Кёзюнде тереги болгъан, чёбю болгъаннга кюле эди.
Хар сёзню орну барды.
Терек ауса, отунчу – кёб.
Кеси юйюмде мен да ханма.
Ариу сёз джыланны орнундан чыгъарыр.
Эл ауузу – элия.
Джарашыу сюйген – джалынчакъ.
Ана къойну – балагъа джандет.
Адамны аты башхача, акъылы да башхады.
Билгенни къолу къарны джандырыр.
Ётюрюкден тюбю джокъ, кёлтюрюрге джиби джокъ.
Окъугъан озар, окъумагъан тозар.
Ётюрюкню къуйругъу – бир тутум.
Башы джабылгъан челекге, кир тюшмез.
Ач уят къоймаз.
Аууздан келген, къолдан келсе, ким да патчах болур эди.
Къайтырыкъ эшигинги, къаты уруб чыкъма.
Тынгылагъан тынгы бузар.
Ашда – бёрю, ишде – ёлю.
Гырджын – тепсини тамадасы.
Къатыны харакетли болса, эри къымсыз болур.
Джангыз терек къынгыр ёсер.
Чакъырылмагъан къонакъ тёрге атламаз.
Кимни – тили, тиши онглу, кимни – къолу, иши онглу.
Бал чибинни ургъаны – ачы, балы – татлы.
Ашха уста, юйюнде болсун
Баш – акъыл ючюн, акъылман – халкъ ючюн.
Байны оноуу, джарлыгъа джарамаз.
Эки ойлашыб, бир сёлешген.
Урама да – ёледи, сатама да – келеди.
Тёзген – тёш ашар!
Минг тенг да азды, бир джау да кёбдю.
Ашлыкъны арба юйге келтирир, чана базаргъа элтир.
Ачыкъ джюрекге джол – ачыкъ.
Рысхы джалгъанды: келген да этер, кетген да этер.
Юй кюйдю да, кюйюз чыкъды, ортасындан тюйюш чыкъды.
Ёлген аслан – сау чычхан.
Тас болгъан бычакъны сабы – алтын.
Игиге айтсанг – билир, аманнга айтсанг – кюлюр.
Адамны сыфатына къарама, сёзюне къара.
Ашхы – джыяр, аман – джояр.
Юйюнгден чыкъдынг – кюнюнгден чыкъдынг.
Ашлыкъ – бюртюкден, джюн – тюкден.
Хаухну атма, ёнгкючню сатма.
Ариу сёзде ауруу джокъ.
Джангызны оту джарыкъ джанмаз!
Ёлюр джаннга, ёкюл джокъ.
Башсыз урчукъ тюзюне айланмаз.
Билимсиз иш бармаз.
Джаш къарыу бла кючлю, къарт акъыл бла кючлю.
