Адеб джокъда, намыс джокъ.
Тойгъандан сора, ашны сёкме.
Тенги кёбню джау алмаз, акъылы кёбню дау алмаз.
Ариу сёз аурууунгу алыр.
Босагъа таш юйге кирмей эди, тыбыр таш эшикге чыкъмай эди.
Уруну арты – къуру.
Кесинге джетмегенни, кёб сёлешме.
Чалманны аллы къалай башланса, арты да алай барады.
Алма терегинден кери кетмез.
Махтаннган къыз, тойда джукълар.
Насыблы элин сюер, насыбсыз кесин сюер.
Аз сёлеш, кёб ишле.
Уясында не кёрсе, учханында аны этер.
Чакъырылгъанны аты, чакъырылмагъанны багъасы болур.
Агъач – джерни чырайы, кийим – эрни чырайы.
Акъыллы – эл иеси, тели – эл баласы.
Чомарт бергенин айтмаз.
Кёб къычыргъандан – къоркъма, тынч олтургъандан – къоркъ.
Байлыкъ тауусулур, билим тауусулмаз.
Тёрени джагъы джокъ.
Ханы къызы буюгъа-буюгъа киштик болду.
Ата Джуртун танымагъан, атасын да танымаз.
Кютгени беш эчки, сызгъыргъаны уа, джерни джарады.
Аш берме да, къаш бер.
Игини сыйлагъан адетди.
Сютню башын джалагъан къутулур, тюбюн ичген тутулур.
Кюн – узун, ёмюр – къысха.
Ашхы атаны – джашы ашхы, ашхы ананы – къызы ашхы.
Бёрю да ач къалмасын, эчки да ашалмасын.
Джумушакъ терекни къурт ашар.
Рысхы джалгъанды: келген да этер, кетген да этер.
Къызны минг тилер, бир алыр.
Илму – джашауну джолу.
Кёб джашагъан – кёб билир.
Иги болса, тамадама – махтау, аман болса, меннге – айыб.
Келинин тута билмеген, къул этер, къызын тута билмеген, тул этер.
Ат да турмайды бир териде.
Сёз – кюмюш, джыр – алтын.
Ана къойну – балагъа джандет.
Намысы болмагъанны, сыйы болмаз.
Гугурук къычырмаса да, тангны атары къалмаз.
Хаухну атма, ёнгкючню сатма.
Азыкълы ат арымаз, къатыны аман джарымаз.
Къайтырыкъ эшигинги, къаты уруб чыкъма.
Тюзлюк шохлукъну бегитир.
Сагъышы джокъ – джукъучу, акъылы джокъ – къаугъачы.
Джылыгъа джылан илешир.
Ойнаб айтсанг да, эслеб айт.
Чакъырылмагъан къонакъ къачан кетерин сормаз.
Тюзлюк тас болмайды.
