Къартха ушагъан джаш – акъыллы, джашха ушагъан къарт – тели.
Адамны артындан къара сабан сюрме.
Таукел къуру къалмаз.
Ашлыкъны арба юйге келтирир, чана базаргъа элтир.
Билим ат болуб да чабар, къуш болуб да учар.
Ёлген аслан – сау чычхан.
Игиге айтсанг – билир, аманнга айтсанг – кюлюр.
Ишлерге уял да, ашаргъа табма.
Къартны бурнун сюрт да, оноугъа тут.
Джолунга кёре – джюрюшюнг, джагъанга кёре – юлюшюнг.
Билмезни кёзю кёрмез, этмезни къулагъы эшитмез.
Гитче джилтин уллу элни джандырыр.
Ишни ахырын ойламай, аллын башлама.
Къызбайны юйюне дери сюрсенг, батыр болур.
Аш хазыр болса, иш харам болур.
Къазанны башы ачыкъ болса, итге уят керекди.
Байлыкъ тауусулур, билим тауусулмаз.
Адамгъа аман кюн соруб келмейди.
Таш бла ургъанны, аш бла ур.
Тешигини къатында, чычхан да батыр болур.
Тилчиден кери бол.
Адебсиз адам – джюгенсиз ат.
Ана – юйню кюн джарыгъы.
Сибиртки да сыйлы болду, кюрек да кюнлю болду.
Аман хансны – урлугъу кёб.
Аджашханны ызындагъы кёреди, джангылгъанны джанындагъы биледи.
Къонакъны къачан кетерин сорма, къачан келлигин сор.
Аш берме да, къаш бер.
Уллу къашыкъ эрин джыртар.
Аз сёлешген, къайгъысыз турур.
Иги адамны бир сёзю эки болмаз.
Намысы болмагъанны, сыйы болмаз.
Ариу джол аджал келтирмез.
Кеси юйюмде мен да ханма.
Адам туугъан джеринде, ит тойгъан джеринде.
Ашатыргъа иш – ашхы, ишлетирге аш – ашхы.
Байлыкъ келсе, акъыл кетер.
Арба аугъандан сора, джол кёргюзтюучю кёб болур.
Атадан ёксюз – бир ёксюз, анадан ёксюз – эки ёксюз.
Ургъан суудан башынгы сакъла.
Бал чибинни ургъаны – ачы, балы – татлы.
Нарт сёз – тилни бети.
Гугук кесини атын айтыб къычыргъанча, мен, мен деб нек тураса?
Кюн – узун, ёмюр – къысха.
Кесине оноу эте билмеген, халкъына да эте билмез.
Къайгъыны сюйген, къайгъы табар.
Уясында не кёрсе, учханында аны этер.
Баргъанынга кёре болур келгенинг.
Аманнга да, игиге да оноусуз къатышма.
Ётюрюкню къуйругъу – бир тутум.
