчны билмез.
Бал – татлы, балдан да бала – татлы.
Иги адам абынса да, джангылмаз.
Ёксюзню тилеги къабыл болур.
Тили узунну, намысы – къысха.
Тойгъандан сора, ашны сёкме.
Ургъан суудан башынгы сакъла.
Джюз элде джюз ёгюзюм болгъандан эсе, джюз джууугъум болсун.
Эртде тургъан бла эртде юйленнген сокъуранмаз.
Алтыннга тот къонмаз.
Агъач – джерни чырайы, кийим – эрни чырайы.
Сёз сёзню айтдырыр.
Биреуню эскиси биреуге джангы болмайды.
Къан бла кирген, джан бла чыгъар.
Шекер бла туз – бир болмаз, ушамагъан – юй болмаз.
Къартха ушагъан джаш – акъыллы, джашха ушагъан къарт – тели.
Айыбны суу бла джууалмазса.
Билмейме деген – бир сёз
Уясында не кёрсе, учханында аны этер.
Этек чакъмакълары баш джаргъан, сёлешген сёзлери таш джаргъан.
Итли къонакъ джарашмаз.
Чакъырылмагъан джерге барма, чакъырылгъан джерден къалма.
Аманны тукъумуна къарама, игини тукъумун сорма.
Терслик кетер, тюзлюк джетер.
Чомартха Тейри да борчлуду.
Кюлме джашха – келир башха.
Бек ашыкъгъан меннге джетсин, дегенди аракъы.
Алим болгъандан эсе, адам болгъан къыйынды.
Намысы джокъну – дуниясы джокъ.
Сакъламагъан затынга джолукъсанг, не бек къууанаса, не бек ачыйса.
Окъумагъан сокъурду, сокъур ташха абыныр!
Джылар джаш, атасыны сакъалы бла ойнар.
Чакъырылмагъан къонакъ къачан кетерин сормаз.
