Къонагъы джокъну – шоху джокъ.
Кютгени беш эчки, сызгъыргъаны уа, джерни джарады.
Кесинг сынамагъан затны, адамгъа буюрма.
Къонакъ аман болса, къонакъбай джунчур
Джети тилни билген джети кишиди.
Харам къарнашдан, халал тенг ашхы.
Алма терегинден кери кетмез.
Акъыллы эркиши атын махтар, акъылсыз эркиши къатынын махтар.
Ашлыкъ – бюртюкден, джюн – тюкден.
Сакъламагъан затынга джолукъсанг, не бек къууанаса, не бек ачыйса.
Адам сёзге тынгыла, акъыл сёзню ангыла.
Тулпарлыкъ, билекден тюл – джюрекден.
Нарт сёз къарт болмаз.
Эл тойса, тоймагъан, эл къойса, къоймагъан.
Билгенни къолу къарны джандырыр.
Къартны бурнун сюрт да, оноугъа тут.
Ачыу алгъа келсе, акъыл артха къалады.
Ашда – бёрю, ишде – ёлю.
Хазыр ашха – терен къашыкъ.
Къатын байлыкъны сюер, эр саулукъну сюер.
Кёл – къызбай, къол – батыр.
Эм ашхы къайын ана мамукъ бла башынгы тешер.
Ёзденликни джайгъан – джокълукъ.
Уллу атлама – абынырса, уллу къабма – къарылырса.
Ачыкъ джюрекге джол – ачыкъ.
Акъыл сабырлыкъ берир.
Садакъачыны джаны – къапчыгъында.
Акъыллы башны – тили къысха.
Иги джашны ышаны – аз сёлешиб, кёб тынгылар.
Къарын къуру болса, джюрек уру болур.
Соргъан айыб тюлдю, билмеген айыбды.
Экеулен сёлеше тура эселе, орталарына барыб кирме.
«Ма», - дегенни билмесенг, «бер», - дегенни билмезсе.
Борчунг бар эсе, хурджунунга ойлаб узал.
Аллахха ийнаннган кишини, Аллах онгдурур ишин.
Аманнга да, игиге да оноусуз къатышма.
Къобан да къуру да къобханлай турмайды, адам да къуру да патчахлай турмайды.
Ашын ашагъанынгы, башын да сыйла.
Мухар, кеси тойса да, кёзю тоймаз.
Ашха уста, юйюнде болсун
Чыбыкълыкъда бюгюлмеген, къазыкълыкъда бюгюлмей эди.
Игини сыйлагъан адетди.
Намыс сатылыб алынмайды.
Берекет берсин деген джерде, берекет болур.
Эте билген, этген этеди, эте билмеген, юретген этеди!
Намысы болмагъанны, сыйы болмаз.
Юй ишлеген балта эшикде къалыр.
Ким бла джюрюсенг, аны кёзю бла кёрюнюрсе.
Сабийни джумушха джибер да, ызындан бар.
Арпа, будай – ащды, алтын, кюмюш а – ташды.
